BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەيبىر ازاماتتار جۇمىسقا ورنالاسۋ ٴۇشىن تانىس كەرەك دەگەن پىكىردە – دەپۋتات

ماجىلىستەگى پارلامەنتتىك تىڭداۋدا دەپۋتات ايگۇل نۇركينا «نۇر وتان» پارتياسى جۇرگىزگەن ساۋالناما ناتيجەسىندە كەيبىر ازاماتتاردىڭ جۇمىسقا ورنالاسۋ ٴۇشىن تانىس كەرەك دەگەن پىكىردى ۇستاناتىنىن ايتتى، دەپ حابارلايدى baq.kz ٴتىلشىسى.

دەپۋتات «جۇمىسپەن قامتۋ سالاسىنىڭ پروبلەمالارى مەن دامۋ پەرسپەكتيۆالارى» تاقىرىبىندا ٴوتىپ جاتقان پارلامەنتتىك تىڭداۋدى ۇيىمداستىرۋ ٴۇشىن ارنايى ۋاقىتشا كوميسسيا قۇرىلعانىن اتاپ ٴوتتى.

«پارلامەنتتىك تىڭداۋدى وتكىزۋ ٴۇشىن ماجىلىستە ارنايى ۋاقىتشا كوميسسيا قۇرىلىپ، وعان دەپۋتاتتار مەن مينيسترلىكتەردىڭ وكىلدەرى، ساراپشىلار مەن قوعام قايراتكەرلەرى كىردى. سونداي-اق وسى جىلى ٴماجىلىس الاڭىندا نەگىزگى ماماندار مەن ٴبىلىم بەرۋ ۇيىمداردىڭ، مەملەكەتتىك قۇرىلىمدار وكىلدەرىمەن دوڭگەلەك ۇستەل جانە ساراپشىلىق كەزدەسۋلەر وتكىزىلدى»، - دەدى اتالعان ارنايى ۋاقىتشا كوميسسيانىڭ جەتەكشىسى.

سونداي-اق ايگۇل نۇركينا «نۇر وتان» پارتياسى جۇرگىزگەن الەۋمەتتىك ساۋالنامانىڭ قورىتىندىسىنا توقتالدى.

«ساۋالناماعا قاتىسقان 1500 جۇمىسسىز ادامنىڭ 18%ٴ-ى ٴبىر جىل بويى جۇمىس ىزدەپ ٴجۇر ەكەن. ال 15%ٴ-ى 3 جىلدان استام ۋاقىت بويى جۇمىسقا ورنالاسۋعا تىرىسۋدا. تابىس كوزى بويىنشا رەسپوندەنتتەردىڭ 34%ٴ-نىڭ كۇنكورىس كوزدەرى بەيرەسمي كىرىستەر، 27%ٴ-ى وتباسى مۇشەلەرىنىڭ تابىستارىنا، 16%ٴ-ى جاردەماقىلار مەن تولەمدەرگە ٴومىر سۇرەدى، ال 18%ٴ-نىڭ مۇلدەم كىرىستەرى جوق. حالىقتىڭ اراسىندا قامقورشىلىق ۇستانىمى ٴجيى بايقالادى. مىسالى، رەسپوندەنتتەردىڭ جۇمىسقا ورنالاسۋ ٴۇشىن مەملەكەت كومەكتەسۋى ٴتيىس ەكەنىن ايتقان. ال 16%ٴ-ى جۇمىسقا ورنالاسۋ ٴۇشىن تانىستاردىڭ نەمەسە دوستارىنىڭ بولۋى قاجەت دەپ ەسەپتەيدى»، - دەدى دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي