سەناتور ادام قۇقىقتارى جونىندەگى ازيا فورۋمىنا قاتىستى - پارلامەنت|22 قاراشا 2018، 21:53
كۋرسى ۆاليۋت وبنوۆليايۋتسيا
استانا:

سەناتور ادام قۇقىقتارى جونىندەگى ازيا فورۋمىنا قاتىستى

استانا، baq.kz. سەنات دەپۋتاتى، قازاقستان رەسپۋبليكاسىنىڭ بالا قۇقىعى جونىندەگى ۋاكىلى ساۋلە ايتپايەۆا تاشكەنتتە ٴوتىپ جاتقان ازيا مەملەكەتتەرىنىڭ ادام قۇقىقتارى جونىندەگى ۇلتتىق ينستيتۋتتاردىڭ جينالىسىنا قاتىسىپ، «قازاقستان رەسپۋبليكاسىندا بالا قۇقىعى جونىندەگى ۋاكىلەتتى ينستيتۋتتىڭ قىزمەتى تۋرالى» بايانداما جاسادى. بۇل تۋرالى قر پارلامەنتى سەناتىنىڭ ٴباسپاسوز قىزمەتى مالىمدەدى.

سەناتور ودان باسقا 22-23 قاراشادا سامارقاندا وتكەن «ادام قۇقىقتارىنىڭ جالپىعا بىردەي دەكلاراسياسىنىڭ 70 جىلدىق قورىتىندىسى: ۋاقىت تالاپتارى مەن شىنايىلىق» تاقىرىبىنداعى ادام قۇقىعى جونىندەگى جوعارى دەڭگەيدەگى ازيا فورۋمىنا دا قاتىستى. فورۋمدا بۇۇ جانە حالىقارالىق ۇيىم وكىلدەرى، ازيا قۇرلىعىندا ادام قۇقىقتارىمەن اينالىساتىن ينستيتۋت باسشىلارى مەن زاڭگەر-عالىمدار بولدى.

فورۋمعا قاتىسۋشىلار دەكلاراسياداعى ەرەجەلەردى، ەكونوميكالىق، الەۋمەتتىك، مادەني جانە جالپىعا بىردەي ازاماتتىق قۇقىقتار مەن ولاردىڭ اراسىنداعى ٴوزارا بايلانىس، ادام قۇقىقتارى جونىندەگى مىندەتتەردى ورىنداۋ سالاسىنداعى جەتىستىكتەر مەن ماسەلەلەردى قاراستىردى.

تالقىلاۋدىڭ باستى تاقىرىبىنىڭ ٴبىرى – ادام قۇقىقتارىن قورعاۋداعى اتقارۋشى، وكىلدى جانە زاڭ شىعارۋ بيلىگىنىڭ، سوت پەن ۇلتتىق ينستيتۋتتاردىڭ ٴرولى جانە تۇراقتى دامۋ ماقساتتارىنا قول جەتكىزۋگە ىنتالاندىرۋ بولىپ وتىر. تالقىلاۋ قورىتىندى دەكلاراسيانى قابىلداۋمەن اياقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي