پرەزيدەنتكە قاۋىپسىزدىك كەڭەسىن ٴومىر بويى باسقارۋعا مۇمكىندىك بەرەتىن زاڭ جوباسى ماقۇلداندى - پارلامەنت|31 مامىر 2018، 11:00
كۋرسى ۆاليۋت وبنوۆليايۋتسيا
استانا:

پرەزيدەنتكە قاۋىپسىزدىك كەڭەسىن ٴومىر بويى باسقارۋعا مۇمكىندىك بەرەتىن زاڭ جوباسى ماقۇلداندى

فوتو: ашық дереккөзден

قر پارلامەنتى سەناتىنىڭ وتىرىسىندا «قازاقستان رەسپۋبليكاسىنىڭ قاۋىپسىزدىك كەڭەسى تۋرالى» زاڭىنىڭ جوباسى قابىلداندى، دەپ حابارلايدى baq.kz ٴتىلشىسى.

اتالعان قۇجاتتى دەپۋتاتتارعا ادىلەت ٴمينيسترى مارات بەكەتايەۆ تانىستىردى.

«زاڭ جوباسى قازاقستان رەسپۋبليكاسى قاۋىپسىزدىك كەڭەسىنىڭ قۇقىقتىق مارتەبەسiن، قۇزىرەتىن جانە قىزمەتىنىڭ ۇيىمداستىرىلۋىن ايقىندايدى. وسىلايشا، زاڭ جوباسىمەن قاۋىپسىزدىك كەڭەسىن ۇيلەستىرۋشى كونستيتۋسيالىق ورگان رەتىندە تانۋ ۇسىنىلادى»، - دەدى ول.

ٴمينيستردىڭ ايتۋىنشا، زاڭ جوباسى 3 تاراۋدان تۇرادى.

«بiرiنشi تاراۋ، قاۋiپسiزدiك كەڭەسiنiڭ قۇقىقتىق مارتەبەسiن، قىزمەتiنiڭ نەگiزدەرiن، مiندەتتەرi مەن فۋنكسيالارىن ايقىندايدى. قاۋىپسىزدىك كەڭەسىنىڭ مىندەتتەرىنە: ەلدىڭ ۇلتتىق قاۋىپسىزدىگىن، قورعانىس قابىلەتىلىگىن قامتاماسىز ەتۋ بويىنشا مەملەكەتتىك ساياساتتىڭ باعىتتارىن قاراۋ; سول باعىتتار بويىنشا مەملەكەتتىك ورگاندار مەن ۇيىمداردىڭ قىزمەتىن ۇيلەستىرۋ جاتادى. سونىمەن قاتار، قازاقستان رەسپۋبليكاسىنىڭ زاڭناماسىنا جانە قاۋىپسىزدىك كەڭەسى ٴتوراعاسىنىڭ شەشىمدەرىنە سايكەس باسقا دا مىندەتتەر قاراستىرىلادى»، - دەدى باسشى.

كەيىن مارات بەكەتايەۆ زاڭنىڭ ەكىنشى تاراۋى قاۋىپسىزدىك كەڭەسىنىڭ قۇرامىن، ونىڭ ٴتوراعاسى مەن مۇشەلەرىنىڭ وكىلەتتىگىن، ونىڭ قىزمەتىن ايقىندايتىنىن جەتكىزدى.

«اتاپ ايتقاندا، كەلەسى وكىلەتتىكتەردى بەكىتۋ ۇسىنىلادى: قاۋىپسىزدىك كەڭەسىنىڭ قىزمەتىن باسقارۋدى جۇزەگە اسىرۋ; ونىڭ وتىرىستارى مەن جەدەل كەڭەستەرىن شاقىرۋ; قاۋىپسىزدىك كەڭەسى تۋرالى ەرەجەنى بەكىتۋ; زاڭنامادا كوزدەلگەن وزگە دە وكىلەتتىكتەردى جۇزەگە اسىرۋ. قاۋىپسىزدىك كەڭەسىنىڭ قىزمەتىن اقپاراتتىق-تالدامالىق جانە ۇيىمداستىرۋشىلىق جاعىنان قامتاماسىز ەتۋدى قاۋىپسىزدىك كەڭەسىنىڭ ٴتوراعاسىنا باعىناتىن جانە ەسەپ بەرەتىن قاۋىپسىزدىك كەڭەسىنىڭ اپپاراتى جۇزەگە اسىرادى»، - دەدى مينيستر.

بەكەتايەۆتىڭ ايتۋىنشا، اتالعان قۇجاتتاعى ٴۇشىنشى تاراۋ قاۋىپسىزدىك كەڭەسى مەن قاۋىپسىزدىك كەڭەسى اپپاراتىنىڭ قىزمەتىن قارجىلاندىرۋ ماسەلەلەرىن، سونداي-اق زاڭنىڭ كۇشىنە ەنۋ ٴتارتىبىن رەتتەيدى.

ٴتيىستى تالقىلاۋدان كەيىن دەپۋتاتتار اتالعان زاڭ جوباسىن قابىلدادى.

ايتا كەتەيىك، اتالعان زاڭ جوباسى ەلباسى نۇرسۇلتان نازاربايەۆقا ٴومىر بويى باسقارۋعا مۇمكىندىك بەرەدى. ەندى اتالعان قۇجات پرەزيدەنتتىڭ قاراۋىنا جىبەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي