BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وتاندىق فيلمدەردىڭ بارلىعىن ساقتاۋ قاجەت – نىعماتۋلين 

فوتو: Парламент Мәжілісінің баспасөз қызметі

بۇگىن قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا ٴماجىلىس ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى، دەپ حابارلايدى baq.kz ٴتىلشىسى.

«قانداي دا ٴبىر ٴفيلمدى «ۇلتتىق فيلم» دەپ تانۋعا قاتىستى. مۇنداي مارتەبە ول تۋىندىنى ساقتاۋعا، مەملەكەت قاراجاتى ەسەبىنەن سيفرلاندىرۋ جانە تاعى سول سياقتى راسىمدەر جۇرگىزۋگە مۇمكىندىك بەرەدى، سولاي ما؟ زاڭنىڭ 13-بابىندا «فيلم كەلەسى نەگىزدەردى جيىنتىقتى تۇردە قوسا العاندا ۇلتتىق دەپ تانىلادى: ٴبىرىنشىسى – ەگەر، فيلم كوركەمدىك تۇرعىدان جوعارى دەڭگەيدە تۇسىرىلسە، حالىقتىڭ رۋحاني قاجەتتىلىگىن قاناعاتتاندىرا الاتىن بولسا، مەملەكەت مۇددەلەرىنە سايكەس كەلسە جانە قازاقستاندى كينو ونەرى ارقىلى شەتەلدە تانىستىرا الاتىن بولسا. سول سياقتى، پروديۋسەردىڭ ازاماتتىعىنا قاتىستى 2 جانە 3 تارماقتارى بار. ٴقازىر مىنانداي كۇدىك تۋىپ وتىر. ەگەر، مازمۇندىق بەلگىلەرىنە قاتىستى فيلمدەر بارلىق كەزدە «ۇلتتىق» دەپ تانىلۋ سىناعىنان وتە الماۋى مۇمكىن. الايدا، ولار حالىق اراسىندا وتە تانىمال بولۋى مۇمكىن. ياعني، ٴفيلمنىڭ يدەولوگيالىق قۇرامى بولماعانىمەن، كورەرمەن اراسىندا ۇلكەن سۇرانىسقا يە بولادى. مىسال رەتىندە، سوناۋ كەڭەس زامانىندا تۇسىرىلگەن «تاعدىر تالكەگى نەمەسە جەڭىل بۋىڭىزبەن!» ٴفيلمى. ٴبىرىنشى كوميسسيا بۇل فيلمنەن ەتيكالىق جانە ازاماتتىق نورمالاردىڭ بۇزىلۋىنىڭ بىرنەشە فاكتىسىن انىقتاعان. بۇل قوعامدىق جەردە ىشىمدىك ٴىشۋ، بوتەننىڭ جەكە مەنشىك نىسانىنا رۇقساتسىز كىرۋ جانە تاعىسىن تاعىلار»، - دەدى قر پارلامەنتى ٴماجىلىسىنىڭ ٴتوراعاسى نۇرلان نىعماتۋلين.

«ەڭ باستىسى – وزگەنىڭ ايەلىن تارتىپ الدى»، - دەگەن مينيستر مۇحامەدي ۇلى زالدى دۋ كۇلدىردى.

«الايدا، ٴبىرقاتار ازاماتتىڭ رەاكسياسىنا قاراعاندا، بۇل قىلمىس دەپ سانالمايتىن سياقتى»، - دەدى نىعماتۋللين.

ٴماجىلىس ٴتوراعاسى «تاقيالى پەرىشتە» ٴفيلمى دە جوعارىدا اتالعان يدەولوگيالىق مازمۇنى جوق، الايدا، ۇلكەن سۇرانىسقا يە تۋىندىلاردىڭ قاتارىنا جاتاتىنىن ايتتى.

«بۇل ٴفيلمنىڭ مازمۇنىندا يدەولوگيالىق قۇرامنىڭ بار-جوعى - داۋلى ماسەلە. اناسى ٴوزىنىڭ جاسى كەلگەن زور دەنەلى بالاسىنا قالىڭدىق ىزدەيدى. الايدا، بۇل فيلمدەر، اكتەرلاردىڭ شەبەرلىگى، سيۋجەتتىڭ قىزىقتىلىعى، سسەنارييدىڭ مىنسىزدىگى - بۇل فيلمدەردى شەدەۆر ەتتى. وسى مىسالدار بارلىق ٴفيلمدى ساقتاۋ قاجەت ەكەنىن بىلدىرەدى. ەگەر، باعاسى جاعىنان ايىرماشىلىق ۇلكەن بولماسا، زاڭ جوباسىنىڭ ەكىنشى وقىلىمىندا قارجى مينيسترلىگىمەن جانە ۇلتتىق ەكونوميكا مينيسترلىگىمەن وسى ماسەلەنى پىسىقتاۋ كەرەك. سەبەبى، بىزدە كىتاپ پالاتاسى بار. وندا قازاقستاندا باسىپ شىعارىلعان بارلىق كىتاپتىڭ داناسى ساقتالادى. ال قاي تۋىندىنىڭ سۇرانىسقا جوعارى ەكەنىن ۋاقىت كورسەتەدى»، - دەدى.

سونىمەن قاتار، نىعماتۋلين فيلمدەرگە «ۇلتتىق» دەگەن مارتەبە بەرۋ ماسەلەسىن قارايتىن ۇكىمەت جانىنداعى كوميسسيانىڭ قۇرامىنا تەك شەنەۋنىكتەر عانا ەمەس، قوعام قايراتكەرلەرى، تانىمال رەجيسسەرلەر، تانىمال اكتەرلار، كينوسىنشىلارى، دەپۋتاتتاردىڭ كىرۋىن قامتاماسىز ەتۋ قاجەت ەكەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي