BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەمدەلۋگە كەلەتىن تاجىكستاندىقتار قاتارى كوبەيدى – دەپۋتات

فوتو: ашық дереккөзден

استانا، baq.kz ٴتىلشىسى. قر پالامەنتى ٴماجىلىسىنىڭ دەپۋتاتى كارىباي مۇسىرمان قازاقستان مەن تاجىكستان اراسىنداعى كوشى-قون سالاسىنداعى كورسەتكىشتەردى باياندادى. ونىڭ ايتۋىنشا، مەديسينالىق تۋريزم بويىنشا قازاقستانعا كەلەتىن تاجىكستاندىقتار سانى ارتقان.

«2017 جىلى قازاقستاننان تاجىكستانعا 4115 قازاقستاندىقتىڭ جولى تۇسسە، ولاردىڭ 154 ىسكەرلىك ماقساتپەن، 725 حالىقارالىق تاسىمالداۋ ٴۇشىن، 3236 جەكە شارۋاسىمەن بارعان. وتكەن جىلى قازاقستاندا 59400 تاجىكستان ازاماتى تىركەلگەن. ونىڭ ىشىندە 17785 ادام تۋريزم بويىنشا كەلگەن. مەديسينالىق تۋريزم بويىنشا قازاقستانعا كەلىپ ەلىمىزدىڭ ۇزدىك دەنساۋلىق ساقتاۋ مەكەمەلەرىندە ەمدەلۋشىلەر قاتارى كوبەيگەنىن اتاپ ايتقان ٴجون. تاجىك اعايىندارىنىڭ كوپشىلىگى الماتى قالاسى مەن الماتى وبلىسىنا، استانا قالاسىنا، تۇركىستان جانە قاراعاندى وبلىستارىنا ات باسىن تىرەگەن»، - دەدى دەپۋتات.

ول ەلىمىزگە كەلگەن تاجىكستان ازاماتتارى اراسىندا كوشى-قون زاڭناماسىن بۇزۋشىلار، باسقا دا قۇقىق بۇزۋشىلىقتارعا ۇرىنۋشىلار بارىن اتاپ ٴوتتى.

«قازاقستان ازاماتتىعىن العان تاجىك اعايىنداردىڭ ىشىندە قوس ازاماتتىقپەن جۇرگەندەر دە اشكەرەلەنىپ جاتادى. وسى كەلەڭسىزدىكتەرگە جول بەرمەۋ ٴۇشىن ەكى ەلدىڭ كوشى-قون ساياساتىن ۇيلەستىرۋگە، قوس تاراپتىڭ قۇقىق قورعاۋ ورگاندارىن قاجەتتى اقپاراتپەن جەدەل الماسۋىنا مۇمكىندىك بەرەتىن بازا قاجەت»، - دەدى مۇسىرمان.

ەسكە سالا كەتسەك، بۇگىن ٴماجىلىس دەپۋتاتتارى «قر ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ جوباسىن ماقۇلداعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي