BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين ماجىلىسمەندەرگە مەملەكەتتىك ناگرادالار تابىس ەتتى

استانا، baq.kz. بۇگىن ماجىلىستە پالاتا سپيكەرى نۇرلان ٴنىعماتۋليننىڭ توراعالىعىمەن تاۋەلسىزدىك كۇنىنە وراي جيىن ٴوتتى. وندا ٴماجىلىس ٴتوراعاسى ەلباسىنىڭ اتىنان پالاتا دەپۋتاتتارى جانە اپپارات قىزمەتكەرلەرىنە مەملەكەتتىك ناگرادالاردى تابىس ەتتى.

«ٴبىزدىڭ تاريحىمىزدا 16 جەلتوقسان التىن ارىپتەرمەن جازىلعان ۇلى كۇن. سەبەبى، 27 جىل بۇرىن، ٴدال وسى كۇنى تۇڭعىش پرەزيدەنتىمىز، ەلباسى نۇرسۇلتان ٴابىش ۇلى نازاربايەۆ كەڭ بايتاق قازاقستانىمىزدى تاۋەلسىز ەل دەپ جاريالادى. جاس مەملەكەتىمىز العاشقى قيىن كەزەڭدەردەن امان-ەسەن ٴوتىپ، بۇگىندە بۇكىل الەمگە ايگىلى، بەدەلدى ەل اتاندى. وسىنىڭ بارلىعى، پرەزيدەنتىمىزدىڭ ساليقالى ساياساتىنىڭ جانە قولداۋ كورسەتە بىلگەن حالقىمىزدىڭ بەرەكە-بىرلىگىنىڭ جەمىسى»، - دەدى نۇرلان نىعماتۋلين.

سالتاناتتى شارادا ەكونوميكالىق رەفورما جانە وڭىرلىك دامۋ كوميتەتىنىڭ ٴتوراعاسى نۇرتاي سابيليانوۆ «پاراسات» وردەنىمەن، ٴماجىلىس دەپۋتاتى فاحريددين قاراتايەۆ ii دارەجەلى «دوستىق» وردەنىمەن ماراپاتتالسا، ٴماجىلىس دەپۋتاتتارى گالينا بايماحانوۆاعا، بەرىك دۇيسەمبينوۆكە، كارىباي مۇسىرمانعا جانە ٴماجىلىس اپپاراتىنىڭ ٴبولىم مەڭگەرۋشىسى تالعات قاسىمبەكوۆكە «قۇرمەت» وردەنى تابىستالدى.

«ەرەن ەڭبەگى ٴۇشىن» مەدالدارىن ٴماجىلىس دەپۋتاتتارى كەڭەس ابساتيروۆ، ٴاليا ساپاروۆا جانە گەنناديي شيپوۆسكيح، سونداي-اق، ٴماجىلىس اپپاراتىنىڭ ٴبولىم مەڭگەرۋشىسى پاتيما قياسبايەۆا السا، ٴماجىلىس اپپاراتىنىڭ ٴبولىم مەڭگەرۋشىسى ٴبيبىسارا اۋباكيروۆا قۇرمەت گراموتاسىن الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي