BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماجىلىس دەپۋتاتتارىنىڭ ايماقتارعا ساپارى جالعاسۋدا

فوتو: интернеттен

استانا، baq.kz. قر پارلامەنتى ٴماجىلىسىنىڭ دەپۋتاتتارى ماڭعىستاۋ جانە جامبىل وبلىستارىنا باردى.

ٴماجىلىس دەپۋتاتتارى م.چيركوۆ، ا.تاسبولاتوۆ، ب.ىزمۇحامبەتوۆ جانە ا. مۋرادوۆ ماڭعىستاۋ وبلىسىنىڭ تۇرعىندارىمەن كەزدەسۋدە.

دەپۋتاتتار وبلىستاعى ساپارلارى بارىسىندا مۇنايلى اۋدانىنىڭ قىزىلتوبە اۋىلىنداعى «شليۋمبەرجە» مەگا-بازاسىنىڭ جۇمىسىمەن تانىستى.

حالىق قالاۋلىلارى جولداۋدىڭ باسىم باعىتتارىنا، ونىڭ ىشىندە الەۋمەتتىك قامسىزداندىرۋ سالاسىنا باسا نازار اۋداردى. اتاپ ايتقاندا، زەينەتاقى، جالاقى، دەنساۋلىق ساقتاۋ، ٴبىلىم بەرۋ سالالارىنىڭ قولجەتىمدىلىگىن ارتتىرىپ، ازاماتتاردىڭ ٴال-اۋقاتىن جاقسارتۋعا ەرەكشە ٴمان بەرىلدى.

شليۋمبەرجە كومپانياسى الەمنىڭ 80-گە جۋىق ەلدەرىندە ىستەيتىن، 140 ٴتۇرلى ۇلتتان تۇراتىن 100 مىڭعا جۋىق جۇمىسكەرلەرى بار دۇنيەجۇزىلىك ٴىرى مۇناي سالاسىنداعى قىزمەت كورسەتۋ كورپوراسياسى. شليۋمبەرجە سەيسميكالىق اقپارات پەن فورماسيانىڭ دامۋى پروسەسى، ۇڭعى تەستى مەن تۋرا بۇرعىلاۋ، ۇڭعى سەمەنتتەۋ مەن قوزدىرۋ، جاساندى كوتەرۋ، ۇڭعىنى اياقتاۋ جانە كونسالتينگ، باعدارلامالار مەن اقپاراتتى باسقارۋ سياقتى كەڭ اۋقىمدى ونىمدەر مەن قىزمەتتەر ۇسىنادى.

بۇگىنگى تاڭدا كومپانيانىڭ ماڭعىستاۋ وبلىسىنداعى بازاسىندا 300-گە جۋىق ادام ەڭبەك ەتۋدە.

كەزدەسۋدە ەڭبەك ۇجىمى حالىق قالاۋلىلارىنا ٴوز-ۇسىنىستارىن ٴبىلدىرىپ، پىكىر الماستى.

سونىمەن قاتار بۇگىن ٴماجىلىس دەپۋتاتتارى سەرىك ۇمبەتوۆ، باقىتجان ەرتايەۆ، زاعيپا باليەۆا، نۇرلان دۋلاتبەكوۆ، جەكسەنباي دۇيسەبايەۆ الماتى وبلىسىنداعى ساپارلارى بارىسىندا تالعار اۋدانىنداعى كەڭدالا اۋىلىنىڭ تۇرعىندارىمەن كەزدەستى.

كەزدەسۋدىڭ باستى ماقساتى – مەملەكەت باسشىسى ن.نازاربايەۆتىڭ حالقىنا ارنالعان جولداۋىن حالىق اراسىندا كەڭىنەن ناسيحاتتاۋ جانە ٴتۇسىندىرۋ.

  • بيىلعى جولداۋ وسىعان دەيىن جۇزەگە اسىرىلىپ جاتقان ستراتەگيالىق باستامالاردىڭ زاڭدى جالعاسى. حالقىمىزدىڭ ٴال-اۋقاتىن، تۇرمىس ساپاسىن ارتتىرۋعا باعىتتالعان وزەكتى ماسەلەلەر ناقتى شەشىمىن تاباتىن بولادى. ياعني، ٴار وتباسىنىڭ، ٴاربىر ادامنىڭ جاعدايىن، تىرشىلىك ورتاسىن جاقسارتۋعا ارنالعان. ەلباسىنىڭ ٴداستۇرلى جولداۋىندا ٴبىلىم بەرۋ، دەنساۋلىق ساقتاۋ، كاسىپكەرلىكتى دامىتۋ، سىبايلاس جەمقورلىقپەن كۇرەس، قۇقىق قورعاۋ ورگاندارىنىڭ جۇمىسىن جەتىلدىرۋ، مەملەكەتتىك قىزمەتتىڭ تيىمدىلىگىن كوتەرۋ سياقتى كۇندەلىكتى ومىردەگى ماسەلەلەرگە ەرەكشە ٴمان بەرىلىپ وتىر، - دەدى دەپۋتات نۇرلان دۋلاتبەكوۆ.

كەزدەسۋدە تالعار قالاسىنداعى №1 ورتا مەكتەپ ديرەكتورى زامزاگۋل مۋشراپيلوۆا ۇستازدار قاۋىمىنىڭ بەدەلىن كوتەرۋگە قاتىستى پىكىر بىلدىرسە، اۋىل جاستارى دا «جاستار جىلىنا» بايلانىستى كەلەر جىلعا جوسپارلانعان شارالار تۋرالى ايتتى.

  • ەلباسى جولداۋىنىڭ ٴار تارماعى حالىقتىڭ الەۋمەتتىك ٴال-اۋقاتىن كوتەرىپ، تابىسى مەن تۇرمىسىن جاقسارتۋعا باعىتتالعان. ٴبىز بۇل جۇمىستى بىرلەسىپ جاساۋىمىز كەرەك. اۋىل تۇرعىندارىنىڭ الەۋەتىن كوتەرۋ، جاستارعا دەمەۋ كورسەتىپ، بولاشاعىنا دۇرىس باعىت-باعدار بەرسەك قانا، ەگەمەن ەلىمىزدىڭ تۇعىرى بەكەم، تىرشىلىگى بەيبىت بولماق. ەلباسى ۇسىنعان «اۋىل – ەل بەسىگى» جوباسى كەڭدالا اۋىلىنىڭ تۇرعىندارىنىڭ كوڭىلىنەن شىقتى. ٴبىز جوبا اياسىندا كەلەر جىلعا قويعان ماقسات مىندەتتەرىمىز كوپ، ازاماتتارىمىزدىڭ قولداۋى دا بار، - دەدى كەڭدالا اۋىلىنىڭ اكىمى الماس ٴومىرزاقوۆ.

اۋىل تۇرعىندارى ٴبىرقاتار وزەكتى الەۋمەتتىك ماسەلەلەردى كوتەرىپ، ايتىلعان بارلىق ۇسىنىس-پىكىرلەر ٴماجىلىس دەپۋتاتتارىنىڭ نازارىنا الىندى.

وسى كۇنى ٴماجىلىس دەپۋتاتتارى گ. بيجانوۆا، ۆ.قاينازاروۆ، ك.مۇسىرمان جانە ب. سماعۇل جامبىل وبلىسىنداعى مويىنقۇم، قورداي، شۋ اۋداندارىن ارالاپ، اۋىلدارداعى تۇيتكىلدى ماسەلەلەرمەن تانىستى.

جامبىل اۋدانى، اسا اۋىلىنداعى «جاستار رەسۋرستىق ورتالىعىندا» اۋدان جاستارىمەن كەزدەسكەن دەپۋتاتتار جاستارعا ارنالعان «باستاۋ – بيزنەس»، «قولجەتىمدى باسپانا «7-20-25» باعدارلامالارى تۋرالى ايتتى.

ماجىلىسمەندەر جولداۋدان تۋىنداعان جاڭا مىندەتتەر جونىندە جاستارمەن پىكىر الماسسا، ٴوز كەزەگىندە اۋدان جاستارى اۋىلدىق وكرۋگتەگى جاستار ٴىسى جونىندەگى نۇسقاۋشىلاردىڭ قىسقارۋى مۇمكىن ەكەندىگىنە الاڭداۋشىلىق ٴبىلدىرىپ، اۋدانداعى جاستار سالاسىنا قاتىستى تۋىنداپ وتىرعان ٴبىرشاما ماسەلەلەردى كوتەردى.

جامبىل وبلىستىق «جاس وتان» جاستار قاناتى ٴتوراعاسىنىڭ ورىنباسارى ب. دالابايەۆ جاستاردىڭ ىشىندە ٴالسىز توپتار، مۇگەدەكتەر، جەتىمدەر بار ەكەنىنە، ولاردىڭ قولداۋدى قاجەت ەتەتىنىن، جاستاردىڭ تومەن ايلىققا كەلمەيتىنىنە، ٴبىر كۇندىك تابىسپەن ٴومىر ٴسۇرىپ جاتقانىن جانە وسى سياقتى باسقا دا وزەكتى ماسەلەلەردى ايتتى.

جاستاردى تولعاندىرعان بۇل ساۋالدارعا ٴماجىلىس دەپۋتاتتارى جان-جاقتى جاۋاپ بەرىپ، اتالعان ۇسىنىستاردى پارلامەنت قابىرعاسىندا كوتەرىپ، نازارلارىنا الاتىندارىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي