BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴىىم سينتەتيكالىق ەسىرتكى ساتۋشىلارمەن جاڭا ٴادىس ارقىلى كۇرەسپەك

استانا، baq.kz ٴتىلشىسى. ٴماجىلىستىڭ ٴبىرىنشى وقىلىمىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەسىرتكى، پسيحوتروپتىق زاتتار، سول تەكتەستەر مەن پرەكۋرسورلار اينالىمىن باقىلاۋ، ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ماقۇلداندى.

اتالعان قۇجاتتىڭ ماڭىزىن دەپۋتاتتارعا قر ىشكى ىستەر ٴمينيسترى قالمۇحانبەك قاسىموۆ ٴتۇسىندىردى.

ونىڭ ايتۋىنشا، سينتەتيكالىق ەسىرتكىلەر رەسەي، قىتاي، ەۋروپادان پوشتا ارقىلى كەلەدى. ال ازاماتتار ونى الۋ ٴۇشىن اقشانى qiwi ٴاميانعا اۋدارادى.

مينيستر اتالعان زاڭ جوباسى ارقىلى سينتەتيكالىق ەسىرتكىمەن كۇرەستىڭ جاڭا ادىستەرى ەنگىزىلەتىنىن اتاپ ٴوتتى.

«سوندىقتان ٴبىز تەك ەسىرتكىنى ساتىپ العان ادامداردى عانا ۇستايمىز. بيىل 125 ٴىس قوزعادىق. ونىڭ ىشىندە 89 قىلمىستىق ٴىس قىسقاردى. سەبەبى، (تابىلعان زات - اۆتور) ەسىرتكى تىزىمىندە جوق. ولار جاڭادان شىققان ەسىرتكى بولىپ سانالادى. مۇندا ەڭ باستىسى ەسكىرتكىمەن كۇرەستىڭ جالپى تۇسىنىگى وزگەرەدى. ولار (سينتەتيكالىق ەسكىرتى ساتۋشىلار – اۆتور) ەسىرتكىنىڭ قۇرامىن وزگەرتىپ، ونداعى فورمۋلا مەن اتومداردى اۋىستىرادى»، - دەدى ول.

سالدارىنان پوليسيا تاركىلەگەن سينتەتيكالىق ەسىرتكىنىڭ قۇرامىنان ەسىرتكىنى تابا المايدى. ياعني ول ەسىرتكى زاتتارىنىڭ تىزىمىندەگى فورمۋلاعا سايكەس كەلمەيدى.

«ٴبىز ولاردى (سينتەتيكالىق ەسكىرتى ساتۋشىلار – اۆتور) زاڭ الدىندا جاۋاپكەرشىلىككە تارتا الماي وتىرمىز. قازىرگى تاڭدا ٴبىز ينتەرنەت رەسۋرستارىن جاۋىپ جاتىرمىز. وتكەن جىلى ٴبىز 522 ينتەرنەت رەسۋرسىن جاپساق، وسى جىلى 3 200 سايتتى جاپتىق»، - دەدى قالمۇحانبەك قاسىموۆ.

سونداي-اق مينيستر qiwi ٴاميان ارقىلى ٴانونيمدى اقشا تولەمدەرىنە تىيىم سالۋعا ۇسىنىس جاساعانىن ايتتى.

«ٴبىز ٴبىر اي بۇرىن ۇلتتىق بانك پەن قارجى مينيسترلىگىنە «تولەم تۋرالى» زاڭ بويىنشا 100 اەك-كە دەيىن نەمەسە 240 مىڭ تەڭگە ٴانونيمدى تۇردە تولەم جاساۋعا تىيىم سالۋدى ۇسىندىق. ٴبىز اقشا تولەمدەرىن كىم اۋدارعانىن بىلگىمىز كەلەدى. وسى ماسەلەنى قاراستىرىپ جاتىرمىز»، - دەدى ۆەدومستۆو باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي