BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نىعماتۋلين «اتامەكەن» ۇكپ تۋرالى: بيزنەستى قورعاپ جاتىرمىز دەپ كەۋدەلەرىڭىزدى كەرەسىزدەر

ٴماجىلىس ٴتوراعاسى نۇرلان نىعماتۋلين «اتامەكەن» ۇكپ ەلىمىزدەگى كاسىپكەرلىكتى دامىتۋ باعىتىندا زاڭ جوباسىن جاساعان كەزدە ونىڭ الدىمەن قاراپايىم حالىققا تۇسىنىكتى، ٴارى زاڭنىڭ ساپالى بولۋ قاجەتىگىن ايتتى، دەپ حابارلايدى baq.kz ٴتىلشىسى.

بۇگىن ٴماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كاسىپكەرلىك قىزمەتتى رەتتەۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسى تالقىلاندى. دەپۋتاتتارعا اتالعان زاڭ جوباسىن ۇلتتىق ەكونوميكا ٴمينيسترى تيمۋر سۇلەيمەنوۆ تانىستىردى.

«بيزنەس شىعىندارىن قايتا رەتتەۋ جانە اكىمشىلىك كەدەرگىلەردى جويۋ بويىنشا جۇرگىزىلىپ جاتقان ساياساتتى ەسكەرە وتىرىپ، زاڭ جوباسى مىناداي باعىتتار بويىنشا ازىرلەنگەن. ٴبىرىنشى - مەملەكەتتىك باقىلاۋ قىزمەتىن رەفورمالاۋ. ەكىنشى - اقپاراتتىق قۇرالداردى رەتتەۋ، ٴۇشىنشى - تابيعي مونوپوليالار سۋبەكتىلەرى جانە كۆازيمەملەكەتتىك سەكتور كورسەتەتىن مىندەتتى قىزمەتتەردى رەفورمالاۋ. ٴتورتىنشى، رەتتەۋشىلىك كاسىبي تالداۋدى جەتىلدىرۋ. بەسىنشى، بيزنەس شىعىندارىن تۇبەگەيلى تومەندەتۋ. التىنشى، باسەكەلەستىككە كەدەرگى كەلتىرەتىن نورمالاردى انىقتاۋ جانە الىپ تاستاۋ. جەتىنشى، باعا مەن تاريفتىك ٴسوز بايلاسۋلاردى انىقتاۋ جانە ونىڭ جولىن كەسۋ تەتىگىن جەتىلدىرۋ. سەگىزىنشى، قازاقستاننىڭ doing business رەيتينگىسىندەگى پوزيسيالارىن جاقسارتۋ»، - دەدى مينيستر.

ونىڭ ايتۋىنشا، اتالعان قۇجات نەگىزىندە 13 كودەكس پەن 100 زاڭعا 1 مىڭعا جۋىق تۇزەتۋ ەنگىزۋ كوزدەلگەن.

كەيىن ٴمينيستردىڭ ٴسوزىن «اتامەكەن» ۇكپ باسقارما ٴتوراعاسىنىڭ ورىنباسارى رۋستام ٴجۇرسىنوۆ تولىقتىردى. ونىڭ پىكىرىنشە، ەلىمىزدە بيزنەستى تەكسەرۋ ازايعان.

«2013 جىلى بيزنەستى تەكسەرۋ كورسەتكىشى 180،5 مىڭ بولسا، 2014 جىلى موراتوريي بولدى. 2015 جىلى قاۋىپ-قاتەرلەردى باسقارۋ جۇيەسىنە كوشتىك. ناتيجەسىندە سول كاسىپكەرلىكتى تەكسەرۋ كورسەتكىشى 50 مىڭدى قۇرادى. 2016 جىلى بۇل كورسەتكىش 100 مىڭ بولسا، 2017 جىلى 81 مىڭدى قۇرادى. ٴبىراق ٴبىز توتەنشە جاعدايلار بويىنشا تالداۋ جۇرگىزدىك. مىسالى، ۋلانۋ جانە ت.ب. دەرەكتەر بويىنشا. اتالعان زاڭ جوباسى بويىنشا سانەپيدەميالوگيالىق ورگاندارىمەن بىرىگىپ، قاۋىپسىزدىك سالاسىندا باقىلاۋ ورناتىلدى. وتكەن جىلى بيزنەسكە 15 مىڭ تەكسەرۋ جۇرگىزىلدى. بۇل كورسەتكىش ساقتالىپ وتىر. ٴبىز ٴوزىمىزدىڭ تاراپىمىزدان ٴوزىن-وزى رەتتەۋگە باسا ٴمان بەرىپ، ساپانى كوتەرۋ جاعىن قاراستىرىپ وتىرمىز. ٴبىزدىڭ ويىمىزشا، تۇتىنۋشىلاردىڭ قۇقىعىن قورعاۋدا دا ٴمان بەرىلۋى قاجەت. بۇل ديناميكالىق مودەل شەتەلدە جۇمىس ىستەپ تۇر»، - دەدى ول.

الايدا ونىڭ ٴسوزىن ٴماجىلىس ٴتوراعاسى ٴبولدى.

«ٴسىز ٴوز بايانداماڭىزدا شەتەل مەملەكەتتەرىنىڭ تاجىريبەسى تۋرالى ايتتىڭىز. وندا كاسىپكەرلىك باقىلاۋ قىزمەتى قالاي جۇرگىزىلەدى؟ مۇندا تاۋار مەن قىزمەت كورسەتۋ ساپاسى وتە جوعارى. قاراپايىم حالىققا تۇسىنىكتى تىلدە ايتىڭىزشى»، - دەدى نۇرلان نىعماتۋلين.

«بۇل - قاۋىپ-قاتەرلەردى باسقارۋ جۇيەسى، بىزگە ەڭ قاجەتتىسى. قاراپايىم ازامات شىعاراتىن ونىمدەرىندە ستاندارتتاردىڭ تالابى ساقتالىپ جاتقانىن جىل بويى باقىلاپ وتىرۋى قاجەت. ەگەر كاسىپكەر قاۋىپ-قاتەر ايماعىندا بولسا، وندا مەملەكەتتىك ورگاندار وعان بارىپ، تەكسەرىس جۇرگىزەدى»، - دەدى رۋستام ٴجۇرسىنوۆ.

الايدا ونىڭ جاۋابىن نۇرلان نىعماتۋلين سىنادى.

«زاڭدا قاراپايىم قاعيدالار بولۋى قاجەت. ەشتەڭە ويلاپ تابۋدىڭ قاجەتى جوق. مۇمكىن مينيستر دۇرىس ايتىپ وتىرعان شىعار. تەكسەرىس بارىسىندا بىر-بىرىنە كەدەرگى جاساماس ٴۇشىن. ٴبىراق ٴسىز ەكونوميكاسى دامىعان مەملەكەتتەردىڭ نە ىستەپ جاتقانىن قاراڭىزشى. وندا تەكسەرىستەر جوق. ولاردا ٴبىزدىڭ «اتامەكەن» ۇكپ سياقتى جۇمىس ىستەپ وتىرعان ورگان بار شىعار. سىزدەر «ٴبىز بيزنەستى قورعاپ جاتىرمىز» دەپ كەۋدەلەرىڭىزدى سوعاسىزدار. ٴبىراق زاڭ جۇزىندە بيزنەسمەنگە ساپاسىز تاۋار شىعارۋ ٴتيىمسىز. ەگەر ول ٴبىر رەت وسىنداي دەرەكپەن ۇستالسا، ول تاقىرعا وتىرادى. «اتامەكەن» قاشان وسىنداي ۇسىنىستاردى ەنگىزەدى؟» - دەدى ول.

وسى ورايدا ٴماجىلىس ٴتوراعاسى «اتامەكەن» ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارىنا كەڭەس بەردى.

«ٴسىز ماعان 15 مىڭ تەكسەرىستى ايتىپ، بارلىعىن قورقىتىپ وتىرسىزدار. رۋستام، ٴسىز تۇسىنەسىز بە؟ سىزدەرگە زاماناۋي دەڭگەيگە كوتەرۋلەرىڭىز قاجەت. ەلباسى (كاسىپكەرلىككە – اۆتور) ٴتيىستى جاعداي جاسادى. سونىڭ ارقاسىندا شاعىن جانە ورتا بيزنەستە جاپپاي تەكسەرىس جوق. بۇل - سول كىسىنىڭ ارقاسى. ٴبىراق سىزدەر شەتەلدەگى تاجىريبەلەردى ەسكەرىپ، وسىندا ۇسىنىستاردى ەنگىزۋلەرىڭىز قاجەت قوي. ونىڭ ىشىندە وسىنداي زاڭ جوباسى تالقىلانعان كەزدە بيزنەسكە دە جاۋاپكەرشىلىك جۇكتەلەدى. ٴبىز ۇكىمەتتىڭ بيزنەستى دامىتۋعا كوزدەگەن قازىرگى ۇستانىمىن تولىعىمەن قولدايمىز. ونىڭ ىشىندە مەملەكەتتىك باقىلاۋ قىزمەتىن ازايتۋ بويىنشا. سىزدەر وسى باعىتتاعى جۇمىستاردى جۇرگىزۋلەرىڭىز قاجەت»، - دەپ تۇيىندەدى ٴسوزىن ٴماجىلىس ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي