BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كامپيتتەر مەن ساعىزدار: سەناتور بالالاردى ەسىرتكىنىڭ جاڭا تۇرلەرىنەن قورعاۋعا شاقىردى

استانا، baq.kz ٴتىلشىسى. بۇگىن پارلامەنت سەناتىنىڭ دەپۋتاتى ساۋلە ايتپايەۆا دەپۋتاتتىق ساۋالىندا ەسىرتكى ماسەلەسىن كوتەردى.

سەناتوردىڭ ايتۋىنشا، ٴقازىر ەسىرتكى مەن سينتەتيكالىق زاتتار ساتىلىمى تۋرالى اقپارات قولجەتىمدى بولىپ كەتكەن. ەسىرتكى اشىق جارناما ارقىلى ساتىلادى. جىل سايىن ەسىرتكى بيزنەسى ناشاقورلىققا قارسى كۇرەستى جەتكىزبەي كەلەدى. ەسىرتكىدەن تۇسەتىن جىل سايىنعى الەمدىك تابىس $320 ميللياردتان $600 ميللياردقا دەيىن جەتەدى. بۇل دۇنيە ٴجۇزىنىڭ 90 مەملەكەتىنىڭ ىجو-سىنەن ارتىق.

«قازاقستاندىق جاسوسپىرىمدەردىڭ ەسىرتكىنى قابىلداۋى تۋرالى مالىمەتتەر كەز كەلگەن اتا-انانى شوشىتۋى مۇمكىن. ەلىمىزدەگى ەسىرتكىگە تاۋەلدى 52 مىڭ ادامنىڭ ٴۇش مىڭى – بالالار. ەڭ كىشكەنتاي ناشاقور ٴقازىر 7 جاستا. ول ينەكسيالىق ەسىرتكى قابىلدايدى. الماتىدا 2018 جىلدىڭ وزىندە عانا 18 بالا ەسەپكە الىنعان. جانە دە بۇل تولىق مالىمەت ەمەس. بۇل كورسەتكىشتى تاعى بىرنەشە رەت كوبەيتۋگە بولادى. سەبەبى، بارلىعى ەسىرتكى ورتالىعىنا دەيىن جەتكەن جوق. ادامداردىڭ 80-90 پايىزىندا گەروين، مەتادون مەن اۋىر ەسىرتكى تۇرلەرىنە قارسى يممۋنيتەت قالىپتاسقانىمەن قازىرگى جاڭا ەسىرتكى تۇرلەرىنە قالىپتاسپاعان. ٴقازىر شەگۋگە ارنالعان قوسپالار، سينتەتيكالىق ەسىرتكىلەر، كريستالدار شىعىپ جاتىر»، - دەدى ايتپايەۆا.

دەپۋتاتتىڭ ايتۋىنشا، ٴقازىر كامپيتتەر مەن ساعىزدار دا بار. ينتەرنەتتەن دە ەسىرتكى تابۋ وڭاي بولىپ كەتتى. ەسىرتكى كۋرەرى مەكتەپ وقۋشىلارى مەن مەكتەپكە دەيىنگى جاستاعى بالالارعا تۇسكەن. سونداي-اق، ايتپايەۆا وقۋشىلار اراسىندا سينتەتيكالىق ەسىرتكىلەر كەڭ تاراعانىن ايتتى. ولار نەگىزىنەن قىتايدان اكەلىنەدى جəنە ولاردىڭ ٴبىر ٴتۇرى ۆانناعا ارنالعان تۇز تۇرىندە جەتكىزىلگەن.

«بۇل تۇزدىڭ ٴبىر ٴتۇيىرى، ٴبىر يىسكەۋ گالليۋسيناسيا تۋدىرادى. ەگەر بالاعا ۋاقىتىلى كومەك كورسەتپەسە، ول ۇشقىسى كەلىپ، بيىك عيماراتقا شىعىپ، ابايسىزدا سەكىرىپ كەتۋى مۇمكىن. وسىلايشا، بىلمەستىكتەن سۋيسيد جاسالادى»، - دەدى ساۋلە ايتپايەۆا.

سەناتوردىڭ ايتۋىنشا، بۇگىن وتىرىستا قابىلدانعان زاڭ ەسىرتكىنىڭ تارالۋىنا جول بەرمەۋگە باعىتتالعان.

اتاپ وتسەك، بۇگىن پارلامەنت سەناتىنىڭ وتىرىسىندا «قر كەيبىر زاڭنامالىق اكتىلەرىنە ەسىرتكى، پسيحوتروپتىق زاتتار، سول تەكتەستەر مەن پرەكۋرسورلار اينالىمىن باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى قابىلداندى. اتالعان زاڭ ەسىرتكىنىڭ جاڭا تۇرلەرىنە تىيىم سالۋدى كوزدەيدى.

سونداي-اق، سەنات ٴتوراعاسى قاسىم-جومارت توقايەۆ ەسىرتكى تاراتۋشىلاردى ٴومىر بويىنا باس بوستاندىعىنان ايىرۋدى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي