BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴماجىلىس ارمەنياعا قاتىستى زاڭدى ماقۇلدادى

فوتو: ашық дереккөзден

استانا. baq.kz ٴتىلشىسى. ٴماجىلىستىڭ جالپى وتىرىسىندا «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا وزگەرىس ەنگىزۋ تۋرالى حاتتامانى راتيفيكاسيالاۋ تۋرالى» زاڭ جوباسى ماقۇلداندى.

اتالعان زاڭ جوباسىن دەپۋتاتتارعا تانىستارعان قر سىرتقى ىستەر ٴمينيسترى قايرات ٴابدىراحمانوۆ 2015 جىلعى 6 جەلتوقساندا ارمەنيادا كونستيتۋسيالىق رەفەرەندۋم ٴوتۋى ناتيجەسىندە مەملەكەتتىك باسقارۋ فورماسى پرەزيدەنتتىك باسقارۋ تۇرىنەن پارلامەنتتىك باسقارۋ تۇرىنە وزگەرگەنىن ايتتى.

«قابىلدانعان وزگەرىستەرگە سايكەس، 2018 جىلى ساۋىردەن باستاپ ارمەنيانىڭ پرەمەر-مينيسترى ەلدىڭ جوعارى لاۋازىمدى تۇلعاسى بولدى. وسى ەل پرەمەر-مينيسترى وكىلدىكتەرىنە سىرتقى ساياسات ماسەلەلەرى دە جاتادى، ول مەملەكەتتىك قاۋىپسىزدىك كەڭەسىن باسقارادى. قارۋلى كۇشتەر ۇكىمەتكە باعىنادى. ارمەنيا پرەزيدەنتىندە ٴقازىر شەكتەلگەن وكىلدىك قىزمەتتەرى بار. بۇل ەلدە اياقتالعان ساياسي رەفورمانى ەسكەرە وتىرىپ، جوعارى ەۋرازيالىق ەكونوميكالىق كەڭەستىڭ قۇرامىنا مۇشە مەملەكەتتەردىڭ باسشىلارىمەن قاتار، ۇكىمەت باسشىنىڭ كىرۋىن رەتتەۋ ماقساتىندا اتالعان حاتتامانى ەۋرازيالىق ەكونوميكالىق كوميسسيا مۇشە مەملەكەتتەرمەن بىرلەسىپ ازىرلەدى»، - دەدى مينيستر.

زاڭدى تالقىلاۋ بارىسىندا دەپۋتاتتار ارمەنيانىڭ ۇكىمەت باسشىسىنا قاتىستى زاڭ جوباسىن ماقۇلدادى.

ايتا كەتەيىك، وسىعان دەيىن ٴماجىلىس ٴتوراعاسى ۇلتتىق ەكونوميكا ٴمينيسترى تيمۋر سۇلەيمەنوۆتى سىنعا العانىن جازعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي