BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدىڭ وركەندەۋىنە، حالقىمىزدىڭ ٴال-اۋقاتىن ارتتىرۋعا باعىتتالعان زاڭداردى قابىلدايتىن بولامىز - سەناتور

پارلامەنت سەناتىنىڭ دەپۋتاتى بەكمىرزا ەلامانوۆ ەلىمىزدەگى ٴوزىن-وزى جۇمىسپەن قامتيتىن ازاماتتاردىڭ قىزمەت اياسىن زاڭمەن بەلگىلەۋ، اسىرەسە، ولاردى الەۋمەتتىك قامسىزداندىرۋ جۇيەسىنە قوسۋ قاجەتتىگى ماڭىزدى ەكەنىن اتاپ ٴوتتى، دەپ حابارلايدى baq.kz اقپارات اگەنتتىگى.

"سەسسيانىڭ اشىلۋىندا ەلباسى وتكەن جىلى اتقارىلعان جۇمىستارعا توقتالا وتىرىپ، الدا تۇرعان مىندەتتەردى ايقىنداپ بەردى. ەلىمىزدىڭ ەكونوميكاسىن دامىتۋ، حالىقتىڭ ٴال-اۋقاتىن جاقسارتۋ قاجەتتىگى اتاپ ٴوتىلىپ، ناقتى تاپسىرمالار بەرىلدى. سولاردىڭ ٴبىرى – ەلىمىزدەگى ٴوزىن-وزى جۇمىسپەن قامتيتىن ازاماتتاردىڭ قىزمەت اياسىن زاڭمەن بەلگىلەۋ، اسىرەسە، ولاردى الەۋمەتتىك قامسىزداندىرۋ جۇيەسىنە قوسۋ قاجەتتىگى ماڭىزدى بولىپ وتىر" - دەيدى سەناتور.

سونىمەن قاتار ول اۋىل شارۋاشىلىعىنا سالاسىنا قاتىستى زاڭداردى جەتىلدىرۋ قاجەتتىگى ايقىندالعانىن اتىپ ٴوتتى.

"قازىرگى كەزدە بىزدە اگروونەركاسىپ كەشەنى تۋرالى زاڭ جوباسى قارالىپ جاتىر. ەندى وسى اۋىل شارۋاشىلىعى سالاسىنا قاتىستى زاڭ جوبالارىن ودان ٴارى پىسىقتاۋ، وعان ۇسىنىستار جاساپ، وزگەرىستەر ەنگىزۋ ارقىلى جەتىلدىرۋ تۋرالى تاپسىرما بەرىلدى. سونداي-اق، ەل ومىرىندەگى كەيىنگى كەزدەگى جاڭالىقتار دا زاڭنامادا كورىنىس تاباتىن بولادى. اتاپ ايتقاندا، جاڭادان قۇرىلىپ جاتقان تۇركىستان وبلىسىن دامىتۋعا قاتىستى، شىمكەنت قالاسىنا ەرەكشە مارتەبە بەرۋ تۋرالى زاڭ جوبالارى دا قارالادى. الداعى ۋاقىتتا پارلامەنتتە ەلىمىزدىڭ وركەندەۋىنە، حالقىمىزدىڭ ٴال-اۋقاتىن ارتتىرۋعا باعىتتالعان زاڭداردى قابىلدايتىن بولامىز" - دەيدى پارلامەنت سەناتىنىڭ دەپۋتاتى بەكمىرزا ەلامانوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي