BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بيىل قازاقستانعا 500 مىڭعا جۋىق تاجىكستاندىق كەلگەن 

استانا، baq.kz ٴتىلشىسى. سوڭعى ٴۇش جىلدا قازاقستانعا تاجىكستاننىڭ 1،5 ملن ازاماتى كەلگەن. ولاردىڭ قاتىسۋىمەن بيىل 59 مىڭ قىلمىس جاسالعان. بۇل تۋرالى ٴىىم باسشىسى قالمۇحانبەت قاسىموۆ قر پارلامەنتى ٴماجىلىسىنىڭ جالپى وتىرىسىندا مالىمدەدى.

سارسەنبىدە ٴماجىلىس دەپۋتاتتارىنا «قر ۇكىمەتى مەن تاجىكستان رەسپۋبليكاسىنىڭ ۇكىمەتى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ جوباسى تانىستىرىلدى.

«ٴىىم بەرگەن مالىمەتتەرگە سايكەس، سوڭعى ٴۇش جىلدا قازاقستان اۋماعىنا 1،5 ملن استام تاجىكستان ازاماتى كەلگەن. ولاردىڭ 182 مىڭى ەلىمىزدە تىركەلسە، قالعاندارى ترانزيتپەن، بولماسا قازاقستاندا زاڭسىز ورنالاسقان. وسى كەزەڭدە تاجىكستان ازاماتتارى ەلىمىزدە 138 قىلمىستىق قۇقىق بۇزۋشىلىق جاساعان. كوشى-قون ٴتارتىبىن بۇزعانى ٴۇشىن 10 مىڭ ادام اكىمشىلىك جاۋاپكەرشىلىككە تارتىلعان. سونىمەن قاتار 2 مىڭعا جۋىعى ەلدەن شىعارىلدى»، - دەدى ٴماجىلىس دەپۋتاتى ارمان قوجاحمەتوۆ.

دەپۋتات ىشكى ىستەر ٴمينيسترى قالمۇحانبەت قاسىموۆتان كەلىسىم قابىلدانعاننان كەيىن مينيسترلىكتىڭ زاڭسىز كوشى-قونعا قارسى جانە شەتەل ازاماتتارىنىڭ قۇقىق بۇزۋشىلىعىن ازايتۋ ماقساتىندا قانداي شارالار جاسايتىنىن سۇرادى.

«بيىل 11 ايدا ەلىمىزگە 492 مىڭ تاجىكستان ازاماتى كەلدى. ولاردىڭ 56 مىڭى عانا تىركەلگەن. سەبەبى ولار ەلگە كەلگەننەن كەيىن 5 كۇن ىشىندە تىركەلۋى ٴتيىس. قالعاندارى قىزمەتتىك، جەكە ىستەرىمەن كەلگەن. سونداي-اق، 10 مىڭ تۋريست بار. بيىل ولاردىڭ قاتىسۋىمەن 59 مىڭ قىلمىس جاسالاعان، بىلتىر – 48 مىڭ قىلمىس. كوبىنەسە ۇساق، بازاردا جاسالعان ۇرلىقتار. ٴبىز بۇل ماسەلەنى زەرتتەپ، جۇمىس ىستەيتىن بولامىز. ولادىڭ ىشىندە 15 مىڭ ادام اكىمشىلىك جاۋاپكەرشىلىككە تارتىلدى»، - دەپ جاۋاپ بەردى قالمۇحانبەت قاسىموۆ.

ونىڭ ايتۋىنشا، ەلگە كەلگەن تاجىكستان ازاماتتارىنىڭ 90% 5 كۇن ىشىندە تىركەلىپ ۇلگەرمەگەنى ٴۇشىن جاۋاپقا تارتىلعان.

سونىمەن قاتار، ماجىلىستە ٴىىم باسشىسى بيىل قوس ازاماتتىعى بار 15260 ادام انىقتالعانىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 جەلتوقسان 2018, 18:34
500 مىڭ تەڭگە ايلىق تىلەيمىن!
كوممەنتاريي