BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەنات «تابيعي مونوپوليالار تۋرالى» زاڭ جوباسىن قابىلدادى

استانا، baq.kz ٴتىلشىسى. بۇگىن پارلامەنت سەناتىنىڭ وتىرىسىندا قر ۇلتتىق ەكونوميكا ٴمينيسترى تيمۋر سۇلەيمەنوۆ «تابيعي مونوپوليالار تۋرالى» قر زاڭ جوباسى تۋرالى بايانداما جاسادى. تالقىلاۋدان كەيىن سەناتورلار زاڭ جوباسىن قابىلدادى.

«زاڭ جوباسى مىنا نەگىزگى مىندەتتەردى شەشۋگە باعىتتالعان: ٴبىرىنشى مىندەت. «تابيعي مونوپوليالار تۋرالى» زاڭنىڭ قولدانىستاعى رەداكسياسى 1998 جىلى قابىلدانعان بولاتىن. جيىرما جىلدىڭ ىشىندە زاڭعا 15 زاڭمەن 200 استام تۇزەتۋلەر ەنگىزىلدى. وسىعان بايلانىستى زاڭ جۇيەلىلىگىن جوعالتتى جانە سىلتەمەلەر سانى وتە كوپ، سونداي-اق قابىلداۋعا اۋىر. بۇدان باسقا، بۇگىنگى كۇنى تابيعي مونوپوليالار سۋبەكتىلەرىنىڭ قىزمەتىن رەتتەۋ، تاريفتەردى قالىپتاستىرۋ جانە بەكىتۋ راسىمدەرى 79 زاڭعا تاۋەلدى اكتىدە بەكىتىلگەن. زاڭ جوباسىندا سىلتەۋ نورمالارىن ازايتۋ جانە بارلىق زاڭعا تاۋەلدى اكتىلەردى ەكى بازالىق قۇجاتقا بىرىكتىرۋ كوزدەلەدى. ولار: تابيعي مونوپوليالار سۋبەكتىلەرىنىڭ قىزمەتىن رەتتەۋ ٴتارتىبى; ولاردىڭ رەتتەلىپ كورسەتىلەتىن قىزمەتتەرىنە تاريفتەردى قالىپتاستىرۋ ٴتارتىبى»، - دەدى سۇلەيمەنوۆ.

ٴمينيستردىڭ ايتۋىنشا، مەملەكەت باسشىسى پارلامەنتتىڭ التىنشى شاقىرىلىمىنداعى ٴۇشىنشى سەسسياسىنىڭ اشىلۋىندا سويلەگەن سوزىندە ينۆەستورلار مەن حالىقارالىق قارجى ينستيتۋتتارىن تارتۋ ٴۇشىن تۇرعىن ۇي-كوممۋنالدىق شارۋاشىلىعى جانە تاريف بەلگىلەۋ سالاسىنداعى زاڭنامانى جەتىلدىرۋ قاجەتتىلىگىنە باسا نازار اۋداردى.

«مەملەكەت باسشىسى 2014 جىلعى 11 قاراشاداعى «نۇرلى جول – بولاشاققا باستار جول» جولداۋىندا تۇرعىن ۇي-كوممۋنالدىق شارۋاشىلىعىن، سۋ جانە جىلۋمەن جابدىقتاۋ جەلىلەرىن جاڭعىرتۋ جانە زاڭنامانى جەتىلدىرۋ قاجەتتىلىگى تۋرالى اتاپ ٴوتتى. مينيسترلىك سۋبەكتىلەردى قولدانىلۋ مەرزىمى 5 جانە ودان استام جىلدارعا ارنالعان شەكتى تاريفتەر بويىنشا قىزمەتتەر كورسەتۋگە اۋىستىرۋ شەڭبەرىندە 2015 جىلدان باستاپ تابيعي مونوپوليالار سالاسىنا، ونىڭ ىشىندە تۇرعىن ۇي-كوممۋنالدىق شارۋاشىلىعىنا ينۆەستيسيالار تارتۋ بويىنشا اۋقىمدى جۇمىستى جۇرگىزىپ كەلەدى. بۇل تابيعي مونوپوليالار سالاسىنا 2021 جىلعا دەيىن 2،2 ترلن تەڭگە كولەمىندە ينۆەستيسيالار، ونىڭ ىشىندە شامامەن 1،3 ترلن تەڭگەنى تۇرعىن ۇي-كوممۋنالدىق شارۋاشىلىعى سالاسىنا تارتۋعا مۇمكىندىك بەردى»، - دەدى تيمۋر سۇلەيمەنوۆ.

ۆەدومستۆو باسشىسىنىڭ ايتۋىنشا، سوڭعى 3 جىلدا 1،02 ترلن تەڭگە سوماعا ينۆەستيسيالار، ونىڭ ىشىندە تۇرعىن ۇي-كوممۋنالدىق شارۋاشىلىعىنا – 684 ملرد تەڭگە تارتىلدى، ولاردىڭ 98 % تولىعىمەن بيۋدجەتتەن تىس كوزدەر ەسەبىنەن قارجىلاندىرىلدى. ودان باسقا، جاڭا تاريفتىك ساياسات شەڭبەرىندە حالىقارالىق قارجى ۇيىمدارىنىڭ ينۆەستيسيالارى بەلسەندى تۇردە تارتىلۋدا.

«سوڭعى 2 جىلدا 19،6 ملرد تەڭگە كرەديت قاراجاتى تارتىلدى. بۇل ينفراقۇرىلىمنىڭ توزۋ ٴوسىمىن توقتاتىپ قانا قويماي، تەرىس ترەندتى وزگەرتۋگە مۇمكىندىك بەردى. مەملەكەت باسشىسى 2018 جىلعى 10 قاڭتارداعى قازاقستان حالقىنا جولداۋىندا تابيعي مونوپوليالار تۋرالى زاڭناماعا تابيعي مونوپوليالار سۋبەكتىلەرىن وزدەرى كورسەتەتىن قىزمەتتەردىڭ تيىمدىلىگى مەن ساپاسىن ارتتىرۋعا ىنتالاندىرۋدى كوزدەيتىن وزگەرىستەر ەنگىزۋدى تاپسىردى. جالپى، سۋبەكتىلەردى جانە تاريف بەلگىلەۋدى رەتتەۋ ادىستەرىن جەتىلدىرۋ جونىندەگى جۇمىستى مينيسترلىك تۇراقتى نەگىزدە، ونىڭ ىشىندە حالىقارالىق ساراپشىلاردى تارتۋمەن جۇرگىزۋدە. وسىلايشا، 2014 جىلى قازاقستان رەسپۋبليكاسىنىڭ ۇكىمەتى جانە ەۋروپا قايتا قۇرۋ مەن دامۋ بانكى (ەققدب) اراسىندا ىنتىماقتاستىق تۋرالى كەلىسىم جاساستى»، - دەدى ول.

ٴمينيستردىڭ مالىمەتىنشە، 2016-2017 جىلداردا وتكىزىلگەن ەققدب زەرتتەۋلەرىنىڭ ناتيجەلەرى، نەگىزىندە «تابيعي مونوپوليالار تۋرالى» زاڭ جوباسى بويىنشا مىنالاردى كوزدەيتىن تاريف بەلگىلەۋدىڭ جاڭا ىنتالاندىرۋ ٴادىسىن ەنگىزۋ جوسپارلانىپ وتىر. ولار: ينۆەستيسيالاردى تارتۋ. سۋبەكتىلەردى وپەراسيالىق شىعىنداردى تومەندەتۋگە ىنتالاندىرۋ. سۋبەكتىلەر قىزمەتىنىڭ تيىمدىلىگىن، ولار كورسەتەتىن قىزمەتتەردىڭ ساپاسى مەن سەنىمدىلىگىن ارتتىرۋ.

«تابيعي مونوپوليالار سۋبەكتىلەرى ٴۇشىن رەتتەلىپ كورسەتىلەتىن قىزمەتتەردىڭ ٴتيىستى تيىمدىلىك، ساپا جانە سەنىمدىلىك كورسەتكىشتەرى بەلگىلەنەتىن بولادى. ماسەلەن، ەلەكتر ەنەرگەتيكاسى سالاسىندا: قىزمەتتەرگە قوسىلۋدان نەمەسە تەحنيكالىق شارتتاردى ۇسىنۋدان باس تارتۋعا ارنالعان شاعىمدار سانى; ۇزاق مەرزىمدى جوسپارلى جانە جوسپاردان تىس سوندىرۋلەردىڭ ورتاشا سانى جانە ۇزاقتىعى. جىلۋمەن جابدىقتاۋ سالاسىندا: جىلۋ ەنەرگياسى جانە جىلۋ جەلىلەرى ٴوندىرىسى كوزدەرىندەگى تەحنولوگيالىق بۇزۋشىلىقتاردىڭ جىلدىق سانى; جىلۋ بەرۋ ماۋسىمىنداعى جىلۋمەن جابدىقتاۋدى ٴسوندىرۋدى تۇتىنۋشىلاردىڭ (كۇندەردىڭ) سانى. سۋمەن جابدىقتاۋ سالاسىندا: 4 ساعاتتان استام سۋ بەرۋدەگى ۇزىلىستەر سانى; سۋ قۇبىرى جەلىسىنە بەرىلگەن جالپى سۋ كولەمىندە تاسىمالداۋ كەزىندە سۋمەن جابدىقتاۋ جۇيەسىندەگى سۋ ىسىراپتارىنىڭ ۇلەسى»، - دەدى سۇلەيمەنوۆ.

ونىڭ ايتۋىنشا، وسى كورسەتكىشتەرگە قول جەتكىزبەۋ تاريف دەڭگەيىنە ونى تومەندەتۋ ارقىلى اسەر ەتەتىن بولادى. سونداي-اق، ٴتاريفتى قالىپتاستىرۋ كەزىندە سۋبەكتىنىڭ شىعىندارىن جىل سايىن تومەندەتۋگە باعىتتالعان تيىمدىلىك كورسەتكىشى قولدانىلادى. ياعني، بەكىتىلگەن تاريفتە شىعىنداردى جىل سايىن تومەندەتۋ يندەكسى ديرەكتيۆتى تۇردە بەرىلەتىن بولادى.

«وسىلايشا، سۋبەكت ٴوز شىعىندارىن يندەكس شەڭبەرىندە تارىلتۋعا ٴماجبۇر بولادى. بەرىلگەن يندەكستەن اسۋ سۋبەكتىنى شىعىندارعا الىپ كەلەدى، جانە كەرىسىنشە شىعىنداردى وڭتايلاندىرۋ سۋبەكتىگە اقشالاي قاراجاتتىڭ ۇنەمدەلگەن بولىگىنە دەربەس يەلىك ەتۋگە مۇمكىندىك بەرەدى. تاريف بەلگىلەۋدىڭ جاڭا ىنتالاندىرۋشى ٴادىسىن قولدانۋ سۋبەكتىلەردىڭ ەكونوميكالىق جانە تەحنولوگيالىق دايىندىعى كەزىندە مۇمكىن بولادى»، - دەدى تيمۋر سۇلەيمەنوۆ.

ەستەرىڭىزدە بولسا، بۇگىن سەنات وتىرىسىندا جوعارعى سوتتىڭ ٴۇش سۋدياسى قىزمەتىنەن بوساتىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي