پرەزيدەنت «7-20-25» تۋرالى: «پاتەرى جوقتارعا ارنالعان باعدارلاما» - پارلامەنت|01 ماۋسىم 2018، 14:28
كۋرسى ۆاليۋت وبنوۆليايۋتسيا
استانا:

پرەزيدەنت «7-20-25» تۋرالى: «پاتەرى جوقتارعا ارنالعان باعدارلاما»

فوتو: krsk.aif.ru

قر پرەزيدەنتىنىڭ توراعالىعىمەن ٴوتىپ جاتقان «نۇر وتان» پارتياسى ساياسي كەڭەسىنىڭ وتىرىسىندا نۇرسۇلتان نازاربايەۆ ٴوزى ۇسىنعان بەس الەۋمەتتىك باستامانىڭ العاشقىسى «7-20-25» يپوتەكالىق تۇرعىن ٴۇي باعدارلاماسىنىڭ تيىمدىلىگى تۋرالى ايتتى، دەپ حابارلايدى baq.kz ٴتىلشىسى.

«بەس الەۋمەتتىك باستاما ٴدال ۋاقىتىندا قابىلداندى جانە ٴار باستاما قاراپايىم ادامدار ٴۇشىن ارنالعان. بۇل باستامالار مەملەكەت ٴۇشىن از قارجى تۇرمايدى. ٴار باستاما ٴبىزدىڭ نە ىستەۋگە ٴتيىسپىز، سول تۋرالى ايتادى»، - دەپ باستادى ٴسوزىن ەلباسى.

سودان سوڭ قر پرەمەر-مينيسترىنىڭ ورىنباسارى ەربولات دوسايەۆ پرەزيدەنتتىڭ العاشقى باستاماسى ٴار وتباسىعا باسپانا الۋدىڭ جاڭا مۇمكىندىكتەرىن بەرۋ تۋرالى باياندادى.

«ٴبىرىنشى باستاما – ٴار وتباسىعا باسپانالى بولۋى ٴۇشىن جاڭا مۇمكىندىكتەر بەرۋ. ۇلتتىق باعدارلاما «7-20-25» يپوتەكالىق كرەديتتەۋ باعدارلاماسىنىڭ كونسەپسياسى بويىنشا قابىلداندى. 2018 جىلدىڭ 1 شىلدەسىنەن باستاپ وسى باعدارلاما بويىنشا بانكتەر تىكەلەي نەسيەلەۋدى باستايدى. باعدارلامادا يپوتەكالىق تۇرعىن زايمى تەڭگەمەن جانە قوسىمشا كوميسسياسىز، زايم جيناعىنسىز بەرىلەدى»، - دەدى دوسايەۆ.

پرەزيدەنت پرەمەر-مينيستر ورىنباسارىنىڭ سوزىنەن سوڭ اتالعان باعدارلامانىڭ تيىمدىلىگىنە توقتالدى.

«ٴبىز ەڭ ٴبىرىنشى جاستاردىڭ باسپانالى بولۋىنا مۇمكىندىك بەرەرمىز، سودان سوڭ ەشقانداي پاتەرى جوقتاردى قامتيمىز. پاتەرى بارلار اقشا تاۋىپ، ساتىپ الادى. ال ٴبىز بۇل باعدارلامانى بۇگىندە ەشقانداي پاتەرلەرى جوقتار ٴۇشىن جاسادىق. (...) ٴبىز بارلىق اقشانى، وتباسىندا جۇمىس ىستەيتىن ەكى ادامنىڭ ەڭبەكاقىسىن ەسەپتەدىك. يپوتەكالىق كرەديت مولشەرى ماكسيمۋم 7% بولادى. پروسەنتتى تومەندەۋى ٴۇشىن الداعى ۋاقىتتا جۇمىس ىستەيمىز. كرەديت ٴۇشىن تولەيتىندەرگە ارزان بولۋ ٴۇشىن بۇرىندارى العاشىندا 50% جارنانى تالاپ ەتتىك، ٴقازىر 20% بولدى. بۇرىن ماكسيمۋم 10 جىلعا نەسيە بەرسەك، ٴقازىر 25 جىلعا دەيىن بەرىلەدى»، - دەدى ەلباسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي