BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەكبولات تىلەۋحان: قازاق كورەرمەنى اش 

فوتو: интернеттен

بۇگىن قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا ٴسوز سويلەگەن دەپۋتات بەكبولات تىلەۋحان وتاندىق فيلمدەر تۇسىرۋگە قولايلى جاعداي جاساپ، كورەرمەنگە ٴوز ونىمدەرىمىزدى كوپتەپ ۇسىناتىن ٴسات كەلگەنىن مالىمدەدى، دەپ حابارلايدى baq.kz ٴتىلشىسى.

«كينەماتوگرافيا تۋرالى زاڭ ەلىمىزدىڭ مادەنيەتىنە، ونەرىنە، يدەولوگياسىنا عانا ەمەس، قالا بەردى، ەكونوميكاسىنا دا ايتارلىقتاي ىقپالى بولعاندىقتان، ەل ٴومىرى، ۇلت تاعدىرىنا بەي-جاي قاراي المايتىن كەز-كەلگەن ازامات ٴۇشىن بۇل ماڭىزدى قۇجات. ەندى، «كينەماتوگرافيا تۋرالى زاڭ» دەگەندە، الدىمەن ۇلتتىق كينو جانە ونى پروكاتتاۋ جۇيەسى ويىمىزعا ورالادى. كينونىڭ توڭىرەگىندە كەشەندى ماسەلە جەتەرلىك. ٴبىراق، تۇيىتكىلدى جاعدايلار وسى زاڭ جوباسىندا شەشىمىن تاپقان. ابدەن ٴييى قانىپ قاراستىرىلعان زاڭداردىڭ ٴبىرى بولدى. ويتكەنى، بۇعان قوعامدا وسى سالاعا قاتىسى بار ادامداردىڭ ٴبىرازى قاتىستى. زاڭ جوباسىنىڭ ەكونوميكالىق ىقپالى جايىندا ايتار بولساق، ەلىمىزگە جىل سايىن ورتا ەسەپپەن 300 تارتا شەتەلدىك ٴونىم كىرەدى ەكەن. ال ٴوزىمىز ٴوندىرىپ وتىرعان تۋىندىلاردىڭ كولەمى وسىنىڭ 10 پايىزى شاماسىندا عانا. ياعني، 30-40 فيلم. بۇل دا بولسا سوڭعى جىلداردا جەتىپ وتىرعان مەجە ەمەس. ول فيلمدەردىڭ 20% ٴقازاقفيلمنىڭ، قالعان 80% - جەكەمەنشىك ستۋديالاردىڭ تۋىندىلارى. دەمەك، بىزدە جەكەمەنشىك ستۋديالاردىڭ الەۋەتى بار. ولارعا مەملەكەت تاراپىنان قارجىلىق قولداۋ قاراستىرىلىپ، پروكات ماسەلەسى شەشىلەتىن بولسا، وتاندىق فيلمدەر لاپ ەتە قالعالى تۇر»، - دەدى دەپۋتات.

ول «كينەماتوگرافيا تۋرالى» زاڭ جۇيەسى سول فيلمدەردى كورەرمەنگە ەركىن جەتكىزۋ جۇيەسىن جاساپ بەرۋ ٴۇشىن ازىرلەنىپ وتىرعان دۇنيە ەكەنىن اتاپ ٴوتتى.

«بىزدە پروكاتتىق كومپانيالار كوپ جاعدايدا قازاق كينوستۋدياسىنا كوز جۇما قارايتىنى جاسىرىن ەمەس. سوندا كەلتىرىپ وتىرعان ارگۋمەنتتەرىنىڭ كوبى گولليۆۋدتىق ستاندارتقا ساي ەمەس، جارىق، دىبىس سياقتى كومپونەنتتەر. بوكس-وفيستىڭ 40% قۇراعان «بيزنەس پو-كازاحسكي» اتتى وتاندىق تۋىندى بولدى. ساپالى، جاقسى، ستاندارتقا ساي شىعار. ٴبىراق، بۇل كۇللى قازاق كينوسىنىڭ كورسەتكىشى ەمەس، بۇل - ٴبىر عانا فاكت. ەندى ٴبىر كينو تابىستى بولدى دەپ، قازاق كينوسىن گولليۆۋدتىق باسەكەگە جىبەرە سالۋعا بولمايدى. وتاندىق كينو مەملەكەتتىڭ قامقورلىعىندا، قاراۋىندا بولۋى كەرەك. ونى «قازاقفيلم» وندىرە مە، جەكەمەنشىك كينوستۋديا وندىرە مە، ٴبارىبىر. كەيدە بوكس-وفيستىڭ كورسەتكىشى، جالپى، پروكاتتاعى وتاندىق فيلمدەردىڭ بەتالىسى قانداي بولاتىنىن ٴبىز بىلمەيمىز. ياعني، بىزگە وتاندىق ونىمدەرگە قاتىستى ناقتى جۇيەلى بولجام، اناليز كەرەك، اقپاراتتىق جۇيە كەرەك»، - دەپ ايتتى بەكبولات تىلەۋحان.

دەپۋتاتتىڭ ايتۋىنشا، اتالعان زاڭمەن مونيتورينگ جۇرگىزەتىن ٴدال وسىنداي اقپاراتتىق جۇيە قۇرۋدى كوزدەلىپ وتىر.

«جالپى، قازاق كورەرمەنى اش. ول ٴوز ونىمدەرىمىزدى كورگىسى كەلەدى. ۇلتتىق كينو، ۇلتتىق مادەنيەت تۇرعان جەردە كەي دۇنيەلەر ىسىرىلىپ، وعان ورىن بەرۋى كەرەك دەپ سۇراۋ، ونىڭ ەش سوكەتتىگى جوق. وسى زاڭ جوباسى قازاق كينوسىن پروكات تۇرعىسىنان العاندا ٴار كورەرمەنىنە جەتكىزۋ ٴۇشىن تەتىك بولادى دەپ سانايمىن. ول ٴۇشىن قاجەتتى باستى نورمالار بەكىتىلگەن. بىر-ەكى جەردە وڭتۇستىك كورەيا مەن فرانسيانىڭ تاجىريبەلەرىن ۇسىنعاندار بولدى. ٴبىراق، ماحامبەت ايتپاقشى، «بالپاڭ-بالپاڭ كىم باسپاس، باسارعا بالتىر شىداسا» دەگەندەي، كەيبىر نارسەلەر ۋاقىت پەن مۇمكىندىكتەر جەتپەي وتىرعاندىقتان، كەيىنگى كۇندەردىڭ ەنشىسىنە قالدى»، - دەگەن دەپۋتات بۇگىنگى كۇنى قازاق كينەماتوگرافياسى تۋرالى زاڭنىڭ قاراۋعا شىعارىلىپ، قابىلدانىپ وتىرعانىنىڭ ٴوزى كينو سالاسى ٴۇشىن ۇلكەن ٴبىر جەتىستىك ەكەنىن ايتتى.

ەسكە سالا كەتسەك، قر پارلامەنتى ماجىلىسىندە «كينەماتوگرافيا تۋرالى» قازاقستان رەسپۋبليكاسى زاڭى جوباسىنىڭ ٴبىرىنشى وقىلىمىندا پالاتا ٴتوراعاسى نۇرلان نىعماتۋلين ەلدەگى فيلمدەرگە «ۇلتتىق» مارتەبە بەرۋ بارىسىندا سۇرىپتاۋ بەلگىلەرىنە قاتىستى پىكىر ٴبىلدىردى. ول قازاقستاندىق فيلمدەردىڭ بارلىعىن ساقتاۋ قاجەتتىلىگى بار ەكەنىن ايتتى جانە وتاندىق كينوتەاترلاردىڭ جۇمىسىن باقىلاۋعا الۋ كەرەكتىگىن جەتكىزدى.

سونداي-اق ماجىلىستە بايانداما جاساعان قر مادەنيەت جانە سپورت ٴمينيسترى ارىستانبەك مۇحامەدي ۇلى «قازاقفيلم» كينوستۋدياسىنىڭ تەحنيكالىق جابدىقتالۋى تومەن ەكەنىن مالىمدەدى.

قر پارلامەنتى ٴماجىلىسىنىڭ دەپۋتاتى اباي تاسبولاتوۆ ەلىمىزدە بالالاردىڭ مۋلتفيلمدەردى تەك ورىسشا كورىپ جۇرگەنىن ايتىپ، اتالعان ماسەلەگە نازار اۋدارۋدى تالاپ ەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي