BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار ەرمان قاۋىپسىزدىك كوميتەتىنىڭ ٴتوراعاسى بولىپ تاعايىندالدى

فوتو: Obzor.lt

ٴماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ٴتوراعاسىنىڭ ورنىنا دەپۋتات مۇحتار ەرمان تاعايىندالدى، دەپ حابارلايدى baq.kz ٴتىلشىسى.

پارلامەنت ٴماجىلىسىنىڭ ٴتوراعاسى نۇرلان نىعماتۋلين دەپۋتاتتارعا حالىقارالىق ىستەر، قورعانىس جانە قاۋىپسىزدىك كوميتەتى ٴتوراعاسىنىڭ ورنى بوساعانىن ەسكە سالدى. اتالعان كوميتەتتى وسى ۋاقىتقا دەيىن ماۋلەن اشىمبايەۆ باسقارىپ كەلگەن بولاتىن.

«پارلامەنت كوميتەتى مەن كوميسسياسى تۋرالى زاڭعا سۇيەنىپ، بوس ورىنعا مۇحتار ەرماننىڭ كانديداتۋراسىن ۇسىنامىن. ونىڭ كوميتەت مۇشەسى ەكەنىن، بىرنەشە شەتەل ٴتىلىن مەڭگەرگەنىن جانە تاجىريبەسى مول، ساۋاتتى دەپۋتات ەكەنىن بارلىقتارىڭىز جاقسى بىلەسىزدەر. ول كوپتەگەن ماڭىزدى زاڭداردىڭ قابىلدانۋىنا ۇلەس قوستى. قانداي پىكىرلەرىڭىز بار؟ وزگە ۇسىنار كانديداتۋرالارىڭىز بار ما؟» - دەدى نۇرلان نىعماتۋلين.

دەپۋتتاتتاردىڭ بارلىعى مۇحتار ەرماننىڭ كانديداتۋراسىنا ٴبىراۋىزدان داۋىس بەردى.

ەستەرىڭىزگە سالا كەتەيىك، اتالعان كوميتەتتىڭ بۇرىنعى ٴتوراعاسى ماۋلەن اشىمبايەۆ «نۇر وتان» پارتياسى ٴتوراعاسىنىڭ ٴبىرىنشى ورىنباسارى قىزمەتىنە تاعايىندالعان بولاتىن. مۇنىمەن قاتار، دارحان مىڭبايدىڭ ٴماجىلىس دەپۋتاتى بولىپ سايلانعانىن حابارلاعان ەدىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي