BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماجىلىس قازاقستان مەن رەسەي اراسىندا مۇنايدى ٴبولۋ شارتتارىن بەكىتتى

فوتو: ашық дереккөзден

پارلامەنت ٴماجىلىسىنىڭ جالپى وتىرىسىندا «قر ۇكىمەتى مەن رف ۇكىمەتى اراسىنداعى «ٴتۇيمازى-ومبى-نوۆوسىبىر-2» جانە «ومبى-پاۆلودار» قۇبىرلارىنداعى تەحنولوگيالىق مۇنايدىڭ مارتەبەسىن ايقىنداۋ تۋرالى كەلىسىمدى راتيفيكاسيالاۋ تۋرالى» زاڭ جوباسى ماقۇلداندى، دەپ حابارلايدى baq.kz اقپارات اقپارات اگەنتتىگى.

«كسرو-نىڭ كەزىندە ەلىمىزدىڭ ماگيسترالدىق مۇناي قۇبىرلار جەلىسى ٴبىرىڭعاي جۇيەدە بولاتىن. ٴبىراق كەڭەس ۇكىمەتى تاراعاننان كەيىن قۇبىرلار ٴار مەملەكەتتىڭ اۋماقتىق قاعيداتى بويىنشا ٴبولىنىپ كەتكەن ەدى. الايدا «ٴتۋيمازى-ومبى-نوۆوسىبىر-2» (تون-2) مۇناي قۇبىرىنىڭ قازاقستان بولىگىندەگى 62 048 توننا تەحنولوگيالىق مۇنايدىڭ مەنشىك قۇقىعى ايقىندالماي قالعان. سونىمەن قاتار، «ومبى-پاۆلودار» قۇبىرىنىڭ رەسەيلىك ۋچاسكەسىندە 141 728 توننا تەحنولوگيالىق مۇنايدىڭ مەنشىگى دە شەشىلمەگەن ەدى. ٴبىراق اتالعان مۇناي اۋماقتىق قاعيداتقا ناقتى تاپسىرىلماسا دا، رەسەيدىڭ «ترانسنەفت» جاريا اكسيونەرلىك قوعامىمەن قازاقستاندىق «قازترانسويل» كومپانياسىنىڭ بالانسىنا بەرىلگەن بولاتىن»، - دەدى ەنەرگەتيكا ٴمينيسترى قانات بوزىمبايەۆ.

ونىڭ سوزىنە قاراعاندا، «ومبى-پاۆلودار» قۇبىرىنىڭ رەسەيلىك ۋچاسكەسىندەگى 141 728 توننا مۇناي شىن مانىندە «قازترانسويل» اق بالانسىندا، ال تون-2 قۇبىرىنىڭ قازاقستان اۋماعىنداعى 62 مىڭ تونناسى «ترانسنەفت» قاراماعىندا.

«2017 جىلدىڭ 9 قاراشاسىندا جاسالعان قازاقستان مەن رەسەي ۇكىمەتتەرىنىڭ اراسىنداعى تون-2 جانە «ومبى-پاۆلودار» ماگيسترالدىق مۇناي قۇبىرىنداعى تەحنولوگيالىق مۇنايدىڭ مارتەبەسىن ايقىنداۋ تۋرالى كەلىسىم ەكى ەل اراسىنداعى كوپ جىلدىق جۇمىستىڭ ناتيجەسى»، - دەپ توقتالدى ق. بوزىمبايەۆ.

تەحنولوگيالىق مۇنايدى قايتارۋدا راسىمدەردى جەڭىلدەتۋ ماقساتىندا اتالعان كەلىسىممەن: بىرىنشىدەن، قازاقستان اۋماعىندا ورنالاسقان تون-2 ماگيسترالدىق مۇناي قۇبىرىنداعى 62 048 توننا «قازترانسويل» اق-عا تيەسىلى; ەكىنشىدەن، رەسەي ۋچاسكەسىندە جاتقان «ومبى-پاۆلودار» قۇبىرىنداعى مۇنايدىڭ ٴدال سول كولەمى (62 048 توننا) «ترانسنەفت-ۋرالعا» تيەسىلى بولادى; ۇشىنشىدەن، رەسەيلىك ۋچاسكەدەگى «ومبى-پاۆلودار» قۇبىرىنداعى مۇنايدىڭ 79 680 تونناسى «قازترانسويل» مەنشىگىنە بەكىتىلگەن.

«سونىمەن قاتار، كەلىسىم كۇشىنە ەنگەن كۇننەن باستاپ، قوس تاراپ 10 اي ىشىندە «قازترانسويل» اق-عا تيەسىلى 79 670 توننا مۇنايدى قۇبىر ارقىلى رەسەي اۋماعىنان قازاقستانعا بىرنەشە پارتيامەن جونەلتۋى قاجەت. وسىلايشا، بۇل كەلىسىم قۇبىرلارداعى مۇنايدىڭ اتالعان ۇيىمدارعا تيەسىلى ەكەندىگىن زاڭدى تۇردە ايقىندايدى»، - دەدى ۆەدومستۆو باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي