BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتتا بايقوڭىر تۇرعىندارىنا دارىگەرلىك كومەك ٴتارتىبى قارالدى

سەنات كوميتەتىندە بايقوڭىر قالاسىنىڭ تۇرعىندارىنا دارىگەرلىك كومەك كورسەتۋ ٴتارتىبى تۋرالى حالىقارالىق قۇجات قارالدى، دەپ حابارلايدى ۆaq.kz اقپارات اگەنتتىگى.

پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «2009 جىلعى 17 قاراشاداعى قازاقستان رەسپۋبليكاسىنىڭ ۇكىمەتى مەن رەسەي فەدەراسياسىنىڭ ۇكىمەتى اراسىنداعى رەسەي فەدەراسياسىنىڭ «بايقوڭىر» كەشەنىن جالعا الۋ جاعدايىندا بايقوڭىر عارىش ايلاعىنىڭ پەرسونالىنا، بايقوڭىر قالاسىنىڭ، تورەتام جانە اقاي كەنتتەرىنىڭ تۇرعىندارىنا مەديسينالىق قىزمەت كورسەتۋ ٴتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاسيالاۋ تۋرالى» زاڭ جوباسى قارالدى.

حاتتاماعا 2017 جىلعى 9 قاراشادا چەليابينسك قالاسىندا مەملەكەتتەر باسشىلارىنىڭ قاتىسۋىمەن وتكەن قازاقستان مەن رەسەيدىڭ ٴوڭىرارالىق ىنتىماقتاستىعىنىڭ ٴحىv فورۋمىنىڭ بارىسىندا قول قويىلعان بولاتىن.

قازىرگى كەزدە قولدانىستاعى كەلىسىم اياسىندا قازاقستاندىق ازاماتتارعا، بايقوڭىر قالاسىنىڭ 48 مىڭنان استام تۇرعىنىنا مەديسينالىق كومەكتى رەسەي فەدەراسياسىنىڭ زاڭناماسىنا سايكەس رەسەيلىك مەديسينالىق ۇيىمدار عانا كورسەتەدى.

قازاقستاندا كورسەتىلەتىن مەديسينالىق كومەكتەن ايتارلىقتاي وزگەشەلىكتەر بولۋىنا بايلانىستى ٴبىزدىڭ ازاماتتارىمىز قازاقستاننىڭ زاڭناماسىنا سايكەس كەپىلدىك بەرىلگەن مەديسينالىق كومەك كولەمىن، تەگىن دارىلىك قۇرالدار مەن مەديسينالىق ماقساتتاعى بۇيىمدار الۋ، پروفيلاكتيكالىق مەديسينالىق (سكرينينگتىك) تەكسەرۋلەردەن ٴوتۋ قۇقىعىمەن قامتاماسىز ەتىلمەگەن. بايقوڭىر قالاسىنىڭ تۇرعىندارى قازاقستاننىڭ بارلىق وڭىرلەرىندە قولجەتىمدى جوعارى مامانداندىرىلعان مەديسينالىق كومەككە قول جەتكىزە الماۋدا، بۇل مۇگەدەكتىككە جانە ٴومىر ساپاسىن تومەندەتۋگە الىپ كەلەتىن كەلەڭسىز جاعدايلار ٴقاۋپىن ۇلعايتىپ وتىر.

زاڭ جوباسىن قابىلداۋ حاتتاماعا سايكەس قازاقستان رەسپۋبليكاسىنىڭ بايقوڭىر قالاسىندا، تورەتام جانە اقاي كەنتتەرىندە تۇراتىن ازاماتتارىنا قازاقستاننىڭ ۇلتتىق زاڭناماسىنا سايكەس ەلىمىزدىڭ دەنساۋلىق ساقتاۋ سۋبەكتىلەرىنىڭ مەديسينالىق كومەك كورسەتۋى ماسەلەسىن رەتتەۋگە مۇمكىندىك بەرەدى.

زاڭ جوباسىن قابىلداۋ تەرىس قۇقىقتىق جانە الەۋمەتتىك-ەكونوميكالىق سالدارلارعا الىپ كەلمەيدى، ونى ىسكە اسىرۋ بارىسىندا مەملەكەتتىك بيۋدجەتتەن قوسىمشا قارجى شىعىندارى بولمايدى.

زاڭ جوباسى پالاتانىڭ قاراۋىنا جىبەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي