BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتتا كاسىبي ٴبىلىم بەرۋدى زاڭنامالىق تۇرعىدا قامتاماسىز ەتۋ ماسەلەلەرى تالقىلاندى

استانا، baq.kz. پارلامەنت سەناتىندا پرەزيدەنت ن.نازاربايەۆتىڭ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جانە «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» جولداۋلارىندا بەلگىلەنگەن مىندەتتەر اياسىندا كاسىبي ٴبىلىم بەرۋ ساپاسىن زاڭنامالىق تۇرعىدا قامتاماسىز ەتۋ ماسەلەلەرى تالقىلاندى. شارانى سەناتتىڭ الەۋمەتتىك-مادەني دامۋ جانە عىلىم كوميتەتى ۇيىمداستىردى.

كوميتەت ٴتوراعاسى ٴبىرعانىم ٴايتىموۆا مەملەكەت باسشىسى نۇرسۇلتان نازاربايەۆ «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىندا كاسىبي-تەحنيكالىق ٴبىلىم بەرۋ ماسەلەلەرىنە ەرەكشە نازار اۋدارعانىن ەسكە سالدى.

ەلباسىنىڭ جولداۋىندا «جۇمىس بەرۋشىلەردى تارتۋ ارقىلى جانە حالىقارالىق تالاپتار مەن سيفرلىق داعدىلاردى ەسكەرە وتىرىپ، تەحنيكالىق جانە كاسىپتىك ٴبىلىم بەرۋ باعدارلامالارىن جاڭارتۋ كەرەك. «بارشاعا تەگىن كاسىپتىك-تەحنيكالىق ٴبىلىم بەرۋ» جوباسىن جۇزەگە اسىرۋدى جالعاستىرۋ قاجەت»، - دەپ اتاپ وتىلگەن بولاتىن.

تىركەۋدىڭ قولدانىستاعى ٴتارتىبىن حالىقارالىق ستاندارتتارعا، ونىڭ ىشىندە ەۋروپا كەڭىستىگىندەگى جوعارى ٴبىلىم (esg) ساپاسىن قامتاماسىز ەتۋدىڭ ستاندارتتارى مەن نۇسقاۋلىقتارىنا سايكەس جەتىلدىرۋ ٴۇشىن امەريكا، ەۋروپا جانە ازيا ەلدەرىندە مويىندالعان تىركەۋ اگەنتتىكتەرى جەلىسىن كەڭەيتۋگە باعىتتالعان تىركەۋ ورگاندارىن تانۋ ەرەجەسىنە وزگەرىستەر ەنگىزىلدى. ٴبىلىم بەرۋ رەيتينگتەرى الەمدىك تاجىريبەدە قولدانىلاتىن ٴبىلىم بەرۋ ساپاسىن ولشەۋ قۇرالدارىنىڭ ٴبىرى بولىپ تابىلادى. ٴبىلىم بەرۋ جۇيەلەرىنىڭ ساپاسىن باعالاۋ جانە سالىستىرۋ ٴۇشىن ٴارتۇرلى رەيتينگتەر (quacquarelli symonds، times higher education academicrankingofworlduniversities) پايدالانىلادى.

جوعارى جانە (نەمەسە) جوعارى وقۋ ورنىنان كەيىنگى ٴبىلىم بەرۋ ۇيىمدار قىزمەتىنىڭ ٴبىرىڭعاي ەرەجەلەرىنە تاجىريبەلىك-باعدار بەرۋدى وقۋىن قامتاماسىز ەتۋ ٴۇشىن جوعارى وقۋ ورىندارىنا ونەركاسىپتەن ساراپشىلاردى تارتۋعا مۇمكىندىك بەرەتىن وزگەرىستەر ەنگىزىلدى. بۇل رەتتە وقىتىلاتىن پاندەرگە نەگىزگى ٴبىلىم نەمەسە عىلىمي جانە اكادەميالىق دارەجەسى سايكەس كەلۋى مىندەتتى ەمەس جانە وقۋ ورنى ٴوزى شەشەدى.

جوعارى وقۋ ورىندارى تۇلەكتەردىڭ ەڭبەككە ورنالاستىرۋ جوسپارىنا ەلەۋلى تالاپتار قويىلادى. جوعارى وقۋ ورىندارى ماماندار دايارلاۋ بارىسىندا تۇلەكتەردىڭ 50 پايىزىنان استامىن جىل بويىنا جۇمىسقا ورنالاستىرۋى ٴتيىس. بۇل شارتقا سايكەس كەلمەيتىن وقۋ ورىندارىنىڭ ليسەنزيالارى توقتاتىلاتىن بولادى.

ٴبىلىم بەرۋدىڭ ساپاسىن باعالاۋدىڭ باستى قۇرالى تىركەۋ بولىپ تابىلادى. قازىرگى كەزدە ٴبىلىم بەرۋ ۇيىمدارىنىڭ تىزىمدەمەسىنە 102 جوعارى وقۋ ورنى ەنگەن.

الەۋمەتتىك-مادەني دامۋ جانە عىلىم كوميتەتىنىڭ مۇشەسى باقىتجان جۇماعۇلوۆ جوعارى ٴبىلىم بەرۋ سالاسىندا ازىرگە ونەركاسىپ پەن جۇمىس بەرۋشىلەردەن الشاق قالىپ كەلە جاتقانىن اتاپ ٴوتتى.

«ماماندارعا سۇرانىستىڭ نەگىزدەلگەن جۇيەسىن ەشكىم بىلمەيدى، ول تۋرالى مەملەكەت باسشىسى بىرنەشە مارتە تاپسىرعان بولاتىن. بۇل جەردە سوزدەن ىسكە كوشەتىن ۋاقىت كەلدى»، - دەدى سەناتور.

ول سونداي-اق تىركەۋدىڭ ماڭىزدى ەكەنىن دە ايتتى.

«ەگەردە ٴبىلىم جانە عىلىم مينيسترلىگى ٴوزىنىڭ تەتىكتەرىن قولدانا وتىرىپ وعان ٴتيىمدى قولداۋ ٴبىلدىرىپ، كەڭىنەن ناسيحاتتاسا – ول ٴبىلىم بەرۋ ساپاسىن ارتتىرۋ مىندەتىن ادال اتقاراتىن بولادى»، - دەدى سەناتور.

كاسىپتىك ٴبىلىم بەرۋدىڭ ماڭىزدى ماسەلەلەرىن ەگجەي-تەگجەيلى تالقىلاعاننان كەيىن ب.ٴايتىموۆا كاسىبي ٴبىلىم بەرۋدى زاڭنامالىق تۇرعىدا قامتاماسىز ەتۋ جۇمىستارى جالعاساتىندىعىن اتاپ ٴوتتى. دوڭگەلەك ۇستەلدىڭ قورىتىندىسى بويىنشا وسى سالانى جەتىلدىرۋ بويىنشا ۇسىنىستار جاسالدى.

اتاپ ايتقاندا، قازاقستان رەسپۋبليكاسىنىڭ ۇلتتىق بىلىكتىلىك جۇيەسىن، كاسىبي ستاندارتتاردى، كاسىبي جوعارى ٴبىلىمى بار مامانداردىڭ بىلىكتىلىگىن سەرتيفيكاتتاۋ جۇيەسىن ٴتيىمدى دامىتۋ جانە قۇقىقتىق قولداۋ;

ەلىمىزدىڭ جانە ونىڭ ايماقتارىنىڭ ناقتى قاجەتتىلىكتەرىن قامتاماسىز ەتۋگە باعىتتالعان كاسىپتىك ستاندارتتاردى جانە ٴبىلىم بەرۋ باعدارلامالارىن ازىرلەۋگە جۇمىس بەرۋشىلەردىڭ قاتىسۋىن قۇقىقتىق قامتاماسىز ەتۋ ماسەلەلەرىن پىسىقتاۋ;

جەكەمەنشىك جوعارى وقۋ ورىندارىندا ستۋدەنتتەردى مەملەكەتتىك ٴبىلىم بەرۋ گرانتىنىڭ قۇنىنا قوسىمشا بىرلەسىپ قارجىلاندىرۋ مۇمكىندىگىن قاراستىرۋ;

حالىقارالىق كونكۋرستاردىڭ جەڭىمپازدارى ٴۇشىن باكالاۆرياتتا ٴبىلىم بەرۋ باعدارلامالارى ٴۇشىن مەملەكەتتىك گرانتتارعا قابىلداۋدىڭ باسىم قۇقىقتارىن انىقتاۋ ماسەلەسىن قاراستىرۋ;

«جوعارى ٴبىلىم كوشباسشىلارى» جوباسىنا رەسپۋبليكالىق بيۋدجەتتەن بولىنگەن قارجى ٴبولۋ تۋرالى جانە باسقا ماسەلەلەر بويىنشا شارالار قابىلداۋ قاجەت.

شاراعا قاتىسۋشى ٴبىلىم جانە عىلىم ٴمينيسترىنىڭ ورىنباسارى اسحات ايماعامبەتوۆ، دەنساۋلىق ساقتاۋ ٴمينيسترىنىڭ ورىنباسارى ٴلاززات اقتايەۆا، مادەنيەت جانە سپورت ٴمينيسترىنىڭ ورىنباسارى aقتوتى رايىمقۇلوۆا، ەڭبەك جانە حالىقتى الەۋمەتتىك قورعاۋ ٴمينيسترىنىڭ ورىنباسارى نۇرجان التايەۆ، قازاقستان جوعارى وقۋ ورىندارى قاۋىمداستىعىنىڭ پرەزيدەنتى، «تۇران» ۋنيۆەرسيتەتىنىڭ رەكتورى راحمان الشانوۆ، «اتامەكەن» ۇلتتىق كاسىپكەرلەر پالاتاسى ٴتوراعاسىنىڭ ورىنباسارى ولجاس وردابايەۆ، س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ رەكتورى اقىلبەك كۇرىشبايەۆ جانە باسقالار ٴسوز سويلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي