BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شەتەلدىك تۋريستەر كەسەنەلەرگە كىرۋگە قورقاتىن – مينيستر

فوتو: ашық дереккөзден

مادەنيەت جانە سپورت ٴمينيسترى پارلامەنت قابىرعاسىندا وتكەن تۋريستىك قىزمەتتى دامىتۋ تاقىرىبىنداعى ۇكىمەت ساعاتىندا ەلىمىزدەگى كەسەنەلەرگە كىرۋ نەلىكتەن اقىلى ەكەنىن ايتتى، دەپ حابارلايدى baq.kz ٴتىلشىسى.

«ارىستانباب كەسەنەسىنە كىرۋ اقىلى ەكەنىنە كۋا بولدىق. (...) سوندا اۋليەگە دۇعانى قالتاسىنا اقشاسى بار ازاماتتار عانا باعىتتاي الا ما؟ كەسەنەنى باسشىلار جەكە كاسىپكە اينالدىرىپ العان سياقتى. وسىدان 5-6 جىل بۇرىن كىرۋ اقىسىز بولاتىن. ٴقازىر نەلىكتەن اقىلى، بۇل اتالعان كەسەنەلەر مادەني-تاريحي مۇراجاي ەمەس پە؟ تۇركىستان قالاسىنداعى قوجا احمەت ياساۋي كەسەنەسىندە دە وسىنداي جاعداي. ەگەر مەملەكەت تاراپىنان ەشقانداي قاراجات بولىنبەي وتىرسا تۇسىنەمىن، بۇگىنگى تاڭدا ساداقادان باسقا سۋبسيديا دا ٴبولىنىپ وتىر عوي. كەسەنەدەن تۇسكەن قاراجاتتار قايدا جۇمسالادى؟ «رۋحاني جاڭعىرۋ» اياسىندا نەلىكتەن اقىسىز قىلمايسىزدار؟» - دەپ سۇرادى ٴماجىلىس دەپۋتاتى فاحريددين قاراتايەۆ مينيستردەن.

مادەنيەت جانە سپورت ٴمينيسترى ارىستانباب پەن قوجا احمەت ياساۋي كەسەنەسىنە باعانى مينيسترلىك بەلگىلەيتىنىن ايتتى.

«بۇل ماسەلە باق-تا دا، حالىقتىڭ ىشىندە دە كەڭىنەن تالقىلاندى. ٴبىز نە سەبەپتەن اقىلى ەتىپ جاتىرمىز، ناقتى قانشا ادام كەلەدى سوعان مونيتورينگ جۇرگىزۋىمىز كەرەك. ەكىنشى، شىنىمدى ايتايىن، وسىعان دەيىن قوجا احمەت ياساۋي، ارىستانباب تەگىن بولعان سوڭ ٴىشىن مەشىتكە اينالدىرىپ جىبەردى. تەگىن كىرەدى دە، بەس ۋاقىت نامازىن وقيدى. ازىن-اۋلاق تاماعىن ٴىشىپ جاتادى. ەشتەڭە ىستەي المايسىز. نەگە دەسەڭىز – ٴبارى تەگىن. شىعادى دا، كىرەدى. سونى توقتاتۋ ٴۇشىن حالىقارالىق تاجىريبەدە كىرۋ – اقىلى، شەتەلگە بارىڭىزشى بارلىق جەردە اقىلى. ٴبىز بۇل 100 تەڭگە، 200 تەڭگەنى سيمۆولدىق تۇردە قويدىق. كەرەك دەسەڭىز ودان دا تۇسىرەمىز. ٴبىراق ونى جۇيەلى تۇردە قويۋىمىز كەرەك. ٴوزىڭىز ايتىپ جاتىرسىز، ارىستانبابتىڭ باسىنا بارعان سوڭ تۇنەگىسى كەلەدى. 5 جىل بۇرىن ورىن جوق بولاتىن. ٴبىز ورتالىققا اينالدىرۋدىڭ ورنىنا كوبىنەسە حالىقتىڭ كوزقاراسىنا قاراي جۇمىس جاسادىق. مىسالى، شەتەلدەن كەلەتىن تۋريستەر كىرۋگە قورقاتىن. ىشىنە كىرسە ٴبارى ايقايلاپ ناماز وقىپ جاتادى. حالىقارالىق تاجىريبەنى الا وتىرىپ جۇيەلى تۇرگە قويدىق. قىمبات دەسەڭىزدەر، قاراستىرامىز»، - دەپ جاۋاپ بەردى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي