دەپۋتات مەملەكەتتىك-جەكەمەنشىك ارىپتەستىكتەگى كەمشىن تۇستاردى اتادى - پارلامەنت|29 قازان 2018، 12:55
كۋرسى ۆاليۋت وبنوۆليايۋتسيا
استانا:

دەپۋتات مەملەكەتتىك-جەكەمەنشىك ارىپتەستىكتەگى كەمشىن تۇستاردى اتادى

فوتو: ашық дереккөзден

استانا، baq.kz ٴتىلشىسى. مەملەكەتتىك-جەكەمەنشىك ارىپتەستىككە باسقا سالالاردى دا بەلسەندى قوسۋ قاجەت. بۇل جونىندە ماجىلىستەگى ۇكىمەت ساعاتىندا دەپۋتات امانجان جامالوۆ مالىمدەدى.

«بۇگىنگى تاڭدا ەلىمىزدە مەملەكەتتىك-جەكەمەنشىك ارىپتەستىكتى ەنگىزۋ بويىنشا اۋقىمدى جۇمىستار اتقارىلىپ، جوبالاردى جۇزەگە اسىرۋدى وڭتايلاندىرۋ ٴۇشىن سايكەس زاڭنامالىق قۇجاتتارعا دا تۇبەگەيلى وزگەرىستەر ەنگىزىلدى. الايدا، بۇل ەشقانداي پروبلەما جوق دەگەندى بىلدىرمەيدى. جوبالار سانىنىڭ ارتۋىنا بايلانىستى ٴبىز ولاردىڭ ساپاسىنا ٴمان بەرۋدى دوعاردىق. جەكە سەكتور تاراپىنان بولىپ جاتقان جەتكىلىكتى ينۆەستيسيالاردى كورىپ وتىرعان جوقپىز. اعىمداعى جىلدىڭ 15 قازانىنداعى ۇسىنىلعان مالىمەتكە سايكەس، جالپى سوماسى 1 ترلن 906 ملرد تەڭگەگە بارلىعى 443 مەملەكەتتىك-جەكەمەنشىك ارىپتەستىك كەلىسىمشارتى جاسالعان. فانتاستيكالىق سوما. ال مەملەكەتتىك مىندەتتەمەلەردىڭ سوماسى 799 ملرد تەڭگەنى، تارتىلعان ينۆەستيسيالار كولەمى نەبارى 379 ملرد تەڭگەنى قۇراعان»، - دەدى دەپۋتات.

ول ۇلكەن الماتى اينالما اۆتوموبيل جولىنىڭ قۇرىلىسى ٴۇشىن 500 ملرد تەڭگەدەن استام مەملەكەتتىك مىندەتتەمە قاراستىرىلعانىن دا اتاپ ٴوتتى.

«جاسالعان كەلىسىمشارتتاردىڭ كوپ بولىگى ٴبىلىم، دەنساۋلىق ساقتاۋ سالالارىنا تيەسىلى. ول سايكەسىنشە 60% جانە 20% قۇراپ وتىر. سونىمەن قاتار، مەملەكەتتىك-جەكەمەنشىك ارىپتەستىك جوبالارى بويىنشا جەكە ارىپتەستەر مەملەكەتتىك قولداۋدىڭ قولدا بار بارلىق شارالارىن قولدانىپ قالۋعا تىرىسادى»، - دەگەن دەپۋتات بۇل مەملەكەتتىك بيۋدجەت شىعىنىن ارتتىرىپ وتىرعانىن ايتتى.

ول بۇل ٴۇردىستى وزگەرتۋ قاجەتتىلىگى تۋىنداپ وتىرعانىن باسا اتاپ ٴوتتى.

«مەملەكەتتىك-جەكەمەنشىك ارىپتەستىك ماقساتى – مەملەكەتتىك پەن بيزنەستىڭ تەڭ سەرىكتەستىگى. قازىرگى ۋاقىتتا بۇل ٴبىر باعىتتا عانا قوزعالىپ كەلە جاتىر. ەڭ الدىمەن، ەكونوميكانىڭ ناقتى سەكتورىن كوتەرمەلەۋ قاجەت. وڭىرلەردە مەملەكەتتىك-جەكەمەنشىك ارىپتەستىكتى دامىتۋعا ارنالعان باسىمدى باعىتتار جوق ەكەنىن كورىپ وتىرمىز. مىسالى، تۇرعىن-ۇي-كوممۋنالدىق شارۋاشىلىق سالاسىندا جاسالعان كەلىسىمشارتتار سانى نەبارى 9 عانا. ال سۋمەن جابدىقتاۋ، سۋ بۇرۋ جەلىلەردىڭ توزۋى سەكىلدى ماسەلەلەر جىل سايىن كوتەرىلىپ كەلەدى»، - دەدى جامالوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي