BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەق ەلدەرىندەگى ازاماتتاردىڭ ەڭبەك قۇقىعىن قورعاۋعا باعىتتالعان زاڭ قابىلداندى

فوتو: интернеттен

قر پارلامەنتى سەناتى ەۋرازيالىق ەكونوميكالىق قوعامداستىققا مۇشە ەلدەردەگى ازاماتتاردىڭ ەڭبەك قۇقىعىن قورعاۋعا باعىتتالعان زاڭ جوباسىن قابىلدادى، دەپ حابارلايدى baq.kz ٴتىلشىسى.

بۇگىن قر پارلامەنتىنىڭ جوعارعى پالاتاسىنىڭ دەپۋتاتتارى «ەۋرازيالىق ەكونوميكالىق قوعامداستىققا مۇشە ٴبىر مەملەكەتتىڭ ازاماتتارى ەۋرازيالىق ەكونوميكالىق قوعامداستىققا مۇشە ەكىنشى مەملەكەتتىڭ اۋماعىندا ەڭبەك قىزمەتىن جۇزەگە اسىرۋ كەزىندە ۇشىراعان وندىرىستەگى جازاتايىم وقيعالاردى تەرگەپ-تەكسەرۋ ٴتارتىبى تۋرالى كەلىسىمدى راتيفيكاسيالاۋ تۋرالى» زاڭ جوباسىن قولداپ، داۋىس بەردى.

وتىرىستا قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا اتالعان قۇجاتتىڭ ماڭىزىن ٴتۇسىندىردى.

«كەلىسىم ەۋرازيالىق ەكونوميكالىق قوعامداستتىققا مۇشە مەملەكەتتەردىڭ وندىرىستەگى جازاتايىم وقيعا سالدارىنان زارداپ شەككەن ازاماتتاردىڭ ەڭبەك قۇقىقتارىن قورعاۋعا باعىتتالعان. كەلىسىم ەۋرازيالىق ەكونوميكالىق قوعامداستىقتىڭ ٴوز بەتىنشە جۇمىسقا ورنالاسقان ازاماتتارمەن سونداي-اق كاسىپورىنداردا جۇمىسقا الاتىن ازاماتتارمەن بولعان جازاتايىم وقيعالاردى تەكسەرۋ ٴتارتىبىن بەكىتۋگە ارنالعان»، - دەدى ول.

وسى ورايدا مينيستر زاڭ جوباسى قانداي ماسەلەلەردى رەتتەيتىنىن ايتتى.

«ٴبىرىنشى، ەۋرازيالىق ەكونوميكالىق قوعامداستىققا مۇشە ٴبىر مەملەكەتتىڭ ازاماتتارىمەن باسقا مەملەكەتتىڭ اۋماعىندا ەڭبەك قىزمەتىن جۇزەگە اسىرعاندا بولعان وندىرىستەگى جازاتايىم وقيعالار تۋرالى اقپاراتتىڭ اشىقتىعى مەن قولجەتىمدىلىگى; ەكىنشى، اتالعان كەلىسىممەن ەەق-عا مۇشە ەلدەر ٴۇشىن ورتاق وندىرىستەگى جازاتايىم وقيعا تۋرالى اكتىسى بەكىتىلەدى. وندىرىستەگى جازاتايىم وقيعانى اياقتالعاننان كەيىن جۇمىس بەرۋشى زارداپ شەككەن جازاتايىم وقيعانى اكتىنى بەرۋگە مىندەتتى. توپتىق اۋىر نەمەسە ادام ولىمىنە اكەپ سوققان جازاتايىم وقيعالاردى تەكسەرۋ اياقتالعاننان كەيىن اكت تەكسەرۋ ماتەريالدارىمەن بىرگە زارداپ شەگۋشى ازامات تۇراتىن مەملەكەتتىڭ ۋاكىلەتتى ورگانىنا جولدانادى. ٴۇشىنشى، اتالعان زاڭ جوباسى كومەگىمەن جۇمىسشىعا جازاتايىم وقيعاعا بايلانىستى قۇجاتتاردى زاڭداستىرۋ قاجەت بولمايدى»، - دەدى ۆەدومستۆو باسشىسى.

ٴمادينا ٴابىلقاسىموۆانىڭ پىكىرىنشە، زاڭ جوباسى زارداپ شەككەن ازاماتتاردىڭ دەنساۋلىعىنا كەلگەن زارداپتى ودان ٴارى وتەۋدى، ٴارى وندىرىستەگى جازاتايىم وقيعامەن بايلانىستى وتەماقى تولەمدەرىن الۋدى ٴبىرشاما جەڭىلدەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي