BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەناتور: تۇركىستان وبلىسى مەن تۇركىستان قالاسىن دامىتۋ تۋرالى زاڭ قابىلدانۋى – وتە ماڭىزدى

بۇل تۋرالى پارلامەنت سەناتىنىڭ دەپۋتاتى مۇرات باقتيار ۇلى كەشە ەلباسىنىڭ قاتىسۋىمەن وتكەن پالاتالاردىڭ بىرلەسكەن وتىرىسىنان كەيىن ايتتى، دەپ حابارلايدى baq.kz اقپارات اگەنتتىگى.

"ەلباسى پارلامەنت سەسسياسىنىڭ اشىلۋىندا دەپۋتاتتار الدىندا جەتى ۇلكەن مىندەت قويدى. سولاردىڭ بىرىنە توقتالار بولسام – ٴوزىن-وزى جۇمىسپەن قامتىعان ازاماتتاردىڭ ماسەلەسى. ونى تەك قانا زاڭمەن رەتتەۋ كەرەك. سوندىقتان، وسى ماسەلە تۋرالى زاڭ جوباسى تاياۋدا پارلامەنتكە كەلىپ تۇسەدى. ەكىنشى ٴبىر ۇلكەن ماسەلە – شاعىن جانە ورتا بيزنەس. ول تۋرالى زاڭ جوباسى قازىرگى كەزدە ۇكىمەتتە ازىرلەنىپ جاتىر، جوبا پارلامەنتكە كەلىپ تۇسكەن كەزدە ٴبىز ونى جان-جاقتى پىسىقتاپ، تالقىلاپ، قاجەت بولاتىن بولسا وزگەرىستەر ەنگىزىپ، جەتىلدىرىپ بارىپ قابىلدايتىن بولامىز" - دەيدى سەناتور.

ونىڭ ايتۋىنا قاراعاندا، جاڭادان اشىلىپ جاتقان تۇركىستان وبلىسى مەن تۇركىستان قالاسىن دامىتۋ تۋرالى زاڭ قابىلدانۋى – وتە ماڭىزدى جاعداي.

"ويتكەنى، بۇل قاسيەتتى جەرلەردىڭ ٴبىرى. سونداي-اق ەلباسى تاپسىرمالارىنىڭ ٴبىرى – وسىنداي تاريحي، قاسيەتتى، ساكرالدى ورىندار تۋرالى ارنايى زاڭ قابىلداۋ جانە ٴتۋريزمدى دامىتۋ ٴۇشىن وسى سالا زاڭدارىنا وزگەرىستەر ەنگىزۋ بولىپ تابىلادى. جالپى، ٴتورتىنشى سەسسيا كوپتەگەن زاڭدار قابىلداناتىن بولادى. ويتكەنى، ەلباسىنىڭ تاپسىرمالارى وسى زاڭداردى قابىلداۋدى مىندەتتەيدى" - دەيدى مۇرات باقتيار ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي