نىعماتۋلين ماسكەۋدەگى ۇقشۇ پارلامەنتتىك اسسامبلەياسىنىڭ كۇزگى سەسسياسىنا قاتىستى - پارلامەنت|30 قازان 2018، 21:39
كۋرسى ۆاليۋت وبنوۆليايۋتسيا
استانا:

نىعماتۋلين ماسكەۋدەگى ۇقشۇ پارلامەنتتىك اسسامبلەياسىنىڭ كۇزگى سەسسياسىنا قاتىستى

فوتو: Ж.Құспанов

استانا، baq.kz. بۇگىن ٴماجىلىس ٴتوراعاسى نۇرلان نىعماتۋلين ماسكەۋدەگى ۇقشۇ پا وتىرىستارىنا قاتىستى.

نىعماتۋلين ۇقشۇ پا كەڭەسىنىڭ وتىرىسىندا ارىپتەستەرىنىڭ الدىندا ٴسوز سويلەپ، قازاقستان پرەزيدەنتى نۇرسۇلتان نازاربايەۆتىڭ بىلتىر مينسكىدە وتكەن ۇقشۇ سامميتىندە بەلگىلەپ بەرگەن باعىتتارعا باسا نازار اۋداردى، دەپ جازدى ٴماجىلىستىڭ ٴباسپاسوز قىزمەتى.

سونىڭ ىشىندە، اسكەري جانە اسكەري-تەحنيكالىق سالاداعى ىنتىماقتاستىققا ۇقشۇ-نىڭ لاڭكەستىككە قارسى جاھاندىق ٴىس-قيمىل حالىقارالىق جۇيەسىن قالىپتاستىرۋ ۇردىسىنە بەلسەنە قاتىسۋىنا كوڭىل ٴبولدى.

ٴماجىلىس ٴتوراعاسى اتاپ وتكەندەي، 28 مامىردا ۇقشۇ حاتشىلىعى، تمد لاڭكەستىككە قارسى ورتالىعى جانە شىۇ لاڭكەستىكككە قارسى ايماقتىق قۇرىلىمى اراسىنداعى ٴوزارا ٴىس-قيمىل تۋرالى مەموراندۋم حالىقارالىق ۇيىمدار اراسىنداعى ىنتىماقتاستىقتى نىعايتۋدا ماڭىزدى قادامداردىڭ ٴبىرى بولدى.

وسى باعىتتاعى جۇمىس جۇيەلى جالعاسىن تابۋدا.

ن.نىعماتۋلين اتاپ وتكەندەي، بيىلعى جىلدىڭ 28 قىركۇيەگىندە قازاقستان رەسپۋبليكاسىنىڭ پرەزيدەنتىنىڭ باستاماسىمەن بىرىككەن ۇلتتار ۇيىمى قابىلداعان «تەرروريزمنەن ازات الەمگە قول جەتكىزۋ» مىنەز-ق ۇلىق كودەكسى لاڭكەستىككپەن پەن عالامدىق كۇرەس ىسىندە سەرپىندى قادام بولدى.

تاعى ٴبىر ماڭىزدى باعىت - كيبەرقاۋىپسىزدىككە قارسى ارەكەت ەتۋ.

سونىمەن بىرگە، ٴماجىلىس ٴتوراعاسى ٴتيىمدى ىنتىماقتاستىقتىڭ ماڭىزدى فاكتورى دەپ زاڭنامالىق بازامەن قامتاماسىز ەتۋدى اتادى.

وسى رەتتە نۇرلان نىعماتۋلين قازىرگى ۋاقىتتا ٴماجىلىستىڭ قاراۋىندا جاتقان جانە جاقىن ارادا قارالۋى جوسپارلانعان ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ اقپاراتتىق قاۋىپسىزدىكتى قامتاماسىز ەتۋ سالاسىنداعى ىنتىماقتاستىعى تۋرالى كەلىسىمدى راتيفيكاسيالاۋ تۋرالى زاڭ جوباسىن اتاپ ٴوتتى.

ەسىرتكى اينالىمىنا قارسى كۇرەس تە ماڭىزدى سالالاردىڭ ٴبىرى بولىپ تابىلادى.

ۇلتتىق جانە ۇجىمدىق قاۋىپسىزدىكتى قامتاماسىز ەتۋ ماسەلەسىندە بىرلەسكەن ٴىس-قيمىلدىڭ ماڭىزدىلىعىنا توقتالعان ٴماجىلىس ٴتوراعاسى ۇقشۇ مۇشە مەملەكەتتەردىڭ پارلامەنتارالىق ىنتىماقتاستىعىنىڭ ٴرولى ارتىپ وتىرعاندىعىنا كوڭىل ٴبولدى.

سونداي-اق، وسى كۇنى وتكەن پلەنارلىق وتىرىستا ۇلتتىق قاۋىپسىزدىكتى قامتاماسىز ەتۋ بويىنشا ۇسىنىمدار مەن مودەلدىك زاڭدار، لاڭكەستىك مەن ەكسترەميزمگە قارسى اقپاراتتىق ٴىس-قيمىل جانە باسقا دا ماڭىزدى ماسەلەلەردى تالقىلاۋ ەنگىزىلدى.

بۇلاردىڭ بارلىعى ۇقشۇ اياسىنداعى ٴوزارا ٴىس-قيمىل تيىمدىلىگىن ارتتىرۋ ٴۇشىن ٴبىزدىڭ ەلدەرىمىزدىڭ ۇلتتىق زاڭنامالارىن ۇيلەستىرۋگە باعىتتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي