سەناتتا زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى تالقىلاندى - پارلامەنت|06 ماۋسىم 2018، 12:03
كۋرسى ۆاليۋت وبنوۆليايۋتسيا
استانا:

سەناتتا زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى تالقىلاندى

فوتو: ашық дереккөзден

بۇگىن سەناتتىڭ كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زياتكەرلىك مەنشىك سالاسىنداعى زاڭنامانى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى، دەپ حابارلايدى baq.kz ٴتىلشىسى.

«اتالعان زاڭ جوباسى 2014 جىلى ٴ12-شى ماۋسىمداعى شەتەل ينۆەستورلارى كەڭەسىنىڭ ٴ27-شى پلەنارلىق وتىرىسىندا بەرىلگەن پرەزيدەنتتىڭ تاپسىرماسىن ورىنداۋ ماقساتىندا ازىرلەندى. پرەزيدەنت ۇكىمەتكە زياتكەرلىك مەنشىك سالاسىن قورعاۋ جانە دامىتۋ سالاسىندا ەىدۇ ستاندارتتارىنا ٴوتۋ جونىندە جۇيەلى جۇمىستى جۇرگىزۋدى تاپسىرعان بولاتىن»، - دەدى كوميتەت مۇشەسى دۋلات قۇسداۋلەتوۆ.

سەناتوردىڭ ايتۋىنشا، زاڭ جوباسى اياسىندا ٴبىرقاتار زاڭعا وزگەرىستەر مەن تولىقتىرۋلار ەنگىزىلەدى. ولاردىڭ بارلىعى ٴبىرىنشى وقىلىمدا قاراستىرىلعان.

«سەناتتىڭ تۇراقتى كوميتەتتەرىنىڭ وسى زاڭ جوباسى بويىنشا ەسكەرتپەلەرى مەن ۇسىنىستارى ەكىنشى وقىلىمعا تۇسكەن جوق. وسىعان بايلانىستى اتالعان زاڭ جوباسى سەناتتىڭ تۇراقتى كوميتەتتەرىنەن كەلىپ تۇسكەن تولىقتىرۋلارمەن جانە وزگەرتۋلەرمەن قامتىلمايدى. باياندالعاننىڭ نەگىزىندە اتالعان زاڭ جوباسىن سەناتتىڭ جالپى وتىرىسىنا ەنگىزۋدى ۇسىنامىن»، - دەدى قۇسداۋلەتوۆ.

كوميتەت مۇشەلەرى زاڭ جوباسىن قولداپ، زاڭ جوباسى سەناتتىڭ جالپى وتىرىسىندا قارالاتىن بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي