BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

قازاقستان مەن حورۆاتيا اراسىندا سالىق جەڭىلدىكتەرى تۋرالى زاڭ قابىلداندى

استانا، baq.kz ٴتىلشىسى. سەنات «قر ۇكىمەتى مەن حورۆاتيا ۇكىمەتى اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كەلىسىمدى جانە وعان حاتتامانى راتيفيكاسيالاۋ تۋرالى» زاڭ جوباسىن قابىلدادى.

«كەلىسىم ەكونوميكالىق ىنتىماقتاستىق جانە دامۋ ۇيىمىنىڭ مودەلدىك كونۆەنسياسىنىڭ نەگىزىندە جاسالعان. وسىنداي حالىقارالىق شارتتار شەتەلدىك ينۆەستورلارعا كەپىلدىك بەرىپ، سالىق سالۋ قۇقىعىن ەكى مەملەكەت اراسىندا ٴادىل بولىسۋگە مۇمكىندىك بەرەدى. كەلىسىم كەلەسى ماقساتتاردى كوزدەيدى: بىرىنشىدەن، الداعى ۋاقىتتا سالىقتىڭ بارلىق تۇرلەرى بويىنشا اقپارات الماسۋدى قالىپتاستىرىپ، سالىق قىزمەتتەرى اراسىنداعى ىنتىماقتاستىقتى نىعايتۋ; ەكىنشىدەن، رەزيدەنتتىكتى دالەلدەيتىن، ەكى مەملەكەتتە بىردەي قولدانىلاتىن ٴتارتىپتى بەلگىلەۋ; ۇشىنشىدەن، ديۆيدەندتەر، پايىزدار، رويالتي سياقتى ٴپاسسيۆتى تابىستارعا شەكتى ستاۆكالاردى بەكىتۋ; تورتىنشىدەن، ەكى ەلدىڭ قۇزىرەتتى ورگاندارىنىڭ اراسىنداعى سالىقتىق داۋلاردى شەشۋ ٴۇشىن قۇقىقتىق نەگىز قالىپتاستىرۋ»، - دەدى زاڭ جوباسىن تانىستىرعان قارجى ٴمينيسترى ٴاليحان سمايىلوۆ.

ٴمينيستردىڭ ايتۋىنشا، ەكى ەل اراسىنداعى تاۋار اينالىمى سوڭعى 10 جىلدا (2008-2018 جج.) 1،4 ملرد دوللاردى قۇراعان. قازاقستاندىق ەكسپورتتىڭ نەگىزگى باعىتى مۇناي ونىمدەرى، الليۋمينيي بولسا، يمپورت قۇرىلىمىندا فارماسەۆتىك ونىمدەر، كوسمەتيكالىق زاتتار مەن توقىما ونىمدەرى باسىمدىققا يە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي