BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سەنات كوميتەتىندە ٴبىرقاتار زاڭ جوبالارى قارالدى

استانا، baq.kz. پارلامەنت سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.

زاڭ جوباسى مەملەكەت باسشىسىنىڭ 2018 جىلعى 10 قاڭتارداعى «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىن ورىنداۋ ٴۇشىن ازىرلەندى جانە دەنساۋلىق ساقتاۋ سالاسىنداعى قولدانىستاعى زاڭنامانى ودان ٴارى دامىتۋعا باعىتتالعان.

زاڭ جوباسىندا نەگىزگى باعىتتاردى قامتيتىن ٴبىرقاتار زاڭنامالىق اكتىلەرگە تۇزەتۋ ەنگىزۋدى كوزدەيدى. ولار: تەگىن مەديسينالىق كومەكتىڭ مەملەكەتتىك كولەمىنىڭ جاڭا ۇلگىسىن ەندىرۋ; مەديسينالىق ۇيىمدارداعى كورپوراتيۆتىك باسقارۋ جۇيەسىن جەتىلدىرۋ; دەنساۋلىق ساقتاۋ ينفراقۇرىلىمىن دامىتۋدىڭ ٴبىرىڭعاي پەرسپەكتيۆالىق جوسپارىن ەندىرۋ; قوعامدىق دەنساۋلىقتى ساقتاۋ ماسەلەلەرىن جەتىلدىرۋ; مەديسينالىق ٴبىلىم بەرۋ جۇيەسى مەن عىلىمدى جەتىلدىرۋ، مەديسينالىق كادرلاردى دايىنداۋ ساپاسىن ارتتىرۋ; دونورلىقتى دامىتۋ.

ماسەلەن، زاڭ جوباسىمەن كورسەتىلەتىن مەديسينالىق كومەكتەر كولەمدەرىن توپتامالار بويىنشا ٴبولۋ ۇسىنىلادى: ەڭ تومەن – تەگىن مەديسينالىق كومەكتىڭ كەپىلدىك بەرىلگەن كولەمى; بازالىق – «مىندەتتى الەۋمەتتىك مەديسينالىق ساقتاندىرۋ تۋرالى» قازاقستان رەسپۋبليكاسىنىڭ زاڭىنا سايكەس ۇسىنىلاتىن مىندەتتى الەۋمەتتىك مەديسينالىق ساقتاندىرۋ جۇيەسىندەگى مەديسينالىق كومەك (بۇدان ٴارى – ٴمامس); «ساقتاندىرۋ قىزمەتى تۋرالى» قازاقستان رەسپۋبليكاسىنىڭ زاڭىنا سايكەس ەرىكتى مەديسينالىق ساقتاندىرۋ شاڭبەرىندەگى مەديسينالىق كومەك; قازاقستان رەسپۋبليكاسىنىڭ زاڭناماسىنا قايشى كەلمەيتىن اقىلى قىزمەتتەر كورسەتۋ مەن وزگە دە كوزدەردىڭ ەسەبىنەن ۇسىنىلاتىن مەديسينالىق كومەكتى قامتيتىن مەديسينالىق كومەكتىڭ قوسىمشا كولەمى.

زاڭ جوباسىنا سايكەس، تەگىن مەديسينالىق كومەكتىڭ كەپىلدىك بەرىلگەن كولەمى قازاقستان رەسپۋبليكاسىنىڭ ازاماتتارىنا، ورالماندارعا، قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامدارعا بيۋدجەت قاراجاتى ەسەبىنەن ۇسىنىلادى، بارىنشا دالەلدەنگەن تيىمدىلىگى بار پروفيلاكتيكالىق، دياگنوستيكالىق جانە ەمدىك مەديسينالىق كورسەتىلەتىن قىزمەتتەردى، سونداي-اق دارىلىك كومەكتى قامتيدى.

تەگىن مەديسينالىق كومەكتىڭ كەپىلدىك بەرىلگەن كولەمىنىڭ تىزبەسىن قازاقستان رەسپۋبليكاسىنىڭ ۇكىمەتى بەكىتەدى.

تەگىن مەديسينالىق كومەكتىڭ كەپىلدىك بەرىلگەن كولەمى مەن مىندەتتى الەۋمەتتىك مەديسينالىق ساقتاندىرۋ جۇيەسى شەڭبەرىندەگى مەديسينالىق قىزمەتتەر ۇسىنۋ ۇلگىسىن ودان ٴارى جەتىلدىرۋ ماقساتىندا «مىندەتتى الەۋمەتتىك مەديسينالىق ساقتاندىرۋ تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزىلەدى، وعان سايكەس مىندەتتى الەۋمەتتىك مەديسينالىق ساقتاندىرۋ جۇيەسىندە: العاشقى مەديسينالىق-سانيتاريالىق كومەك مامانىنىڭ جانە بەيىندى مامانداردىڭ جولداماسى بويىنشا كونسۋلتاسيالىق-دياگنوستيكالىق كومەك; العاشقى مەديسينالىق-سانيتاريالىق كومەك مامانىنىڭ نەمەسە مەديسينالىق ۇيىمنىڭ جولداماسى بويىنشا اۋرۋلاردى تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە ەمدەۋ جاعدايلارىن قوسپاعاندا، ستاسيوناردى الماستىراتىن كومەك; اۋرۋحاناعا جاتقىزۋ جاعدايلارىنىڭ جوسپارلانعان سانى شەڭبەرىندە العاشقى مەديسينالىق-سانيتاريالىق كومەك مامانىنىڭ نەمەسە مەديسينالىق ۇيىمنىڭ جولداماسى بويىنشا اۋرۋلاردى تەگىن مەديسينالىق كومەكتىڭ كەپىلدىك بەرىلگەن كولەمى شەڭبەرىندە ەمدەۋ جاعدايلارىن قوسپاعاندا، جوسپارلى ستاسيونارلىق كومەك; ۋاكىلەتتى ورگان ايقىندايتىن اۋرۋلار (جاي-كۇيلەر) تىزبەسى بويىنشا العاشقى مەديسينالىق-سانيتاريالىق كومەك مامانىنىڭ نەمەسە مەديسينالىق ۇيىمنىڭ جولداماسى بويىنشا مەديسينالىق وڭالتۋ جانە قالپىنا كەلتىرۋ ەمى; تەگىن مەديسينالىق كومەكتىڭ كەپىلدىك بەرىلگەن كولەمىنە كىرمەيتىن اۋرۋلاردىڭ پاتالوگيالىق-اناتوميالىق دياگنوستيكاسى ۇسىنىلاتىن بولادى.

زاڭ جوباسىندا سونداي-اق ٴبىلىم بەرۋدى، زەرتتەۋلەردى جانە كلينيكالىق پراكتيكانى ۇشتاستىرۋ ارقىلى مەديسينالىق كادرلار دايىنداۋ مەن مەديسينالىق قىزمەتتەر ساپاسىن ارتتىرۋعا، ٴبىرقاتار اكىمشىلىك جانە قىلمىستىق قۇقىق بۇزۋشىلىقتار قۇرامىن قايتا قاراۋعا، دونورلىق جانە ترانسپلانتولوگيا ينستيتۋتىن جەتىلدىرۋگە، تۋبەركۋلەزبەن جانە ايتۆ-پەن اۋىراتىندارعا مەديسينالىق كومەك كورسەتۋگە، سونداي-اق دەنساۋلىق ساقتاۋ جۇيەسى ماسەلەلەرى بويىنشا قولدانىستاعى زاڭناماداعى ولقىلىقتاردى جويۋعا باعىتتالعان نورمالار كوزدەلگەن.

سونىمەن قاتار، سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دارىلىك زاتتار مەن مەديسينالىق بۇيىمداردىڭ اينالىسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارادى.

زاڭ جوباسى ٴبىرقاتار زاڭناما اكتىلەرىنە وزگەرتۋلەر مەن تولىقتىرۋلار ەنگىزۋدى كوزدەيدى. ەنگىزىلەتىن تۇزەتۋلەر شەكتى باعالاردى بەكىتۋ ارقىلى 2019 جىلعى 1 قاڭتاردان باستاپ بارلىق دارىلىك زاتتارعا ارنالعان باعالاردى رەتتەۋدى ەنگىزۋدى; اكىمدەردىڭ قۇزىرەتىنەن فارماسەۆتيكالىق قىزمەتتى جۇزەگە اسىرۋعا ارنالعان ليسەنزيالاردى بەرۋ جونىندەگى فۋنكسيالاردى الىپ تاستاۋدى; ازاماتتاردىڭ جەكەلەگەن ساناتتارىن تەگىن نەمەسە جەڭىلدىكپەن امبۋلاتوريالىق قامتاماسىز ەتۋ ٴۇشىن كەشەندى باعالاۋدىڭ نەگىزىندە دارىلىك پرەپاراتتار مەن مەديسينالىق بۇيىمداردىڭ ۇلتتىق فورمۋليارلىق تىزبەسىن قالىپتاستىرۋدى; دارىلىك زاتتار مەن مەديسينالىق بۇيىمداردى ەلەكتروندىق ساتىپ الۋعا كوشۋدى، سونداي-اق دارىلىك زاتتار مەن مەديسينالىق بۇيىمداردىڭ اينالىسى سالاسىنداعى زاڭنامانى جەتىلدىرۋگە باعىتتالعان باسقا دا نورمالاردى كوزدەيدى.

سونداي-اق، وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى.

زاڭ جوباسى مەملەكەت باسشىسىنىڭ ٴوزىن-وزى جۇمىسپەن قامتىعان حالىقتىڭ كىرىسىن ەسەپكە الۋ، سالىق تولەۋ جانە پروبلەمالارىن شەشۋ، ونىڭ الەۋمەتتىك قامسىزداندىرۋ جۇيەسىنە قاتىسۋى جونىندەگى ماسەلەلەردى ناقتى ازىرلەپ دايىنداۋ قاجەتتىلىگى تۋرالى تاپسىرماسىن ىسكە اسىرۋ ٴۇشىن، سونداي-اق 2018 جىلعى 10 قاڭتارداعى «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا ايتىلعان ساپالى جۇمىسپەن قامتۋدى جانە الەۋمەتتىك قامسىزداندىرۋدىڭ ٴادىل جۇيەسىن قامتاماسىز ەتۋ جونىندەگى مىندەتتەردى ىسكە اسىرۋ ماقساتىندا ازىرلەنگەن.

زاڭ جوباسى بەيرەسمي جۇمىسقا تارتىلعانداردىڭ ٴوز قىزمەتىن زاڭداستىرۋىنا جانە ٴبىرىڭعاي جيىنتىق تولەمدى تولەۋدىڭ ەسەبىنەن زەينەتاقىمەن قامسىزداندىرۋ، الەۋمەتتىك جانە مەديسينالىق ساقتاندىرۋ جۇيەسىنىڭ تولىق مۇشەسى بولۋىنا مۇمكىندىك بەرەتىن جۇيەلى شارالاردى ەندىرۋ ارقىلى شارتتاستىرۋعا جانە ولاردى ەلىمىزدىڭ ەكونوميكاسىنا تارتۋعا باعىتتالعان. زاڭ جوباسىمەن ٴبىرقاتار زاڭنامالىق اكتىلەرگە تۇزەتۋلەر ەنگىزىلەدى.

زاڭ جوباسىنىڭ نەگىزگى ەرەجەلەرى:

- 2019 جىلعى 1 قاڭتاردان باستاپ بەيرەسمي جۇمىسپەن قامتىلعان ادامداردىڭ قىزمەتىن سالىق ورگاندارىندا تىركەۋدىڭ جەڭىلدەتىلگەن ٴتارتىبىن كوزدەيتىن ٴبىرىڭعاي جيىنتىق تولەمدى ەنگىزۋدى; بەيرەسمي جۇمىسپەن قامتىلعاندار ٴۇشىن ٴبىرىڭعاي جيىنتىق تولەمدى ەنگىزۋ:

- مىندەتتى الەۋمەتتىك مەديسينالىق ساقتاندىرۋ جۇيەسىنە جانە مەديسينالىق ۇيىمداردى تاڭداۋ قۇقىعىمەن سوماسى مەن ٴتۇرى بويىنشا شەكتەۋسىز مەديسينالىق قىزمەتتەرگە قولجەتىمدىلىكتى الۋعا; زەينەتاقى جيناقتاۋ جۇيەسىنە قاتىسۋعا جانە جۇيەگە قاتىسۋ وتىلىنە قاراي بازالىق زەينەتاقى تولەمدەرىن الۋعا; ەڭبەككە جارامدىلىعىن جوعالتۋ، اسىراۋشىسىنان ايىرىلۋ، جۇكتى بولۋ جانە بوسانۋ، بالا نەمەسە قىز اسىراپ الۋ، 1 جىلعا دەيىن بالا كۇتۋ جاعدايلارىندا الەۋمەتتىك تولەمدەردى الۋعا مۇمكىندىك بەرەدى;

– مىندەتتى الەۋمەتتىك اۋدارىمداردى، مىندەتتى زەينەتاقى جارنالارىن، مىندەتتى مەديسينالىق ساقتاندىرۋ اۋدارىمدارىن تولەۋشىلەردىڭ ساناتتارىن بىرىزدەندىرۋدى;

– «جۇمىسپەن قامتىلعان ادام»، «جالدامالى جۇمىسكەر»، «تاۋەلسىز جۇمىسكەر» ۇعىمدارىن جانە حالىقارالىق ەڭبەك ۇيىمى بەلگىلەگەن جۇمىسپەن قامتىلعانداردىڭ حالىقارالىق سىنىپتاۋىشى نەگىزىندە ولاردىڭ مارتەبەسىن ايقىنداۋدى;

– بيزنەسكە، جۇمىس بەرۋشىلەرگە جانە بيۋدجەتكە اۋىرتپالىقتى ۇلعايتۋعا جول بەرمەۋ ماقساتىندا جەكەلەگەن سالىق شەگەرىمدەرىن ەسەپتەۋ ٴۇشىن دەرەكقوردى ەڭ تومەنگى جالاقىدان ايلىق ەسەپتىك كورسەتكىشكە وزگەرتۋدى;

– «استانا حاب» حالىقارالىق تەحنولوگيالىق پاركىنە قاتىسۋشىلار ٴۇشىن سالىقتىق ارتىقشىلىقتار بەرۋدى;

– ەتنوستىق قازاقتار-رەپاتريانتتاردىڭ زەينەتكە شىعۋى كەزىندە ولاردىڭ شەتەلدە تۇرۋى كەزەڭىندەگى جيناقتالعان ەڭبەك ٴوتىلىن ەسەپكە الۋدى جانە باسقالاردى كوزدەيدى.

بارلىق قۇجاتتار پالاتا قاراۋىنا جىبەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي