سەنات دەپۋتاتتارى ناتو پارلامەنتتىك اسسامبلەياسىنىڭ سەسسياسىنا قاتىستى - پارلامەنت|23 قاراشا 2018، 20:24
كۋرسى ۆاليۋت وبنوۆليايۋتسيا
استانا:

سەنات دەپۋتاتتارى ناتو پارلامەنتتىك اسسامبلەياسىنىڭ سەسسياسىنا قاتىستى

استانا، baq.kz. كانادانىڭ گاليفاكس قالاسىندا ناتو پارلامەنتتىك اسسامبلەياسىنىڭ كەزەكتى ٴ64-شى سەسسياسى ٴوتتى. سەسسيا جۇمىسىنا سەنات دەپۋتاتى نۇرجان نۇرسيپاتوۆ پەن ٴماجىلىس دەپۋتاتى اباي تاسبولاتوۆ قاتىستى، دەپ جازادى سەناتتىڭ ٴباسپاسوز قىزمەتى.

سەسسيا بارىسىندا حالىقارالىق قاۋىپسىزدىكتىڭ ماڭىزدى ماسەلەلەرى قارالدى. تالقىلاۋلاردا ەۋروپا ەلدەرىندە وتەتىن سايلاۋ بارىسىنا رەسەي تاراپىنان تونەتىن سان الۋان قاۋىپتەر مەن ولاردىڭ سايلاۋعا ارالاسۋىنا قارسى تۇرۋ، وڭتۇستىكتەگى تۇراقسىزدىق، قارا تەڭىز وڭىرىندەگى دەموكراتيا مەن ادام قۇقىقتارىنا كومەكتەسۋ، قيىر سولتۇستىك پەن جەرورتا تەڭىزىندەگى ازاماتتاردى قورعاۋ، سولتۇستىك كورەيانىڭ يادرولىق باعدارلاماسى، اليانستىڭ عىلىمي-تەحنولوگيالىق ارتىقشىلىقتارى، باتىس بالقانداعى قاۋىپسىزدىك، سونداي-اق ناتو-نىڭ ارنايى جەدەل كۇشتەرىنىڭ ٴرولى ماسەلەلەرى قوزعالدى.

سەسسياعا قاتىسۋشىلار شىعىس جانە ورتالىق ەۋروپاداعى ەنەرگەتيكالىق قاۋىپسىزدىك، ساۋدا حالىقارالىق جۇيەسى مەن عارىش سالاسىن دامىتۋدىڭ كەلەشەگى جونىندە پىكىر الماستى.

سەسسيا اياسىندا قازاقستاندىق دەپۋتاتتار كانادا پارلامەنتى قاۋىمدار پالاتاسىنىڭ ٴتوراعاسى دجەفف ريگانمەن جانە كانادالىق سەناتور، «كانادا-قازاقستان» دوستىق توبىنىڭ تەڭ ٴتوراعاسى دجوزەف دەەممەن كەزدەستى. كەزدەسۋ بارىسىندا دەپۋتاتتار ەكىجاقتى ىنتىماقتاستىقتى ودان ٴارى جوعارى دەڭگەيگە كوتەرۋ قاجەتتىگىن، سونداي-اق قازاقستان مەن كانادا پارلامەنتتەرى اراسىنداعى بايلانىستاردى بەلسەندى جۇرگىزۋدىڭ ماڭىزدىلىعىن اتاپ ٴوتتى.

سونىمەن قاتار، بريتاندىق دەپۋتات، ۇلىبريتانيا پالاتاسىنىڭ قازاقستانمەن ىنتىماقتاستىق جونىندەگى بۇكىل پارتيا توبىنىڭ جەتەكشىسى بوب ستيۋارتپەن جانە تۇركيانىڭ دەپۋتاتى كاميل ايدىنمەن كەزدەسۋلەر ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي