شىمكەنت پەن تۇركىستاندا سالىق مولشەرلەرى وزگەرەدى - پارلامەنت|22 قاراشا 2018، 12:12
كۋرسى ۆاليۋت وبنوۆليايۋتسيا
استانا:

شىمكەنت پەن تۇركىستاندا سالىق مولشەرلەرى وزگەرەدى

استانا، baq.kz ٴتىلشىسى. شىمكەنت پەن تۇركىستان قالالارىندا 2020 جىلدىڭ 1 قاڭتارىنان باستاپ وزگەرتىلگەن سالىق مولشەرلەرى كۇشىنە ەنەدى. بۇل تۋرالى ۇلتتىق ەكونوميكا ٴبىرىنشى ۆيسە-مينيسترى رۋسلان دالەنوۆ پارلامەنت ماجىلىسىنە ۇسىنىلعان «قر كەيبىر زاڭنامالىق اكتىلەرىنە اكىمشىلىك اۋماقتىق قۇرىلىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرۋ بارىسىندا مالىمدەدى.

«زاڭ جوباسىمەن قر 40 زاڭى مەن 11 كودەكسىنە وزگەرىستەر مەن تولىقتىرۋلار كوزدەلگەن. شىمكەنت قالاسىنىڭ رەسپۋبليكالىق ماڭىزى بار قالا ساناتىنا جاتقىزىلۋىنا بايلانىستى «رەسپۋبليكالىق ماڭىزى بار قالا» سوزدەرىن «رەسپۋبليكالىق ماڭىزى بار قالالار» سوزدەرىنە اۋىستىرۋ ۇسىنىلادى. زاڭ جوباسىنشا شىمكەنت جانە تۇركىستان قالالارىنا قاتىستى سالىق مولشەرلەرىن وزگەرتۋ ٴۇشىن قر سالىق كودەكسىنە وزگەرتۋلەر ەنگىزۋ كوزدەلگەن»، - دەدى ۇلتتىق ەكونوميكا ٴبىرىنشى ۆيسە-مينيسترى.

ول وزگەرتىلگەن سالىق مولشەرلەرىن بىردەن ەمەس، 2020 جىلدىڭ 1 قاڭتارىنان باستاپ، ياعني وتپەلى كەزەڭنەن كۇشىنە ەنگىزۋ ۇسىنىلاتىنىن ايتتى.

«بۇدان باسقا تۇركىستان وبلىسى اكىمشىلىك ورتالىعىنىڭ كوشىرىلۋىنە بايلانىستى تۇركىستان قالالىق اكىمشىلىگىنە جاتاتىن 12 اۋىلدىق وكرۋگ كەنتاۋ قالاسىنا جاتقىزىلدى. تيىسىنشە اتالعان اۋىلدىق وكرۋگتەرگە ەكولوگيالىق ۇستەمەنى ساقتاپ قالۋ ٴۇشىن ارال وڭىرىندەگى ەكولوگيالىق قاسىرەت سالدارىنان زارداپ شەككەن ازاماتتارعا الەۋمەتتىك قورعاۋ تۋرالى قر زاڭىنا تۇزەتۋلەر ەنگىزىلەدى. زاڭ جوباسىن قابىلداۋ الەۋمەتتىك قامسىزداندىرۋعا جانە حالىققا مەملەكەتتىك قىزمەتتەر كورسەتۋگە مۇمكىندىك بەرەدى. شىمكەنت قالاى مەن تۇركىستان وبلىسىنداعى مەملەكەتتىك ورگانداردىڭ ۇيلەسىمدى جۇمىس ىستەۋىن قامتاماسىز ەتەدى»، - دەپ ايتتى ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي