BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

“قورقۋدىڭ قاجەتى جوق”. نىعماتۋلين وتاندىق كينويندۋستريانى دامىتۋدىڭ ماڭىزىن ايتتى

قر پارلامەنتى ٴماجىلىسىنىڭ ٴتوراعاسى نۇرلان نىعماتۋلين قر ۇلتتىق ەكونوميكا مينيسترلىگىنە وتاندىق كينويندۋستريانى دامىتۋ نەگە ماڭىزدى ەكەنىن ٴتۇسىندىردى، دەپ حابارلايدى baq.kz ٴتىلشىسى.

بۇگىن ماجىلىستە “كينەماتوگرافيا تۋرالى جانە “قر كەيبىر زاڭنامالىق اكتىلەرىنە كينەماتوگرافيا ماسەلەلەرى بويىنشا وزگەرىستەر مەن تولىقتىرۋلاردى ەنگىزۋ تۋرالى” زاڭ جوبالارى تانىستىرىلدى. اتالعان زاڭ جوبالارى تۋرالى باياندامانى قر مادەنيەت جانە سپورت ٴمينيسترى ارىستانبەك مۇحامەدي ۇلى جاسادى.

وتىرىس بارىسىندا نۇرلان نىعماتۋلين قر ۇلتتىق ەكونوميكا مينيسترلىگىنە وتاندىق كينويندۋستريانى دامىتۋ نەگە ماڭىزدى ەكەنىن ٴتۇسىندىردى.

“ەكونوميكاسى قۋاتتى اقش-قا قاراڭىزدارشى. مۇندا مەملەكەتتىك بيۋدجەتتىك قالىپتاستىرۋدا كينويندۋستريا سالاسى دا ەسكەرىلەدى. ٴبىز دە وسىنداي جاعداي جاساۋ كەرەك. سوندىقتان قورقۋدىڭ قاجەتى جوق. ەگەر كينويندۋستريا سالاسىنا كومەكتەسپەسەڭىزدەر، ايباتىر نىشانباي ۇلى ،(قر ۇلتتىق ەكونوميكا ۆيسە-مينيسترى - اۆتور) “لەنين ۆ وكتيابرە. چەلوۆەك س ورۋجيەم” اتتى ٴفيلمدى كورە بەرەسىز. مەنى كوممۋنيستەر كەشىرسىن. سولاي دامىماي قالا بەرەمىز"، - دەدى سپيكەر.

ٴسىز (قر ۇلتتىق ەكونوميكا ۆيسە-مينيسترى ايباتىر جۇماعۇلوۆ - اۆتور) بۇل ماسەلەنى ۇكىمەتتە قاراپ جاتىرسىز. سول سەبەپتى اتالعان ماسەلەگە تاعى دا نازار اۋدارىڭىز”، - دەدى ٴماجىلىس ٴتوراعاسى.

ەسكە سالا كەتسەك، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا پالاتا ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى جانە وتاندىق كينوتەاترلاردىڭ جۇمىسىن باقىلاۋعا الۋ كەرەكتىگىن جەتكىزدى.

سونداي-اق ماجىلىستە بايانداما جاساعان قر مادەنيەت جانە سپورت ٴمينيسترى ارىستانبەك مۇحامەدي ۇلى «قازاقفيلم» كينوستۋدياسىنىڭ تەحنيكالىق جابدىقتالۋى تومەن ەكەنىن مالىمدەدى

قر پارلامەنتى ٴماجىلىسىنىڭ دەپۋتاتى اباي تاسبولاتوۆ ەلىمىزدە بالالاردىڭ مۋلتفيلمدەردى تەك ورىسشا كورىپ جۇرگەنىن، اتالعان ماسەلەگە نازار اۋدارۋدى تالاپ ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي