BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسپيي تەڭىزىنىڭ قۇقىقتىق مارتەبەسىن ايقىندايتىن زاڭ ماقۇلداندى

فوتو: ашық дереккөзден

استانا، baq.kz ٴتىلشىسى. ٴماجىلىستىڭ جالپى وتىرىسىندا «كاسپيي تەڭىزىنىڭ قۇقىقتىق مارتەبەسى تۋرالى كونۆەنسيانى راتيفيكاسيالاۋ تۋرالى» زاڭ جوباسى ماقۇلداندى.

سىرتقى ىستەر ٴمينيسترى قايرات ٴابدىراحمانوۆ كاسپيي ماڭى ەلدەرى كاسپيي تەڭىزىنىڭ قۇقىقتىق مارتەبەسىن انىقتاۋ ٴۇشىن 25 جىل بويى كەلىسسوزدەر جۇرگىزگەنىن اتاپ ٴوتتى.

«وسى جىلدىڭ 12-تامىزىندا كاسپيي بەستىگىنىڭ تاريحىندا ماڭىزدى كۇن بولدى. بۇل كۇنى اقتاۋ قالاسىندا مەملەكەت باسشىلارى حالىقارالىق شارت «كاسپيي تەڭىزىنىڭ قۇقىقتىق مارتەبەسى تۋرالى» كونۆەنسياعا قول قويدى. بۇل قۇجاتتىڭ قول قويىلىنۋىنا 25 جىلعا سوزىلعان كەلىسسوزدەر سەبەپشى بولدى»، - دەدى ول.

ونىڭ ايتۋىنشا، اتالعان كونۆەنسياعا قول قويىلماس بۇرىن جوعارى دەڭگەيدەگى 5 كەزدەسۋ، كاسپيي ماڭى ەلدەرى سىرتقى ىستەر مينيسترلەرىنىڭ 7 وتىرىسى، سىرتقى ىستەر مينيسترلەرى ورىنباسارلارىنىڭ دەڭگەيىندەگى ارنايى جۇمىس توبىنىڭ 52 وتىرىسى، ٴارى جاعالاۋ ەلدەرى ساراپشىلارىنىڭ ٴارتۇرلى فورماتتارداعى وننان اسا كەزدەسۋلەرى وتكىزىلگەن.

كونۆەنسيانى ازىرلەۋ كەزىندە كاسپيي تەڭىزىندە قولدانۋعا بولاتىن حالىقارالىق تەڭىز قۇقىعىنىڭ نورمالارى، ۇلتتىق ساراپشىلاردىڭ ادىستەرى ەسكەرىلگەن.

«بۇل ٴمان ماتىندە كاسپيي تەڭىزىنىڭ قۇقىقتىق مارتەبەسىنە قاتىستى بۇۇ رەسمي قۇجاتى رەتىندە تاراتىلعان. قۇجات بويىنشا ۋاعدالاستىققا قول جەتكىزۋ جولىنداعى قازاقستاننىڭ اتقارعان جۇمىسىنا جانە ەلباسىنىڭ ٴسامميتتىڭ ٴساتتى ٴوتۋى مەن كاسپيي بويىنشا كەلىسسوزدەردىڭ بۇكىل پروسەسىندەگى سىندارلى ۇستانىمىنا قوسقان ۇلەسىنە تاراپتار وتە جوعارى باعا بەردى» – دەدى قايرات ٴابدىراحمانوۆ.

وسى ورايدا مينيستر اتالعان قۇجاتتا جاعالاۋ ەلدەرى قىزمەتىنىڭ نەگىزگى قاعيدالارى بەكىتىلگەنىن جەتكىزدى.

«كاسپيي تەڭىزىنىڭ قۇقىقتىق مارتەبەسى بويىنشا ماسەلەلەر تاراپتاردىڭ ايرىقشا قۇزىرەتىنە جاتادى. مەملەكەتتەردىڭ ەگەمەندىگىن، اۋماقتىق تۇتاستىعىن، تاۋەلسىزدىگىن، ەگەمەندىك تەڭدىگىن قۇرمەتتەۋ، كۇش نەمەسە كۇشپەن قورقىتۋدى قولدانباۋ، ٴوزارا قۇرمەت، ىنتىماقتاستىق، ٴبىر-بىرىنىڭ ىشكى ىستەرىنە ارالاسپاۋ سەكىلدى قاعيدالار نەگىزىندە جۇزەگە اسىرالادى. كاسپيي تەڭىزىنىڭ اكۆاتورياسى ٴارتۇرلى قۇقىقتىق رەجيمدەردە بولاتىن ىشكى سۋلار، اۋماقتىق سۋلار، بالىق اۋلاۋ ايماقتارى جانە ورتاق سۋ كەڭىستىگى بەلگىلەندى»، - دەدى ول.

ٴابدىراحمانوۆتىڭ سوزىنە قاراعاندا اۋماقتىق سۋلاردىڭ ەنى 15 تەڭىز ميلىنەن اسپايدى. ال ولاردىڭ سىرتقى سۋلارى تەڭىزدەگى مەملەكەتتىك شەكارالار بولىپ سانالادى.

«بيولوگيالىق سۋلار بالىق اۋلاۋعا ايرىقشا قۇقىقتار بەرەتىن 10 ميلدىك بالىق اۋلاۋ ايماقتارىمەن جالعاسادى. بالىق اۋلاۋ بىرىككەن بيورەسۋرستاردى قايتا وندىرۋمەن پايدالانۋدى رەتتەۋ بويىنشا كەلىسىلگەن نورمالار مەن ەرەجەلەر قولدانۋدىڭ كۆوتكالىق نەگىزىندە جۇزەگە اسىرىلادى. بالىق اۋلاۋ ايماقتارىنان تىس جەر ورتاق سۋ كەڭىستىگى ساقتالادى. تەڭىزدەگى مەملەكەتتىك شەكارالاردان تىس اۋماقتاردا جاعالاۋ ەلدەرىنىڭ تۋلارى استىندا ٴجۇزىپ وتەتىن كەمەلەر ٴۇشىن تەڭىزدە ٴجۇزۋ ەركىن بولادى»، - دەدى مينيستر.

سونىمەن قاتار ول كاسپيي تەڭىزىنىڭ ٴتۇبى مەن قويناۋىن سەكتورلارعا ٴبولۋ حالىقارالىق قۇقىقتىق نورمالاردى نازارعا الا وتىرىپ، شەكارالاس جانە قاراما-قارسى ورنالاسقان مەملەكەتتەردىڭ ۋاعدالاستىقتارى بويىنشا ياعني مۇددەلى مەملەكەتتەردىڭ اراسىنداعى جەكە كەلىسىمدەر نەگىزىندە جۇزەگە اسىرىلاتىنىن حابارلادى. ونىڭ ايتۋىنشا، كاسپييدىڭ ەكولوگيالىق جۇيەسى مەن ونىڭ بارلىق كومپەنەنتتەرى جان-جاقتى قورعالادى جانە ساقتالادى.

«تەڭىزدەگى قانداي دا ٴبىر قىزمەت ٴتۇرى تەڭىزدىڭ قورشاعان ورتاسى مەن بيولوگيالىق ەرەكشەلىكتەرىنە زاقىم كەلتىرمەۋى ٴتيىس. كونۆەنسيانى تۇراقتى ورىنداۋ بارىسىندا تۇراقتى بەسجاقتى ارنايى كونسۋلتاسيالار تەتىگى بولىپ سانالاتىن كاسپيي ماڭى مەملەكەتتەرى سىرتقى ىستەر مينيسترلەرىنىڭ ورىنباسارلارى ۋاكىلەتتى وكىلدەرى دەڭگەيىندە كاسپيي تەڭىزى ماسەلەلەرى بويىنشا جوعارى دەڭگەيدەگى جۇمىس توبى قۇرىلۋدا. بۇل كونۆەنسيا سيپاتىنا قاراي مەرسىمسىز راتيفيكاسيالاۋعا جاتادى جانە قازاقستان رەسپۋبليكاسى بەسىنشى راتيفيكاسيالىق گراموتانى العاننان كۇننەن باستاپ كۇشىنە ەنەدى»، - دەدى قايرات ٴابدىراحمانوۆ.

ٴسوز سوڭىندا مينيستر كاسپيي ماڭى مەملەكەتتەرىنىڭ بارلىعى كونۆەنسيانى راتيفيكاسيالاۋىنا قاجەتتى مەملەكەتتىك راسىمدەرىن ورىنداۋدى باستاعانىن اتاپ ٴوتتى. سونىمەن قاتار ول كونۆەنسيا كۇشىنە ەنگەننەن كەيىن بۇۇ جارعىسىنىڭ 102-بابىنا سايكەس بۇۇ حاتشىلىعىندا تىركەلەتىنىن جەتكىزدى. اتالعان زاڭ جوباسىن دەپۋتاتتار ماقۇلدادى.

ايتا كەتەيىك، وسىعان دەيىن ٴماجىلىس ٴتوراعاسى ۇلتتىق ەكونوميكا ٴمينيسترى تيمۋر سۇلەيمەنوۆتى سىنعا العانىن، ارمەنيانىڭ ۇكىمەت باسشىسىنا قاتىستى زاڭ جوباسى ماقۇلدانعانىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي