BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين: ستۋدەنتتەر ماماندىعى بويىنشا جۇمىس تابا الماي ٴجۇر

فوتو: ашық дереккөзден

ٴماجىلىس ٴتوراعاسى نۇرلان نىعماتۋلين ەلىمىزدەگى ٴبىلىم بەرۋ مەكەمەلەرى مامانداردى نارىق تالاپتارىنا ساي دايىندامايتىنىن، سالدارىنان ستۋدەنتتەر ماماندىعى بويىنشا جۇمىس تابا الماي جۇرگەنىن اشىق ايتتى، دەپ حابارلايدى baq.kz ٴتىلشىسى.

ماجىلىستە «جۇمىسپەن قامتۋ سالاسىنىڭ پروبلەمالارى مەن دامۋ پەرسپەكتيۆالارى» تاقىرىبىندا ٴوتىپ جاتقان پارلامەنتتىك تىڭداۋدا نۇرلان نىعماتۋلين ٴوزىن-وزى جۇمىسپەن قامتىپ وتىرعان ازاماتتارعا قاتىستى ماسەلەنى شەشۋ قاجەتتىگىن اتاپ ٴوتتى.

«ەڭبەكپەن قامتۋ سالاسىندا جەتكەن جەتىستىكتەرىمىز قاتار شەشىلمەگەن سۇراقتار دا از ەمەس. بۇل بىرىنشىدەن ٴوزىن-وزى جۇمىسپەن قامتىعان ازاماتتارعا قاتىستى. مەملەكەت باسشىسى ولاردى ەسەپكە الۋ، كولەڭكەلى ايماقتان شىعارۋ تۋرالى تاپسىرما بەردى. بۇل سالادا ۇكىمەت، ورتالىق جانە جەرگىلىكتى مەملەكەتتىك ورگاندار جانە دەپۋتاتتىق كورپۋس بىرلەسە جۇمىس ىستەۋى قاجەت. بۇگىندە دەپۋتاتتار حالىقتىڭ جۇمىسىن فورماليزاسيالاۋ تۋرالى زاڭ جوباسى بويىنشا جۇمىسقا كىرىستى»، - دەدى ول.

سونداي-اق نۇرلان نىعماتۋلين قازىرگى تاڭدا ٴبىلىم بەرۋ مەكەمەلەرى مامانداردى نارىق تالاپتارىنا ساي دايىنداماي وتىرعانىن اشىق ايتتى.

«سەبەبى، كادرلارعا دەگەن سۇرانىسقا بايلانىستى تەرەڭ تالداۋ جاسالمايدى. ٴبىلىم بەرۋ باعدارلامارى قازىرگى تالاپتى تولىق ورىنداماي وتىر. سول سەبەپتەن ستۋدەنت جاستار وقۋىن بىتىرگەننەن كەيىن مامانداعى بويىنشا جۇمىس تابۋ قيىن. وسى ماسەلەنى شەشۋ ٴۇشىن كادرلارعا مونيتورينگ جۇرگىزۋدىڭ ٴتيىمدى جۇيەسىن قۇرۋ قاجەت دەپ ەسەپتەيمىز. ول مەملەكەتتىك تاپسىرىستى دۇرىس ورىنداۋعا ۇلكەن مۇمكىندىك بەرەدى»، - دەدى ٴماجىلىس ٴتوراعاسى.

سونىمەن قاتار ول ەلىمىزدە شاعىن جانە ورتا بيزنەستى دامىتۋدىڭ ماڭىزدى ەكەنىن جەتكىزدى.

«قازىرگى ۋاقىتتا بيزنەس سالاسىنا تارتۋ وتە ماڭىزدى. بۇل جولدا «اتامەكەن» ۇلتتىق كاسىپكەرلەر پالاتاسى ارقىلى جۇمىستى جۇزەگە اسىرۋعا بولادى. بۇگىنگى تاڭدا اسىرەسە اۋىلدىق جەرلەردە كاسىپكەرلىكتى دامىتۋدى جانە اۋىل تۇرعىندارىن جۇمىسپەن قامتۋدى كوزدەيتىن «باستاۋ» بيزنەس جوباسى ىسكە اسىرىلىپ جاتىر. اتالعان جوبا ارقىلى ٴاربىر ازاماتقا جەكە كاسىبىن اشىپ، ونىڭ دامۋىنا جاعداي جاسالۋدا»، - دەدى نۇرلان نىعماتۋلين.

ٴسوز سوڭىندا ٴماجىلىس ٴتوراعاسى تاعى ٴبىر وزەكتى ماسەلەگە توقتالدى.

«ٴتورتىنشى ونەركاسىپتىك رەۆوليۋسيا جۇمىس ورىندارىنىڭ قىسقارۋىنا الىپ كەلەدى. وسىعان بايلانىستى اۆتوماتتاندىرۋ جانە سيفرلاندىرۋ كەزىندە الەمدە كەيبىر كاسىپتەردىڭ 30%-عا جۋىعى قىسقارۋى مۇمكىن دەگەن بولجام بار. بۇل جولدا ەڭبەك رەسۋرستارىن باسقارۋ جۇيەسىن قالىپتاستىرۋ ماڭىزدى بولىپ سانالادى. وسى جولدا مەملەكەتتىك ورگاندار ازاماتتىق قوعام، ۇكىمەتتىك ەمەس ۇيىمدار، كاسىپكەرلەر بىرلەسە جۇمىس جاساۋى قاجەت. سەبەبى، ازاماتتاردىڭ ٴومىر ساپاسىن جاقسارتۋ بارشامىزدىڭ ورتاق ماقساتىمىز»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي