استانا، baq.kz ٴتىلشىسى. بۇگىن سەناتتىڭ كونستيتۋسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتى قازاقستان-تاجىكستان اراسىنداعى ٴبىرقاتار كەلىسىمدى راتيفيكاسيالاۋ تۋرالى زاڭ جوبالارىن تالقىلادى.
كەڭەيتىلگەن وتىرىستا «قازاقستان مەن تاجىكستان ۇكىمەتتەرى اراسىندا كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ جوباسى، «قازاقستان مەن تاجىكستان ۇكىمەتتەرى اراسىندا قازاقستان ازاماتتارىنىڭ تاجىكستان اۋماعىندا جانە تاجىكستان ازاماتتارىنىڭ قازاقستان اۋماعىندا ٴجۇرىپ-تۇرۋ ٴتارتىبى تۋرالى كەلىسىمدى راتيفيكاسيالاۋ تۋرالى» زاڭ جوباسى مەن باسقا دا زاڭدار قارالدى.
اتاپ وتسەك، كوشى-قون سالاسىنداعى ىنتىماقتاستىق تۋرالى كەلىسىم كوشى-قون پروسەستەرىن، باسپانا مەن ازاماتتىق بەرۋ ٴتارتىبىن، زاڭسىز كوشى-قونمەن كۇرەس ٴىس-قيمىلىن رەتتەۋگە باعىتتالعان.
ال، ٴجۇرىپ-تۇرۋ ٴتارتىبى تۋرالى كەلىسىم ەكى ەل ازاماتتارىنىڭ ٴبىر-بىرىنىڭ اۋماعىندا مەملەكەتتىك شەكارادان وتكەننەن كەيىن مىندەتتى تىركەۋسىز 30 كۇنگە دەيىن، ال مىندەتتى تىركەۋمەن 90 كۇنگە دەيىن ٴجۇرىپ-تۇرۋعا مۇمكىندىك بەرمەك.
اتالعان زاڭ جوبالارى پالاتىنىڭ قاراۋىنا جونەلتىلدى.
بۇعان دەيىن قازاقستان مەن تاجىكستان استانالارىن بايلانىستىراتىن اۋە رەيسى اشىلعانىن حابارلاعان ەدىك. سونداي-اق، تاجىكستاننىڭ تۋريستىك مۇمكىندىكتەرى جايلى جاريالاعان بولاتىنبىز.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
USD 379.19 
EUR 426.63 
RUB 5.92 
كىرۋ
استانا: 
319 
0
قىمبات ەلتايقىزى 
599
0