BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين: شەتەلدە جۇرگەن ازاماتتارىمىزدى تولىقتاي ساقتاندىرۋ قاجەت

بۇگىن پارلامەنت ٴماجىلىسىنىڭ جالپى وتىرىسىندا ساقتاندىرۋ جانە ساقتاندىرۋ قىزمەتى بويىنشا تۇزەتۋلەر ٴبىرىنشى وقىلىمدا ماقۇلداندى، دەپ حابارلايدى baq.kz اقپارات اگەنتتىگى.

زاڭ جوباسىن تالقىلاۋ كەزىندە دەپۋتاتتار شەتەلگە شىعاتىن كەزدەگى ٴتۋريستى ساقتاندىرۋ ماسەلەسىنە نازار اۋداردى. حالىق قالاۋلىلارىنىڭ پىكىرىنشە، شەتەلگە شىققاندا تۋريستەر ٴوز پروبلەمالارىمەن وزدەرى عانا قالماۋى كەرەك.

«ٴبىزدىڭ كوپتەگەن ازاماتتارىمىز قازىرگى ۋاقىتتا ٴوز دەمالىستارىن تۋريستىك جولداما بويىنشا شەتەلدە وتكىزەدى. ارينە، ول جاقتا جۇرگەن كەزدە ٴارتۇرلى جاعدايلار بولۋى مۇمكىن. اۋىرىپ قالادى نەمەسە باسقا جاعدايلار ورىن الادى. ٴبىز وسىنداي كەزدە تۋريستىك جولداما بويىنشا شەتەلدە جۇرگەن ازاماتتارىمىزدى تولىقتاي ساقتاندىرۋ قاجەت. سوندىقتان، بۇل ماسەلەنى ەكىنشى وقىلىمعا دەيىن قاراۋىمىز قاجەت»، - دەدى نۇرلان نىعماتۋلين.

قولدانىستاعى زاڭ نەگىزىنەن ٴتۋريستىڭ ەمەس، تۋروپەراتور مەن تۋراگەنتىكتىڭ مۇلىكتىك مۇددەلەرىن قورعاۋعا باعىتتالعان بولاتىن. ەندىگى جەردە، وسى زاڭ جوباسىنا سايكەس، قازاقستاندىق تۋريستەردى قورعاۋ ماقساتىندا تۋريستىك فيرمالار شەتەلگە شىعاتىن ٴتۋريستى مىندەتتى ساقتاندىرۋدى جۇزەگە اسىرۋ كوزدەلەتىن بولادى.

قولدانىستاعى زاڭ نەگىزىنەن ٴتۋريستىڭ ەمەس، تۋروپەراتور مەن تۋراگەنتتىڭ مۇلىكتىك مۇددەلەرىن قورعاۋعا باعىتتالعان. الداعى ۋاقىتتا وسى زاڭ جوباسىنا سايكەس، قازاقستاندىق تۋريستەردى قورعاۋ ماقساتىندا تۋريستىك فيرمالار شەتەلگە شىعاتىن ازاماتتاردى ساقتاندىرۋدى قولعا الماق. بۇل زاڭ جوباسىندا ساقتاندىرۋ جۇيەسىندە ەرىكتى، مىندەتتى ساقتاندىرۋ بويىنشا، سونداي-اق ساقتاندىرۋ نارىعىنىڭ ينفراقۇرىلىمىن دامىتۋ بويىنشا ساقتاندىرۋ ۇيىمدارىنىڭ قىزمەتىن رەتتەيتىن زاڭنامالىق اكتىلەرىن كەشەندى تۇردە قايتا قاراۋدى كوزدەيدى.

اتاپ ايتقاندا، مىندەتتى ساقتاندىرۋ جۇيەسىندە ونلاين-ساقتاندىرۋ تەتىگىن ەنگىزۋ، ساقتاندىرۋ شارتتارىن زاڭمەن ەمەس، تاراپتاردىڭ كەلىسىمىمەن ايقىنداۋ، تۋريستەردىڭ تاۋەكەلدەرىن ساقتاندىرۋ جۇيەسىن قايتا قاراۋ، سونداي-اق ساقتاندىرۋ اگەنتتەرى قىزمەتىنىڭ اشىقتىعىن قامتاماسىز ەتۋ. سونىمەن قاتار، ەرىكتى ساقتاندىرۋ جۇيەسىندە زەينەتاقى اننۋيتەتتىك ساقتاندىرۋدى ودان ٴارى دامىتۋ كوزدەلسە، ساقتاندىرۋ نارىعىنىڭ ينفراقۇرىلىمىن دامىتۋ جۇيەسىندە ساقتاندىرۋ تولەمدەرىنە كەپىلدىك بەرۋ تەتىگىن جەتىلدىرۋ، ساقتاندىرۋ ومبۋدسمانىنىڭ قىزمەت اياسىن كەڭەيتۋ، ساقتاندىرۋ شارتتارى بويىنشا ەتالوندىق دەرەكقوردى قالىپتاستىرۋ، اكتۋارلىق قىزمەتتى دامىتۋ ۇسىنىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي