«حالىق كوممۋنيستەرى» تكش ماسەلەلەرى بويىنشا زاڭ جوباسىن تالقىلادى

استانا، baq.kz. ماجىلىستە «حالىق كوممۋنيستەرى» فراكسياسىنىڭ كەڭەيتىلگەن وتىرىسى ٴوتتى.

وتىرىستىڭ تاقىرىبى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا ارنالدى.

زاڭنامالىق قۇجات ٴاربىر كوپپاتەرلى تۇرعىن ۇيدە مەنشىك يەلەرىنىڭ بىرلەستىگىن قۇرۋ جولىمەن باسقارۋ ورگاندارىنىڭ قىزمەتىن رەتتەۋگە، پايدالانىلاتىن شىعىستاردىڭ ەڭ تومەنگى مولشەرىن بەلگىلەۋگە، تۇرعىن ۇيلەردىڭ اعىمداعى جانە كۇردەلى جوندەۋ جۇمىستارىنا قاراجات جيناۋدىڭ تەتىكتەرىن رەگلامەنتتەۋگە جانە باسقا دا ماسەلەلەرگە باعىتتالاعان.

تۇرعىن ٴۇي قاتىناستارىنداعى قالىپتاسقان جۇيەنى رەفورمالاۋ ماقساتىندا كوندومينيۋمدى باسقارۋ ٴۇشىن كوممەرسيالىق ەمەس جاڭا نىسان – مەنشىك يەلەرىنىڭ بىرلەستىگىن (ميب) قۇرۋ كوزدەلىپ وتىر. «تۇرعىن ٴۇي قاتىناستارى تۋرالى» زاڭنىڭ نەگىزگى جاڭالىقتارىنىڭ ٴبىرى - تۇرعىن ٴۇي قورىنىڭ جانە تۇرعىن ٴۇي – كوممۋنالدىق شارۋاشىلىعىنىڭ بىرەگەي اقپاراتتىق جۇيەسىن قۇرۋ جانە ەنگىزۋ بولىپ تابىلادى.

وسىلايشا، قىزمەت كورسەتۋشى كومپانيالار مەن ٴتۇرعىن ٴۇي يەلەرىنىڭ اراسىنداعى جاريالىلىقتى قامتاماسىز ەتۋ، سونداي-اق ولاردىڭ قارجىسىنىڭ جۇمسالۋىنا جانە باسقارۋشى كومپانيالار مەن ەنەرگيامەن جابدىقتاۋشى كاسىپورىنداردىڭ قىزمەتىنە باقىلاۋ ورناتۋ.

«حالىق كوممۋنيستەرى» فراكسياسىنىڭ كەڭەيتىلگەن وتىرىسىنا «نۇر وتان» جانە «اقجول» پارتيالارىنىڭ دەپۋتاتتارى، مەملەكەتتىك ورگانداردىڭ، ايماقتاردىڭ، قاۋىمداستىقتار مەن قوعامدىق ۇيىمداردىڭ وكىلدەرى قاتىستى. جينالىستىڭ قورىتىندىسى بويىنشا ٴتيىستى ۇسىنىم ازىرلەۋگە شەشىم قابىلداندى. بۇل قۇجات فراكسيانىڭ كەزەكتى وتىرىسىندا قابىلدانادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!