BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماجىلىس وتاندىق كينەماتوگرافيا سالاسىن دامىتۋدى كوزدەيتىن زاڭ جوباسىن ماقۇلدادى

فوتو: интернеттен

قر پارلامەنتى ماجىلىسىندە “كينەماتوگرافيا تۋرالى” زاڭ جوباسى ٴبىرىنشى وقىلىمدا ماقۇلداندى، دەپ حابارلايدى baq.kz ٴتىلشىسى.

سونداي-اق وتىرىستا دەپۋتاتتار “قر كەيبىر زاڭنامالىق اكتىلەرىنە كينەماتوگرافيا ماسەلەلەرى بويىنشا وزگەرىستەر مەن تولىقتىرۋلاردى ەنگىزۋ تۋرالى” زاڭ جوباسىنا قولداپ داۋىس بەردى.

اتالعان زاڭ جوبالارىن قر مادەنيەت جانە سپورت ٴمينيسترى ارىستانبەك مۇحامەدي ۇلى تانىستىردى.

ٴ“بىز ەكى ماڭىزدى جوباعا قولداۋ بىلدىردىك. العاش رەت قازاقستان كينەماتوگرافياسىنىڭ قۇقىقتىق نەگىزى قالانىپ، مەملەكەتتىك قولداۋعا يە بولدى. بۇل - وتە ماڭىزدى شەشىم. ول ٴاربىر قازاقستاندىق كينەماتوگرافقا قاجەت”، - دەدى ٴماجىلىس ٴتوراعاسى نۇرلان نىعماتۋلين وتىرىستا.

ەسكە سالا كەتسەك، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا پالاتا ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى جانە وتاندىق كينوتەاترلاردىڭ جۇمىسىن باقىلاۋعا الۋ كەرەكتىگىن جەتكىزدى.

سونداي-اق ماجىلىستە بايانداما جاساعان قر مادەنيەت جانە سپورت ٴمينيسترى ارىستانبەك مۇحامەدي ۇلى «قازاقفيلم» كينوستۋدياسىنىڭ تەحنيكالىق جابدىقتالۋى تومەن ەكەنىن مالىمدەدى.

قر پارلامەنتى ٴماجىلىسىنىڭ دەپۋتاتى اباي تاسبولاتوۆ ەلىمىزدە بالالاردىڭ مۋلتفيلمدەردى تەك ورىسشا كورىپ جۇرگەنىن ايتىپ، اتالعان ماسەلەگە نازار اۋدارۋدى تالاپ ەتتى.

سونىمەن قاتار، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا ٴسوز سويلەگەن دەپۋتات بەكبولات تىلەۋحان وتاندىق فيلمدەر تۇسىرۋگە قولايلى جاعداي جاساپ، كورەرمەنگە ٴوز ونىمدەرىمىزدى كوپتەپ ۇسىناتىن ٴسات كەلگەنىن مالىمدەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي