سەناتور تۇركپا وتىرىسىنا قاتىستى - پارلامەنت|01 قاراشا 2018، 16:26
كۋرسى ۆاليۋت وبنوۆليايۋتسيا
استانا:

سەناتور تۇركپا وتىرىسىنا قاتىستى

استانا، baq.kz. باكۋدە تۇركپا-نىڭ قۇقىقتىق ماسەلەلەر جانە حالىقارالىق قاتىناستار كوميسسياسىنىڭ التىنشى وتىرىسى ٴوتتى. وعان ازەربايجان، قازاقستان، قىرعىستان جانە تۇركيا ەلدەرىنىڭ پارلامەنتشىلەرى مەن ساراپشىلارى قاتىستى، دەپ جازادى parlam.kz.

وتىرىستا «تۇركپا-عا مۇشە مەملەكەتتەردىڭ تەرروريزمگە قارسى زاڭناما بويىنشا ورتاق ۇستانىمدارىن ازىرلەۋ» كۇن ٴتارتىبىنىڭ باستى تاقىرىبى بولدى.

تۇركپا قۇقىقتىق ماسەلەلەر جانە حالىقارالىق قاتىناستار كوميسسياسىنىڭ ٴتوراعاسى جانە تۇركيانىڭ ۇلى ۇلتتىق جينالىسىنىڭ مۇشەسى يسمەت ۋچما وتىرىسقا ٴتوراعالىق ەتتى.

قازاقستاندىق دەلەگاسيا باسشىسى، پارلامەنت سەناتىنىڭ دەپۋتاتى دينار نوكەتايەۆا ٴوز سوزىندە تەرروريزمگە قارسى كۇرەس جونىندەگى حالىقارالىق شارتتارعا قاتىسۋ قاجەتتىگى مەن وسى سالا بويىنشا تۇركى تىلدەس مەملەكەتتەرىنىڭ بىرىگۋى ماڭىزدى ەكەنىن اتاپ ٴوتتى.

شاراعا قاتىسۋشىلار تەرروريزمگە قارسى كۇرەستەگى ىنتىماقتاستىق تۋرالى پىكىر الماسىپ، جاھاندى تولعاندىرعان وسى ماسەلەگە ٴوزارا قۇقىقتىق كومەك كورسەتۋ ماسەلەلەرىن تالقىلادى.

كوميسسيا اتالعان ماسەلە بويىنشا بايانداما مەن ۇسىنىمداردى بەكىتتى. بۇل قۇجاتتار 2018 جىلعى 20-21 قاراشادا تۇركيادا وتەتىن تۇركپا وتىرىسىنىڭ سەگىزىنشى پلەنارلىق وتىرىسىنا ۇسىنىلۋى ٴتيىس.

سونداي-اق، كۇن تارتىبىندە تۇركپا حاتشىلىعىنىڭ قارجىلىق قىزمەتى تۋرالى ەرەجە جوباسى جانە مەدالدەر مەن مەدالدىق سەرتيفيكاتتار تۋرالى ماسەلەلەر قارالدى. سەناتور د.نوكەتايەۆا تاراپتاردى تۇركپا-نىڭ قارجى قىزمەتى تۋرالى ەرەجەنىڭ ٴبىرقاتار باپتارىن ەگجەي-تەگجەيلى پىسىقتاۋعا شاقىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي