قايرات ٴمامي: كونستيتۋسيالىق كەڭەستىڭ شەشىمدەرى ۋاقىتىلى جانە تولىق ورىندالۋى كەرەك - پارلامەنت|15 ماۋسىم 2018، 11:12
كۋرسى ۆاليۋت وبنوۆليايۋتسيا
استانا:

قايرات ٴمامي: كونستيتۋسيالىق كەڭەستىڭ شەشىمدەرى ۋاقىتىلى جانە تولىق ورىندالۋى كەرەك

فوتو: qazaly.kz

قر پارلامەنت پالاتالارىنىڭ بىرلەسكەن وتىرىسىندا قر كونستيتۋسيالىق كەڭەسىنىڭ ٴتوراعاسى قايرات ٴمامي «قازاقستان رەسپۋبليكاسىنداعى كونستيتۋسيالىق زاڭدىلىقتىڭ جاي-كۇيى تۋرالى» قر كونستيتۋسيالىق كەڭەسىنىڭ جىل سايىنعى جولداۋىن جاريالادى، دەپ حابارلايدى baq.kz ٴتىلشىسى.

ٴوز سوزىندە قايرات ٴمامي كونستيتۋسيالىق كەڭەستىڭ شەشىمدەرى ۋاقتىلى ورىندالىپ وتىرۋ قاجەتتىگىن اتاپ ٴوتتى.

«جۇيەلى ٴسوزدىڭ ٴوتىمى بولادى، جۇيەسىز ٴسوزدىڭ كەتىمى بولادى» دەگەن اتا-بابامىزدىڭ دانا ٴسوزى بار. كونستيتۋسيالىق كەڭەستىڭ شەشىمدەرى ۋاقىتىلى جانە تولىق ورىندالۋى كەرەك ەكەندىگىنە ۋاكىلەتتى ورگاندار باسشىلارىنىڭ نازارىن اۋدارامىن. كەڭەستىڭ قورىتىندى تۇستارى دەر كەزىندە ورىنداۋ كونستيتۋسيالىق زاڭدىلىق رەجيمنىڭ ساقتالۋىمەن تىكەلەي بايلانىستى»، - دەدى ول.

ونىڭ ايتۋىنشا، تالداۋ مالىمەتتەرىنە سايكەس، كەيبىر قولدانىستاعى زاڭنامالىق اكتىلەردە بۇرىن كونستيتۋسياعا سايكەس ەمەس دەپ تانىلعان نەمەسە ولارعا ۇقساس نورمالار، ال جاڭادان قابىلدانعان قۇقىقتىق نورمالاردا كونستيتۋسيالىق كەڭەس بۇرىن انىقتاعان كەمشىلىكتەر الىدە كەزدەسىپ تۇرادى. وسى ورايدا ول ادىلەت مينيسترلىگى ارنايى زاڭ جوباسىن جاساپ جاتقانىن اتاپ ٴوتتى.

«قازىرگى تاڭدا ادىلەت ميننيسترلىگى اكىمشىلىك راسىمدىك پروسەس كودەكسى جوباسىن ازىرلەۋدە. كونستيتۋسيالىق كەڭەس اكىمشىلىك راسىمدەر تۋرالى زاڭنىڭ قۇقىقتىق رەتتەۋ نىساناسىن ناقتىلاۋعا ۇسىنىس بەردى»، - دەدى قايرات ٴمامي.

سونىمەن قاتار قر كونستيتۋسيالىق كەڭەسىنىڭ ٴتوراعاسى تەمىرتاۋ قالالىق سوتى كوتەرگەن ماسەلەگە توقتالدى.

«كونستيتۋسيالىق كەڭەس قاراعاندى وبلىسى تەمىرتاۋ قالالىق سوتىنىڭ ۇسىنىسى بويىنشا قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرىنەن كەتۋ ٴتارتىبىن رەتتەيتىن قۇقىقتىق اكتىلەردىڭ وسال تۇستارىن انىقتاعان بولاتىن. ۇكىمەتتىڭ قاۋلىسىمەن ٴتيىستى قاعيدالارعا وزگەرىستەر ەنگىزىلگەنىنە قاراماستان ٴبىزدىڭ پايىمداۋىمىزشا بۇل ماسەلەگە قاتىستى زاڭنامالىق اكتىلەردى ودان ٴارى جەتىلدىرۋ بۇگىنگى تاڭدا ٴالى وزەكتىلىگىن ساقتاپ وتىر»، - دەپ تۇيىندەدى ٴسوزىن ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي