BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتورلار مەدياسيانى دامىتۋ ماسەلەلەرىن تالقىلادى

پارلامەنت سەناتى كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى اتىراۋدا ەلىمىزدەگى مەدياسيا سالاسىن دامىتۋ ماسەلەلەرى بويىنشا كوشپەلى وتىرىس وتكىزدى.

كوميتەت ايماققا ساپاردىڭ العاشقى كۇنى «داۋلاسۋشىلىلىقتى تومەندەتۋدەگى مەدياسيا ٴراسىمىنىڭ ٴرولى» تاقىرىبى بويىنشا سەناتتا 2017 جىلعى 25 قازاندا وتكەن دوڭگەلەك ۇستەلدىڭ ۇسىنىمدارىن ىسكە اسىرۋ ناتيجەلەرى تۋرالى كوشپەلى وتىرىس ٴوتتى. سونداي-اق قازاقستان حالقى اسسامبلەياسىنىڭ، قازاقستان جوعارعى سوتىنىڭ، مەملەكەتتىك ورگاندار مەن قوعامدىق بىرلەستىكتەر وكىلدەرىنىڭ قاتىسۋىمەن جۇمىس بابىنداعى كەزدەسۋ بولدى.

كوميتەت ٴتوراعاسى گ.كيم كەزدەسۋدى اشا كەلىپ، قازاقستاننىڭ سوت تورەلىگى جۇيەسىندە مەدياسيا ينستيتۋتىنىڭ ٴرولىن اتاپ ٴوتتى. نەگىزگى بايانداما جاساعان سەناتور ۆ.ۆولكوۆ ۇكىمەتتىڭ وسى سالاداعى جۇمىسى مەن مەدياسيا راسiمدەرىن جۇزەگە اسىرۋ بارىسىن سىنعا الدى جانە ۋاكىلەتتى مەملەكەتتىك ورگانداردىڭ اراسىنداعى كۇش-جىگەردى ۇيلەستىرۋدىڭ جەتىمسىزدىگى تۋرالى ماسەلەلەر ايتىلدى.

قازاقستان حالقى اسسامبلەياسى ٴتوراعاسىنىڭ ورىنباسارى - قحا حاتشىلىعىنىڭ مەڭگەرۋشىسى ل. پروكوپەنكو، ەلىمىزدىڭ جوعارعى سوتىنىڭ سۋدياسى ۇ. سۇلەيمەنوۆا، ادىلەت ٴمينيسترىنىڭ ورىنباسارى ە. ٴازىموۆانىڭ جانە تاجىريبەلى مەدياتورلاردىڭ باياندامالارى تىڭدالدى.

كوميتەتتىڭ كوشپەلى وتىرىسىنىڭ بارىسىندا مەملەكەت باسشىسى ن.نازاربايەۆتىڭ داۋلاردى سوتقا دەيىنگى رەتتەۋ ادىستەرىن دامىتۋ قاجەتتىگى تۋرالى ايتقان تاپسىرمالارىن جۇزەگە اسىرۋ ماسەلەلەرىن سەناتورلار جان-جاقتى تالقىلادى. ايتىلعان ۇسىنىستار مەدياسيانى ودان ٴارى دامىتۋ بويىنشا زاڭ شىعارۋ جۇمىستارى بارىسىندا ەسكەرىلەتىن بولادى.

كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كوشپەلى وتىرىسىنىڭ قورىتىندىسى بويىنشا ۇكىمەتتىڭ مەدياسيا سالاسىنداعى بۇدان بىلايعى جۇمىستارىنا قورىتىندى بەرىلدى.

جۇمىس بابىنداعى كەزدەسۋدە مەدياسيا تۋرالى قولدانىستاعى زاڭناماعا قاجەتتى وزگەرىستەر تالقىلاندى. سالالىق مەكەمەلەردە جاڭا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە داۋلاردى سوتتان تىس جانە سوتقا دەيىنگى رەتتەۋ ينستيتۋتتارىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەۋ جونىندەگى جۇمىستار قولعا الىندى. ونداعى تۇزەتۋلەر نەكە جانە وتباسى، مۇراگەرلىك، جۇمىسپەن قامتۋ، الەۋمەتتىك، كورشىلەر مەن جەر داۋلارىنا قاتىستى ازاماتتىق جانە قىلمىستىق ىستەردىڭ جەكەلەگەن ساناتتارىنا مەدياسيانى مىندەتتى تۇردە پايدالانۋدى ۇلعايتۋعا باعىتتالعان بولادى.

پىكىرسايىستى سەناتور گ.كيم قورىتىندىلادى. ونىڭ ايتۋىنشا، ايتىلعان ۇسىنىمدار مەدياسيا سالاسىن رەتتەيتىن زاڭ جوبالارىن قاراستىرۋ بارىسىندا پايدالانىلاتىن بولادى.

سول كۇنى دەپۋتاتتار اتىراۋ قالاسىنداعى قۇقىق قورعاۋ قىزمەتىن كورسەتۋ ورتالىعىنا بارىپ، ونىڭ تەحنيكالىق جابدىقتالۋىمەن تانىستى. پروكۋرورلار، ادۆوكاتتار جانە مەدياتورلارمەن اڭگىمەلەسۋ بارىسىندا سەناتورلار قىلمىستىق زاڭناماداعى وزگەرىستەر مەن جاڭالىقتار جانە داۋلاردى شەشۋدىڭ بالاما ادىستەرىن كەڭەيتۋدىڭ كەلەشەگى تۋرالى ايتىپ بەردى. ورتالىق مەدياتورلارىن وسى سالا قىزمەتتەرىن ۇسىنۋ ستاندارتتارى قىزىقتىردى.

اتىراۋ وبلىسىنا ساپار اياسىندا دەپۋتاتتار «جىگەرمۇنايسەرۆيس» سەرىكتەستىگى مەن اتىراۋ مۇناي وڭدەۋ زاۋىتىندا بولىپ، ەڭبەك ۇجىمدارىمەن كەزدەستى. سەناتورلار جۇمىسشىلاردىڭ ەڭبەك جاعدايىمەن تانىسىپ، ەڭبەك داۋلارىن شەشۋدەگى مەدياسيا مۇمكىندىكتەرى تۋرالى حاباردار ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي