BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەپۋتاتتار جامبىل وبلىسىندا كوشپەلى وتىرىس وتكىزدى

استانا، baq.kz. بۇگىن ٴماجىلىستىڭ ەكونوميكالىق رەفورما جانە وڭىرلىك دامۋ كوميتەتى جامبىل وبلىسىندا كوشپەلى وتىرىس وتكىزدى. وتىرىستىڭ ماقساتى - تۇرعىن ۇي-كوممۋنالدىق شارۋاشىلىق سالاسىن ودان ٴارى جەتىلدىرۋ ماسەلەلەرىمەن تانىسۋ.

كوشپەلى وتىرىس اياسىندا ٴماجىلىس دەپۋتاتتارى «تاراز سۋ» مەملەكەتتىك كوممۋنالدىق كاسىپورىننىڭ، «قايرات» پاتەر يەلەرى كووپەراتيۆىنىڭ جانە «2020 جىلعا دەيىن وڭىرلەردى دامىتۋ» باعدارلاماسى شەڭبەرىندە جوندەۋدەن وتكەن تاراز قالاسى «سامال» شاعىن اۋدانىنىڭ №3 ٴۇيىنىڭ جۇمىسىمەن تانىسىپ، جوندەۋدەن كەيىن قالپىنا كەلتىرىلگەن وبەكتىلەردى ارالادى.

كوشپەلى وتىرىستىڭ قورىتىندىسى بويىنشا جامبىل وبلىسىنىڭ اكىمدىگىندە وبلىس اكىمى ا. مىرزاحمەتوۆتىڭ، ينۆەستيسيالار جانە دامۋ مينيسترلىگىنىڭ قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى، ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتى، ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ جامبىل وبلىسى بويىنشا اۋماقتىق بولىمشەسى، «اتامەكەن» ۇلتتىق كاسىپكەرلەر پالاتاسى باسشىلىعىنىڭ، سونداي-اق جامبىل وبلىسىنىڭ جۇرتشىلىعى مەن كاسىپكەرلەرى وكىلدەرىنىڭ قاتىسۋىمەن كوميتەتتىڭ كەڭەيتىلگەن وتىرىسى ٴوتتى.

وتىرىستى ەكونوميكالىق رەفورما جانە وڭىرلىك دامۋ كوميتەتىنىڭ ٴتوراعاسى سابيليانوۆ نۇرتاي اشىپ، ينۆەستيسيالار جانە دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ٴتوراعاسى م. جايىمبەتوۆ تۇرعىن ۇي-كوممۋنالدىق شارۋاشىلىعى سالاسىن دامىتۋ جانە جەتىلدىرۋ بويىنشا قابىلدانىپ وتىرعان شارالار ماسەلەلەرى جونىندە بايانداما جاسادى.

سونداي-اق كەڭەيتىلگەن وتىرىستا جەرگىلىكتى اتقارۋشى ورگان، كوممەرسيالىق ەمەس ۇيىم مەن كاسىپكەرلىك توپتىڭ وكىلدەرى ٴوز ۇسىنىستارى مەن پىكىرلەرىن ٴبىلدىردى.

ٴىس-شارا بارىسىندا تۇرعىن ۇي-كوممۋنالدىق شارۋاشىلىق سالاسىن جانە زاڭنامالىق بازانى ودان ٴارى جەتىلدىرۋ بويىنشا بىرلەسكەن جۇمىستى جالعاستىرۋ مەن جامبىل وبلىسىنىڭ تۇرعىن ۇي-كوممۋنالدىق شارۋاشىلىعى جوبالارىن ىسكە اسىرۋ جونىندەگى ماسەلەلەر تالقىلاندى.

ايتا كەتۋ كەرەك، جامبىل ٴوڭىردىڭ كوممۋنالدىق سەكتورىندا 2016-2018 جىلدارى بويىنشا «نۇرلى جول» مەملەكەتتىك باعدارلاماسى شەڭبەرىندە 6 جوبانى ىسكە اسىرۋعا جالپى سوما 5،4 ملرد تەڭگە قاراجات كوزدەلگەن. جىلۋمەن قامتاماسىز ەتۋ جەلىلەرىنىڭ 6،7 كم سالىنىپ، رەكونسترۋكسيالاندى. جامبىل وبلىسىنىڭ تۇرعىن ٴۇي سەكتورىندا 1603 كوپ پاتەرلى تۇرعىن ٴۇي بار، ونىڭ ىشىندە ادىلەت ورگاندارىندا 1264 ٴۇي نەمەسە 78،8% تىركەلگەن.

«2020 جىلعا دەيىن وڭىرلەردى دامىتۋ» مەملەكەتتىك باعدارلاماسى (تۇرعىن ۇي-كوممۋنالدىق شارۋاشىلىقتى جاڭعىرتۋ باعدارلاماسى) شەڭبەرىندە 2011 جىلدان باستاپ وبلىس بويىنشا جالپى 2،5 ملرد تەڭگە سوماسىنا 172 ٴۇي جوندەلگەن. بۇل رەتتە كۇردەلى جوندەۋدى تالاپ ەتەتىن كوپ پاتەرلى تۇرعى ٴۇيدىڭ ۇلەسى 23،8% نەمەسە 383 ٴۇيدى قۇرايدى. 2016-2018 جىلدارى رەسپۋبليكالىق بيۋدجەتتەن قاراجات بولىنگەن جوق.

بۇرىن جوندەلگەن تۇرعىن ۇيلەر مەنشىك يەلەرىنىڭ قايتارىمدى قاراجات ەسەبىنەن جوندەۋ جۇمىستارى جالعاسىپ جاتىر. قاراجاتتى قايتارۋ جوسپارى 74،3% نەمەسە 1 ملرد تەڭگەنى قۇرايدى. قايتارىمدى قاراجات ەسەبىنەن 78 ٴۇي جوندەلدى، 10 ۇيدە جوندەۋ جۇرگىزىلىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي