BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەتتى تۇمشالاۋعا تىيىم سالاتىن زاڭ ماجىلىسكە قايتارىلدى

قر پارلامەنتى سەناتى بەت-الپەتتى تانۋعا كەدەرگى كەلتىرەتىن كيىم-كەشەكتى قوعامدىق ورىنداردا كيىپ جۇرۋگە تىيىم سالاتىن زاڭ جوباسىن ماجىلىسكە كەرى قايتاردى، دەپ حابارلايدى baq.kz ٴتىلشىسى.

بۇگىن سەنات وتىرىسىندا «قر كەيبىر زاڭنامالىق اكتىلەرىنە ٴدىني قىزمەت جانە ٴدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالىپ، قۇجات ٴماجىلىستىڭ قاراۋىنا جىبەرىلدى.

«سەنات زاڭ جوباسىنا 2 وزگەرىس ەنگىزۋدى ۇسىندى. سول بويىنشا جۇمىس ىستەيمىز»، - دەدى قوعامدى دامۋ ٴمينيسترى دارحان كالەتايەۆ سەنات وتىرىسىنىڭ كۋلۋارىندا.

جوعارى پالاتانىڭ دەپۋتاتتارى اتالعان قۇجات بويىنشا «جارناما» تۋرالى زاڭعا تۇزەتۋ ەنگىزۋدى ۇسىنعان. وعان سايكەس جارناما دەسترۋكتيۆتى ٴدىني اعىمداردىڭ سىرتقى اتريبۋتتارىن، كيىم-كەشەكتەرىن ناسيحاتتاۋ ٴۇشىن پايدالانىلماۋى ٴتيىس. سونداي-اق قر اكىمشىلىك قۇقىق بۇزۋشىلىق تۋرالى كودەسكتە اتالعان تىيىم سالۋدى بۇزعانى ٴۇشىن جاۋاپكەرشىلىك كوزدەلمەگەن. ال قۇقىق قولدانۋ پراكتيكاسىندا اتالعان نورمانى ىسكە اسىرۋ قيىن ەكەن. سوندىقتان اتالعان نورمانى الىپ تاستاۋ ۇسىنىلدى.

سونىمەن قاتار زاڭداعى ەكىنشى وزگەرتۋ ازاماتتاردىڭ ٴدىني ٴبىلىم الۋىنا بايلانىستى.

ەستەرىڭىزگە سالا كەتەيىك، اتالعان زاڭ جوباسى وسىعان دەيىن مامىردا ماجىلىستە ماقۇلداعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي