BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين چەح پارلامەنتى سپيكەرلەرىمەن كەزدەستى

ٴماجىلىس ٴتوراعاسى نۇرلان نىعماتۋلين چەح رەسپۋبليكاسىنا رەسمي ساپارى بارىسىندا ەلدەگى پارلامەنتى پالاتالارىنىڭ باسشىلارىمەن كەزدەستى، دەپ حابارلايدى ۆaq.kz اقپارات اگەنتتىگى.

دەپۋتاتتار پالاتاسىنىڭ ٴتوراعاسى رادەك ۆوندراچەكپەن جۇزدەسۋ بارىسىندا ٴماجىلىس سپيكەرى ٴوز ارىپتەسىن پالاتانىڭ قۇرىلعانىنا 25 جىل تولۋىمەن قۇتتىقتاي كەلىپ، پارلامەنتارالىق ٴۇنقاتىسۋدىڭ ماڭىزدىلىعىنا توقتالدى.

ٴماجىلىس ٴتوراعاسى اتاپ وتكەندەي، چەحيامەن ٴوزارا ٴتيىمدى ٴارى جان-جاقتى قارىم-قاتىناستاردى دامىتۋ – قازاقستاننىڭ سىرتقى ساياساتىنداعى باسىم باعىتتاردىڭ ٴبىرى.

ن. ٴنىعماتۋليننىڭ پىكىرىنشە، ٴبىزدىڭ ەلدەرىمىزدىڭ اسىرەسە، ماشينا قۇرىلىسى، اۋىل شارۋاشىلىعى، تەحنولوگيا، يننوۆاسيا باعىتىنداعى ىنتىماقتاستىعىنىڭ الەۋەتى زور جانە قازاقستان پرەزيدەنتى نۇرسۇلتان نازاربايەۆتىڭ الدىڭعى قاتارلى سيفرلىق تەحنولوگيالاردى ەنگىزۋ تاپسىرماسىنا وراي ونىڭ ماڭىزدىلىعى بۇرىنعىدان ارتا تۇسپەك. وسى ورايدا ن. نىعماتۋلين چەح رەسپۋبليكاسىنىڭ زەرتتەۋ جانە يننوۆاسيانى قولداۋ ٴارى رەتتەۋ باعىتىندا ارنايى قابىلداعان زاڭى قازاقستاندىق پارلامەنتشىلەردىڭ قىزىعۋشىلىعىن تۋدىرعانىن جەتكىزدى.

كەزدەسۋ بارىسىندا تاراپتار بەيىندى كوميتەتتەر دەڭگەيىندە ٴوزارا ىقپالداستىقتى تەرەڭدەتۋگە ايرىقشا نازار اۋداردى. سونىمەن بىرگە، ٴماجىلىس سپيكەرىنىڭ ايتۋىنشا ەكسپو – 2017 كورمەسى ورنىنا قۇرىلعان جاسىل تەحنولوگيالار مەن ينۆەستيسيالىق جوبالاردى دامىتۋ حالىقارالىق ورتالىعى، it – ستارتاپتار حالىقارالىق تەحنوپاركى قازاقستاندىق-چەحتىك ٴوزارا ٴىس-قيمىلدى كۇشەيتۋدىڭ زور مۇمكىندىگى.

تاراپتار حالىقارالىق وزەكتى سۇراقتارعا دا كوڭىل ٴبولدى. قازاقستان پرەزيدەنتى نۇرسۇلتان نازاربايەۆتىڭ اسىرەسە، يادرولىق قارۋسىزدانۋ جانە تاراتپاۋ توڭىرەگىندەگى ماڭىزدى باستامالارىنا توقتالعان ن. نىعماتۋلين چەح ەلىنىڭ بۇۇ اياسىندا ورتاق ماقساتتاردى ىلگەرلەتكەنى ٴۇشىن ريزاشىلىق ٴبىلدىردى.

رادەك ۆوندراچەك ٴبىزدىڭ ەلىمىزدىڭ بۇۇ قك اياسىنداعى جۇمىسىنا جوعارى باعا بەرىپ، قازاقستان مەن چەحيانىڭ تۇراقتىلىق پەن قاۋىپسىزدىكتى ساقتاۋ جولىنداعى قادامدارىن اتاپ ٴوتتى.

ودان ٴارى ن. نىعماتۋلين چەحيا پارلامەنتى سەناتىنىڭ ٴتوراعاسى ميلان شتەحپەن كەزدەسىپ، ىنتىماقتاستىقتى نىعايتۋدىڭ ماڭىزدى باعىتتارىن تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي