BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماجىلىس ٴتوراعاسى نۇرلان نىعماتۋلين فرانسيا ەلشىسىن قابىلدادى

بۇگىن پارلامەنت ٴماجىلىسىنىڭ ٴتوراعاسى نۇرلان نىعماتۋلين فرانسيانىڭ قازاقستانداعى توتەنشە جانە وكىلەتتى ەلشىسى فيليپپ مارتينەنى قابىلدادى، دەپ حابارلايدى ۆaq.kz اقپارات اگەنتتىگى.

تاراپتار ەكىجاقتى قارىم-قاتىناستى نىعايتۋدىڭ وزەكتى سۇراقتارىن تالقىلادى.

نۇرلان نىعماتۋلين فرانسيامەن جان-جاقتى جانە ٴوزارا ٴتيىمدى بايلانىستى نىعايتۋ قازاقستاننىڭ سىرتقى ساياساتىنداعى باسىم باعىتتاردىڭ ٴبىرى ەكەنىن اتاپ ٴوتتى. وتكەن جىلى ەكى ەل اراسىندا ديپلوماتيالىق بايلانىستىڭ ورناعانىنا 25 جىل تولسا، بيىل قازاقستان مەن فرانسيا اراسىندا ستراتەگيالىق ارىپتەستىك تۋرالى شارتقا قول قويىلعانىنا 10 جىل تولىپ وتىر. وسى ۋاقىت ىشىندە سەنىمدى ساياسي ۇنقاتىسۋمەن قاتار، ٴتۇرلى باعىتتا ٴوزارا ٴىس-قيمىل تابىستى دامىپ كەلەدى.

ٴماجىلىس ٴتوراعاسى ەۋرووداق ەلىمىزدىڭ ماڭىزدى سىرتقى ساياسي جانە ٴىرى ساۋدا ارىپتەسى ەكەنىن العا تارتا كەلىپ، الداعى ۋاقىتتا ەلدەرىمىز قازاقستان مەن اتالعان وداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمنىڭ الەۋەتىن تولىققاندى پايدالانا الاتىندىعىنا سەنىم ٴبىلدىردى.

ەلباسى بەلگىلەپ بەرگەن 10 باسىم باعىتتى جۇزەگە اسىرۋ اياسىندا پالاتا سپيكەرى فرانسيالىق ارىپتەستەردىڭ يننوۆاسيالىق تەحنولوگيالار، سيفرلاندىرۋ سالاسىن زاڭنامالىق قامتاماسىز ەتۋ تاجىريبەسىنىڭ قىزىعۋشىلىق تۋدىراتىنىن اتاپ ٴوتتى.

ەلشى قازاقستان مەن فرانسيا تەك ساياسي، ستراتەگيالىق قانا ەمەس، ەكونوميكالىق ماڭىزدى ارىپتەستەر ەكەنىن ٴسوز ەتىپ، بولاشاقتا ەكىجاقتى جانە كوپقىرلى، سونداي-اق پارلامەنتارالىق ىقپالداستىقتى جان-جاقتى نىعايتۋعا ىنتالى ەكەنىن جەتكىزدى.

سونىمەن بىرگە، تاراپتار ىنتىماقتاستىق جونىندەگى توپتار قىزمەتىنىڭ بەلسەندىلىگىن ارتتىرا وتىرىپ، تۇراقتى كەزدەسۋلەر مەن ٴىس-ساپارلار الماسۋ ارقىلى پارلامەنتارالىق ٴىس-قيمىلدى ودان ٴارى دامىتاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي