سۇلەيمەنوۆ ٴمجا جايلى: ساننان ساپاعا كوشەتىن ۋاقىت جەتتى  - پارلامەنت|29 قازان 2018، 11:27
كۋرسى ۆاليۋت وبنوۆليايۋتسيا
استانا:

سۇلەيمەنوۆ ٴمجا جايلى: ساننان ساپاعا كوشەتىن ۋاقىت جەتتى 

استانا، baq.kz ٴتىلشىسى. مەملەكەتتىك-جەكەمەنشىك ارىپتەستىك ماسەلەسىندە ساننان ساپاعا كوشەتىن ۋاقىت جەتتى. بۇل جونىندە ماجىلىستەگى ۇكىمەت ساعاتىندا قر ۇلتتىق ەكونوميكا ٴمينيسترى تيمۋر سۇلەيمەنوۆ ايتتى.

«مەملەكەتتىك-جەكەمەنشىك ارىپتەستىككە ارنالعان شىعىنداردى جوسپارلاۋدا دا جاڭاشىلدىقتار بار. ەگەر، بۇعان دەيىن ٴمجا شىعىندارى كەلىسىمشارت جاسالعاننان كەيىن عانا رەسپۋبليكالىق نەمەسە جەرگىلىكتى مەملەكەتتىك ورگان بيۋدجەتىنە ەنگىزىلەتىن. ال بيۋدجەتتىڭ اينالاسىنداعى شارالار قانداي دا ٴبىر نىسان بويىنشا كەلىسسوزدەردىڭ اياقتالۋ مەرزىمىنە ساي كەلە بەرمەيدى. سول سەبەپتى، بىزگە بەكىتىلگەن كونكۋرستىق قۇجاتتاما نەگىزىندە شىعىنى بيۋدجەتكە ەنگىزۋ مۇمكىندىگى بەرىلىپ وتىر»، - دەدى مينيستر.

ۆەدومستۆو باسشىسى الداعى ۋاقىتتا جەرگىلىكتى جوبالارعا شەتەل ينۆەستورلارىن تارتۋعا مۇمكىندىك بەرىلىپ وتىرعانىن دا اتاپ ٴوتتى. ايتا كەتۋ كەرەك، بۇعان دەيىن ۆاليۋتالىق تاۋەكەلدەرگە وتەماقى ەرەكشە ماڭىزدى رەسپۋبليكالىق جوبالارعا عانا بەرىلىپ كەلدى.

«سونىمەن قاتار، مەملەكەتتىك-جەكەمەنشىك ارىپتەستىك ليميتتەرىن انىقتاۋ ادىستەرى دە انىقتالدى. جىل سايىن ٴبىز مەملەكەتتىك مىندەتتەمە ليميتتەرىن الداعى ٴۇش جىلدىق مەرزىمگە ارناپ بەكىتەمىز. ٴقازىر بۇل ماسەلەدە بەلسەندىلىك بار بولعاندىقتان جانە وڭىرلەر ٴوز ليميتتەرىنە جاۋاپكەرشىلىكپەن قاراي باستاعاندىقتان، ٴبىز بارلىق اكىمدىك بويىنشا 670 ملرد تەڭگەدەن 937 ملرد تەڭگەگە دەيىن ۇلعايتتىق. مەملەكەتتىك-جەكەمەنشىك ارىپتەستىكتى ودان ٴارى دامىتۋعا قاتىستى ايتار بولساق، ٴقازىر سوما دا ۇلكەن، جوبالار كولەمى دە ۇلكەن. سوندىقتان، ساننان ساپاعا كوشەتىن ۋاقىت جەتتى. سونداي-اق، «مەملەكەتتىك-جەكەمەنشىك ارىپتەستىك» پەن «كونسەسسيالار تۋرالى» ەكى زاڭدى بىرىكتىرۋ ماسەلەسىن قاراستىرۋدى جوسپارلاپ وتىرمىز. بۇل ەكى قۇجات كوپ ماسەلە بويىنشا ٴبىر-بىرىن قايتالادى جانە كونسەسسيا مەملەكەتتىك-جەكەمەنشىك ارىپتەستىكتىڭ ٴبىر قۇرالى بولىپ تابىلادى»، - دەدى سۇلەيمنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي