ٴماجىلىستىڭ بيۋرو وتىرىسى ٴوتتى - پارلامەنت|02 قاراشا 2018، 12:40
كۋرسى ۆاليۋت وبنوۆليايۋتسيا
استانا:

ٴماجىلىستىڭ بيۋرو وتىرىسى ٴوتتى

استانا، baq.kz. پالاتا سپيكەرى نۇرلان ٴنىعماتۋليننىڭ توراعالىعىمەن ٴماجىلىستىڭ بيۋرو وتىرىسى ٴوتىپ، پالاتانىڭ جالپى وتىرىسىندا تالقىلاناتىن ماسەلەلەر ايقىندالدى.

كۇن تارتىبىندە دەپۋتاتتار نازارىنا دەنساۋلىق ساقتاۋ ماسەلەسىنە قاتىستى زاڭ جوباسىن ٴبىرىنشى وقىلىمدا قاراۋ ۇسىنىلدى.

زاڭ جوباسى مەديسينالىق ۇيىمداردا كورپوراتيۆتىك باسقارۋ جۇيەسىن جەتىلدىرۋ، دونور جانە ترانسپلانتاسيالاۋ ينستيتۋتىن دامىتۋ، مەديسينالىق ٴبىلىم بەرۋ جۇيەسىن جەتىلدىرۋ جانە مەديسينا كادرلارىن دايارلاۋ ساپاسىن ارتتىرۋعا باعىتتالعان. سونىمەن قاتار، مىندەتتى الەۋمەتتىك مەديسينالىق ساقتاندىرۋ جۇيەسىن ودان ٴارى جەتىلدىرۋ مەن تەگىن مەديسينالىق كومەكتىڭ كەپىلدىك بەرىلگەن كولەمىنىڭ جاڭا مودەلىن ەنگىزۋ قاراستىرىلعان.

سونداي-اق، الداعى جالپى وتىرىستا «ارنايى ەكونوميكالىق جانە يندۋستريالىق ايماقتار تۋرالى» زاڭ جوباسى بجانە وعان ىلەسپە تۇزەتۋلەرىمەن ٴبىرىنشى وقىلىمدا قارالاتىن بولادى.

دايىندالعان زاڭ جوباسى اياسىندا يندۋستريالىق ايماقتار ٴۇشىن زاڭنامالىق بازانىڭ جوقتىعىنا بايلانىستى ولاردىڭ قىزمەتى رەتتەلىپ، وسى سالاداعى ۋاكىلەتتى ورگان انىقتالاتىن بولادى.

بۇعان قوسا، قولدانىستاعى زاڭنامانى ەاەو زاڭناماسىنا سايكەس كەلتىرۋ كوزدەلگەن.

كۇن تارتىبىندە پالاتاعا بەيىندى كوميتەتتەرگە قورىتىندى ازىرلەۋ مەرزىمدەرىن بەلگىلەۋ بويىنشا زاڭ جوبالارى ۇسىنىلدى.

ولاردىڭ قاتارىنا قازاقستان مەن قىتاي حالىق رەسپۋبليكاسىنىڭ ۇكىمەتتەرى اراسىنداعى قحر جەڭىلدىكتى كرەديت بەرۋى تۋرالى نەگىزدەمەلىك كەلىسىمدى راتيفيكاسيالاۋ تۋرالى زاڭ جوباسى جانە قازاقستان مەن رەسەي فەدەراسياسىنىڭ ۇكىمەتتەرى اراسىنداعى م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىنىڭ جۇمىس ىستەۋى تۋرالى كەلىسىمدى راتيفيكاسيالاۋ تۋرالى زاڭ جوبالارى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي