BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين كينوتەاترلاردىڭ جۇمىسىن باقىلاۋعا الۋ قاجەتتىگىن ايتتى

فوتو: интернеттен

بۇگىن پارلامەنتتە ٴماجىلىس ٴتوراعاسى نۇرلان نىعماتۋلين وتاندىق كينوتەاترلاردىڭ جۇمىسىن باقىلاۋعا الۋ قاجەتتىگىن ايتتى، دەپ حابارلايدى baq.kz ٴتىلشىسى.

قر پارلامەنتى ماجىلىسىندە قر مادەنيەت جانە سپورت ٴمينيسترى ارىستانبەك مۇحامەدي ۇلى «كينەماتوگرافيا تۋرالى» زاڭ جوباسىن تانىستىردى.

“بۇل كينەماتوگرافيانىڭ دەربەس تىنىسىن اشاتىن مادەنيەت سالاسىنداعى العاشقى زاڭ. زاڭنىڭ قابىلدانۋى قازاقستان كينەماتوگرافيا تاريحىنداعى ماڭىزدى وقيعا بولادى دەپ سەنەمىن. بۇل - وتە كۇردەلى زاڭ. ول قولدانىستاعى مەحانيزمدەردى وزگەرتىپ، ۇلتتىق كينونى دامىتۋدى كوزدەيدى. زاڭ 3 نەگىزگى ماسەلەنى شەشۋگە باعىتتالعان. ٴبىرىنشى، ۇلتتىق فيلمدەر وندىرىسىنە قولداۋ كورسەتۋ; ەكىنشىدەن، ۇلتتىق كينو ونىمدەرىن كەڭىنەن پروكاتقا شىعارۋدى قامتاماسىز ەتۋ; ۇشىنشىدەن، قازاقستاندىق كينونى حالىقارالىققا نارىققا شىعارۋ، ونىڭ ىشىندە الەمدەگى كينوكومپانيالارمەن بىرىگىپ ٴونىم شىعارۋ”، - دەدى مينيستر.

وسى ورايدا ٴماجىلىس ٴتوراعاسى اتالعان سالاداعى وزەكتى ماسەلەنى اتادى.

“بۇل سالاداعى ەڭ باستى پروبلەما - كينوتەاترلاردىڭ اشىق جۇمىس ىستەمەۋى. بۇگىن ٴسىز ( ارىستانبەك مۇحامەدي ۇلى - اۆتور) زاڭ جوباسىن تانىستىردىڭىز. زاڭ اياسىندا ٴ“بىرىڭعاي اۆتوماتتاندىرىلعان اقپاراتتىق جۇيە” بولادى دەدىڭىز. زاڭداعى 10-باپتا فيلمدەردى مونيتورينگتەن وتكىزەتىن اقپاراتتىق جۇيە تۋرالى ايتىلعان. مۇندا ماسەلە ەۋروپا ەلدەرىندەگى سياقتى اۆتوماتتاندىرىلعان اقپاراتتىق جۇيە تۋرالى بولىپ تۇر عوي. بۇگىن ٴسىز اقش-تاعى جۇيەنى ايتتىڭىز”، - دەدى ول.

ٴماجىلىس ٴتوراعاسىنىڭ ايتۋىنشا، وتكەن جىلى وسىنداي جۇيە رەسەيدەگى بارلىق كينوتەاتردا ىسكە قوسىلعان. ونىڭ پىكىرىنشە، اتالعان جۇيەنىڭ ەنگىزىلۋى وتاندىق كينوتەاترلاردىڭ اشىق جۇمىس ىستەۋىنە مۇمكىندىك بەرەدى.

“زاڭداعى («كينەماتوگرافيا تۋرالى» زاڭ جوباسى - اۆتور) 10-باپتى “اۆتوماتتاندىرىلعان اقپاراتتىق جۇيەنى ەنگىزۋ” دەپ ناقتى جازۋ كەرەك. ونى بارلىق كينوتەاترعا ەنگىزۋدى مىندەتتەۋ كەرەك. ەگەر وسى بيزنەستە بولعىڭ كەلسە، وسى جۇيەنى ەنگىزۋ شارت. تالاپ سونداي. بۇل پيراتتىق فيلمدەرمەن كۇرەسۋگە مۇمكىندىك بەرەدى، - دەپ تۇيىندەدى ٴسوزىن نىعماتۋلين.

ەسكە سالا كەتسەك، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا پالاتا ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي