BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

داۋرەن ابايەۆ: گازەتكە ماجبۇرلەپ جازدىرۋدى قولدامايمىن

استانا، baq.kz ٴتىلشىسى. قر اقپارات جانە كوممۋنيكاسيالار ٴمينيسترى داۋرەن ابايەۆ ٴباسپاسوز باسىلىمدارىنا ٴماجبۇرلى تۇردە جازىلۋ ماسەلەسىنە قاتىستى پىكىرىن ايتتى.

«مەن ماجبۇرلەپ جازدىرۋدى قولدامايمىن. ٴبىز وتاندىق بۇقارالىق اقپارات قۇرالدارىن دامىتۋ ٴۇشىن جاعداي جاساۋىمىز كەرەك. بۇل دەگەنىمىز نە؟ ادامدار كەلىپ، گازەتتى ساتىپ الا الۋى ٴتيىس. ەكىنشىدەن، ٴبىز جاقسى ٴارى قىزىقتى كونتەنت ٴۇشىن قولايلى جاعداي تۋدىرۋىمىز قاجەت. مەن ەرىكتى تۇردە جازىلۋدى عانا قولدايمىن »، - دەدى ابايەۆ ٴماجىلىس كۋلۋارىندا بەرگەن سۇحباتىندا.

ٴمينيستردىڭ ايتۋىنشا، گازەتتەر ٴوزىنىڭ وزەكتىلىگىن جوعالتپايدى.

«مەنىڭ ويىمشا، گازەتتەر وزەكتىلىگىن جوعالتپايدى. زەرتتەۋلەرگە سۇيەنسەك، گازەت تەرەڭ وقۋ ٴۇردىسىن ۇسىنادى. ەگەر ادامدار ونلاين ماقالانى جىلدام، 40 سەكۋندتا وقىپ شىقسا، گازەتتەگى ماقالانى 10 ەسە ۇزاق وقيدى. بۇل جارناما بەرۋشىلەر ٴباسپاسوز باسىلىمدارىن كوبىرەك تاڭدايدى دەگەندى بىلدىرەدى. ارينە، گازەتتەرگە ٴوز ورنىن تابۋ كەرەك. ولار تەك جاڭالىق تاراتۋشى بولا المايدى. دەگەنمەن، بۇگىندە رەسپۋبليكالىق گازەتتەر مازمۇندىق جاعىنان ايتارلىقتاي ىلگەرىلەي تۇسكەنىن دە ايتا كەتكەن ٴجون»، - دەدى داۋرەن ابايەۆ.

بۇعان دەيىن مينيستر «وزىق ٴبىلىمدى ٴىت-ماماندارىمىزدى ۋىسىمىزدان شىعارىپ الماۋىمىز كەرەك» دەگەن بولاتىن. سونداي-اق، ەلىمىزدە اۆتوموبيل جانە مەتاللۋرگيا سالاسىن روبوتتاندىرۋ مۇمكىندىگى جوعارى ەكەنىن ايتقان ەدى. جانە دە ابايەۆ بولاشاق ماماندىقتار مەن «اقىلدى قالالاردى» اتاعان بولاتىن. مينيستر ۇيالى تەلەفوندى تىركەۋ جايلى دا ٴسوز قوزعاعان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي