BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پىكىرىن اياق استىنان وزگەرتكەن مينيستر نىعماتۋليننەن ٴسوز ەستىپ قالدى

استانا، baq.kz ٴتىلشىسى. قر پارلامەنتى ٴماجىلىسىنىڭ ٴتوراعاسى نۇرلان نىعماتۋلين ۇلتتىق ەكونوميكا جانە قارجى مينيسترلىكتەرىنىڭ زاڭ جوبالاۋ جۇمىستارىنا ٴاتۇستى قارايتىنىن اشىق ايتتى.

بۇگىن ٴماجىلىستىڭ جالپى وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ ٴبىرىنشى وقىلىمدا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بيزنەس ورتانى دامىتۋ جانە ساۋدا قىزمەتىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىردى.

ۇلتتىق ەكونوميكا مينيسترلىگى كولەڭكەلى ەكونوميكامەن جانە كونترافاكتىلىك تاۋارلارمەن كۇرەسۋ ٴۇشىن اتالعان زاڭ جوباسىنىڭ اياسىندا تاۋارلاردى تاڭبالاۋ نورماسىن ۇسىندى. ول بويىنشا تاڭبالاناتىن تاۋارلاردىڭ ٴتىزىمى بولادى. ونى ۇكىمەت بەكىتەدى.

«ٴبىرىڭعاي وپەراتوردى قۇرۋ ارقىلى تاۋالاردى تاڭبالايتىن ورتالىق قۇرىلعالى وتىر. ٴبىراق بۇل جۇمىستى كاسىپكەرلەردىڭ وزدەرى جۇرگىزۋى قاجەت قوي. دەلدالداردىڭ پايدا بولۋى تاۋارلاردى تاڭبالاۋدىڭ قۇنىن ٴوسىرىپ، بيزنەسكە سالماق تۇسىرەدى. بىزگە اتالعان ورتالىقتىڭ نە ٴۇشىن قۇرىلعالى وتىرعانىن ٴتۇسىندىرىڭىزشى»، - دەدى دەپۋتات ساكەن وتەبايەۆ مينيسترگە.

وسى ورايدا سۋلەيمەنوۆ تاڭبالاناتىن تاۋارلاردىڭ سانى وسسە، ٴتيىستى قۇرال-جابدىق ساتىپ الۋ ماسەلەسى تۋىندايتىنىن جەتكىزدى. ونىڭ پىكىرىنشە، ونى بارلىق كاسىپكەر ساتىپ الا المايدى ەكەن.

«سوندىقتان قارجى مينيسترلىگى اتالعان ماسەلەنى بيزنەس وكىلدەرىمەن تالقىلادى. كاسىپكەرلەر تاۋارلاردى تاڭبالايتىن جەكە ورتالىقتاردى قۇرۋدى ۇسىندى. ولار تاڭبالاۋعا جاتانىن تاۋارلاردى عانا تاڭبالايدى. بۇل نارىقتا تاۋارلاردى قوسىمشا تاڭبالاۋ قىزمەتىن الۋ ٴۇشىن ەنگىزىلدى»، - دەدى ول.

الايدا ۇلتتىق ەكونوميكا ٴمينيسترىنىڭ جاۋابى نۇرلان نىعماتۋلينگە ۇناعان جوق. ونىڭ پىكىرىنشە، اتالعان قىزمەتتى تاۋار وندىرۋشىلەر مەن ٴبىرىڭعاي وپەراتور دا جۇرگىزە الادى.

«زاڭعا اتالعان ورتالىقتار تۋرالى نورمانى ەنگىزۋ ارقىلى تەك ونىڭ تۇسىنىگىن عانا ەنگىزدىڭىزدەر، ال ونىڭ قانداي فۋنكسيالاردى جۇرگىزەتىنىن انىقتاماعانسىزدار. سىزدەر دەلدال قۇرۋدى ۇسىنىپ وتىرسىزدار. ونىمەن قوسا ول جەكە سەكتورعا بەرىلەدى. ول كاسىپكەرلەردەن تەك اقشا جينايتىن بولادى. بۇل ٴتاسىلدى قايتا قاراۋ كەرەك»، - دەدى ٴماجىلىس ٴتوراعاسى.

وسى ورايدا «اتامەكەن» ۇكپ باسقارما ٴتوراعاسىنىڭ ورىنباسارى ەلدوس رامازانوۆ زاڭداعى اتالعان نورما نە ٴۇشىن ەنزىگىلگەنىن ٴتۇسىندىردى.

«نورما تاۋارلارعا تاڭبا جاپسىرۋدى (ەتيكەتيروۆانيە) جانە تاڭبالاۋدى ٴبىرىڭعاي وپەراتور جۇرگىزسە، ورتالىق قاجەت ەمەس. ٴبىراق بۇل ورتالىقتار شاعىن جانە ورتا بيزنەس وكىلدەرىنە ەرىكتى تۇردە قىزمەت كورسەتەدى. ياعني تاۋارلاردى وزدەرى تاڭبالاي المايتىن كاسىپكەرلەر ٴۇشىن»، - دەدى ول.

بۇل جاۋاپ تا ٴنىعماتۋليننىڭ كوڭىلىنەن شىققان جوق.

«سىزدەر ۇكىمەتتە زاڭ جوباسىن دايىنداعان كەزدە ونىڭ مانىنە تەرەڭ ۇڭىلمەيتىن سياقتىسىزدار. تەك پارلامەنتتە زاڭ جوباسى تالقىلانعان كەزدە دەپۋتاتتار زاڭعا ەنگىزىلەتىن وزگەرىستەرگە دالەلدەر كەلتىرگەن ساتتە، سىزدەر اياق استىنان كوزقاراستارىڭىزدى وزگەرتە قوياسىزدار. ياعني «فورمۋلا-1» جارىسىنداعى كولىكتىڭ شيناسىن اۋىستىرعان جۇرگىزۋشىلەر سياقتى. تەك وسى ساتتە عانا ۇسىنعان زاڭ جوبالارىڭىزعا تەرەڭ زەرتتەۋ جاسايسىزدار. ٴبىراق زاڭداعى نەگىزگى نورمالارعا ٴاتۇستى، جۇيەسىز قارايتىندارىڭىز بايقالدى. ارىپتەستەر، كەشىرىڭىزدەر! ٴبىراق بۇگىن ٴبىز مۇنى قايتا بايقادىق»، - دەدى ٴماجىلىس ٴتوراعاسى.

سونىمەن قاتار ول زاڭداعى ولقىلىقتاردى ەكىنشى وقىلىمعا دەيىن جويۋدى، ٴارى تاۋارلاردى تاڭبالايتىن ٴبىرىڭعاي ورتالىقتارعا قانداي تالاپ قويىلاتىنىن انىقتاۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي