نىعماتۋلين ارمەنيا ەلشىسىن قابىلدادى - پارلامەنت|01 قازان 2018، 14:57
كۋرسى ۆاليۋت وبنوۆليايۋتسيا
استانا:

نىعماتۋلين ارمەنيا ەلشىسىن قابىلدادى

فوتو: Мәжілістің баспасөз қызметі

ٴماجىلىس ٴتوراعاسى نۇرلان نىعماتۋلين ارمەنيانىڭ قازاقستانداعى توتەنشە جانە وكىلەتتى ەلشىسى ارا سااكياندى قابىلدادى، دەپ حابارلايدى ۆaq.kz اقپارات اگەنتتىگى.

تاراپتار ەكى ەل اراسىنداعى ىنتىماقتاستىقتى دامىتۋدىڭ وزەكتى سۇراقتارىن تالقىلادى.

ٴماجىلىس ٴتوراعاسى ىنتىماقتاستىق ورناعان 26 جىل ىشىندە ەكى ەل قارىم-قاتىناسى ٴوزارا ٴتيىمدى ارىپتەستىك دەڭگەيىندە تابىستى دامىپ كەلە جاتقانىن اتاپ ٴوتتى.

پالاتا سپيكەرى ٴبىزدىڭ ەلىمىز اتالعان مەملەكەتپەن ەكىجاقتى بايلانىستى كەشەندى تۇردە دامىتۋعا ىنتالى ەكەنىن ايتتى. وسى ورايدا نۇرلان نىعماتۋلين از ۋاقىت بۇرىن دۋشانبەدە وتكەن قازاقستان پرەزيدەنتى نۇرسۇلتان نازاربايەۆ پەن ارمەنيا پرەمەر-مينيسترى نيكول پاشينياننىڭ كەزدەسۋىن العا تارتىپ، وندا تالقىلانعان ماسەلەلەردىڭ ەكى ەل ٴۇشىن ماڭىزدىلىعىن اتاپ ٴوتتى.

كەزدەسۋ بارىسىندا ٴماجىلىس ٴتوراعاسى ساۋدا-ەكونوميكالىق ٴىس-قيمىل الەۋەتىنە ايرىقشا كوڭىل ٴبولدى.

وسى جولدا اۋىلشارۋاشىلىعى ونىمدەرىن قايتا وڭدەۋ، اقپاراتتىق تەحنولوگيا، تۋريزم سالالارى ٴبىزدىڭ ەلدەرىمىزدىڭ ىسكەرلىك ىقپالداستىعىن دامىتۋدىڭ باسىم باعىتتارى بولماق.

نىعماتۋلين اتاپ وتكەندەي، تاۋەلسىزدىك العان كۇننەن باستاپ، ەلباسىنىڭ تاپسىرماسى بويىنشا قازاقستاندا ينۆەستيسيا ٴۇشىن قولايلى جاعداي جاسالىپ، ول جۇمىستار بۇگىنگە دەيىن تابىستى جالعاسىپ كەلەدى.

تاراپتار وسى ايدىڭ سوڭىندا ەرەۆاندا وتەتىن ۇقشۇ پارلامەنتتىك اسسامبلەياسىنىڭ كوشپەلى وتىرىسىنا دايىندىق بارىسىن ٴسوز ەتتى. وندا ٴبىرقاتار مودەلدىك زاڭدار قابىلدانادى دەپ كۇتىلۋدە.

ارا سااكيان قازاقستاننىڭ قازىرگى دامۋ قارقىنىن جوعارى باعالاپ، قىسقا مەرزىمدە جۇزەگە اسقان ەلوردامىز استانانىڭ قۇرلىسىن تاريحي عاجايىپقا تەڭەدى.

جۇزدەسۋدە مادەني-گۋمانيتارلىق، حالىقارالىق ىنتىماقتاستىق جايى دا ٴسوز بولدى.

ال، پارلامەنتارالىق بايلانىس جايىنا توقتالساق، ماجىلىستە ارمەنيا رەسپۋبليكاسىمەن ىنتىماقتاستىق جونىندە توپ جۇمىس ىستەيدى. سونىمەن قاتار، تمد پارلامەنتارالىق اسسامبلەياسى جانە ۇقشۇ شەڭبەرىندە تىعىز قارىم-قاتىناس ورناعان.

الداعى ۋاقىتتا بەيىندى كوميتەتتەر مەن پارلامەنتارالىق توپتار شەڭبەرىندە ٴىس-ساپارلار ارقىلى زاڭنامالىق تاجىريبە الماسۋدى ودان ٴارى ىنتالاندىرۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي